ಬಜೆಟ್ 2019: ಭಾರತ ಸಂಪರ್ಕಿಸುವ ಭಾರತಮಾಲಾ, ಸಾಗರಮಾಲಾಕ್ಕೆ ವೇಗ
ನವದೆಹಲಿ, ಜುಲೈ 05: ದೇಶವನ್ನು ಯೋಜನೆಗಳ ಮೂಲಕ ಒಗ್ಗೂಡಿಸುವ ಧ್ಯೇಯವನ್ನು ಹೊಂದಿರುವ ಮೋದಿ ಸರ್ಕಾರ ಆಗಾಗ್ಗೆ ದೇಶದುದ್ದಕ್ಕೂ ಒಂದೇ ಮಾದರಿಯ ಯೋಜನೆಗಳನ್ನು ಜಾರಿಗೊಳಿಸುತ್ತಲೇ ಬಂದಿದೆ.
ಇಂದು ಮಂಡಿಸಿದ ಬಜೆಟ್ನಲ್ಲೂ ಈ ಬಗ್ಗೆ ಪ್ರಸ್ತಾಪವಾಗಿದ್ದು, ಭಾರತಮಾಲಾ, ಸಾಗರಮಾಲಾ ಯೋಜನೆಯಡಿ ದೇಶವನ್ನು ಉತ್ತರದಿಂದ ದಕ್ಷಿಣಕ್ಕೆ ಸಂಪರ್ಕಿಸುವ ರಸ್ತೆ ಹಾಗೂ ಸಮುದ್ರಯಾನದ ಯೋಜನೆಯನ್ನು ಪ್ರಸ್ತುತಪಡಿಸಲಾಗಿದೆ.
ಜಲಮಾರ್ಗ ಅಭಿವೃದ್ಧಿ ಮತ್ತು ಉಡಾನ್ ಯೋಜನೆಗಳಿಗೆ ವೇಗ ತಂದುಕೊಡುವ ಬಗ್ಗೆ ಬಜೆಟ್ನಲ್ಲಿ ಪ್ರಸ್ತಾಪಿಸಲಾಗಿದೆ. ಸಾಗರ ತೀರದ ನಗರಗಳಲ್ಲಿ ಮೂಲಸೌಕರ್ಯ ಅಭಿವೃದ್ಧಿಗೆ ಒತ್ತು ಸೇರಿದಂತೆ ಇನ್ನೂ ಹಲವು ವಿಷಯಗಳನ್ನು ಬಜೆಟ್ ಒಳಗೊಂಡಿದೆ.
ಭಾರತಮಾಲಾ ಯೋಜನೆಯಡಿ ರಸ್ತೆ ಸಂಪರ್ಕ ಸುಗಮ ಮಾಡುವ ಗುರಿಯನ್ನು ಸರ್ಕಾರ ಹೊಂದಿದೆ. ಸಾಗರಮಾಲಾ ಯೋಜನೆಯ ಮೂಲಕ ಬಂದರುಗಳನ್ನು ಸಂಪರ್ಕಿಸುವ ಯೋಜನೆಯನ್ನು ಕೈಗೆತ್ತಿಕೊಂಡಿದೆ. ಸಾಗರಮಾಲಾ ಮೂಲದ ಬಂದರು ಸಂಪರ್ಕದ ಮೂಲಕ ಕೈಗಾರಿಕೆ ಅಭಿವೃದ್ಧಿಗೆ ಒತ್ತು ನೀಡುವ ಗುರಿಯನ್ನು ಹೊಂದಲಾಗಿದೆ.
Click it and Unblock the Notifications
Sign in with Google