'90 ವರ್ಷದ ಅನುಭವಿ ಕಂಪನಿ, ಅನನುಭವಿ ರಿಲಯನ್ಸ್ ಅನ್ನು ಆಯ್ಕೆ ಮಾಡಲು ಸಾಧ್ಯವಿಲ್ಲ'

ನವದೆಹಲಿ, ನವೆಂಬರ್ 14: ರಫೇಲ್ ಯುದ್ಧ ವಿಮಾನ ಖರೀದಿ ವಿಚಾರ ಬುಧವಾರ ಸುಪ್ರೀಂ ಕೋರ್ಟ್ ನಲ್ಲಿ ವಿಚಾರಣೆ ನಡೆದಿದೆ. ಈ ವೇಳೆ ಕಲಾಪದಲ್ಲಿ ಯಾರು, ಏನು ಹೇಳಿದರು ಎಂಬ ಸಂಗತಿ ಬಹಳ ಆಸಕ್ತಿಕರವಾಗಿದೆ. ಅದರ ವಿವರಗಳು ಇಲ್ಲಿವೆ.

ಅರುಣ್ ಶೌರಿ: 1929ನೇ ಇಸವಿಯಲ್ಲಿ ಸ್ಥಾಪನೆಯಾಗಿ, ಆ ಪ್ರಮಾಣದ ಅನುಭವ ಇರುವ ಫ್ರಾನ್ಸ್ ನ ಡಸಾಲ್ಟ್ ಕಂಪನಿಯು ಅನುಭವವೇ ಇಲ್ಲದೇ ಕಂಪನಿಯೊಂದನ್ನು ಭಾಗೀದಾರ ಎಂದು ಆರಿಸಿಕೊಳ್ಳಲು ಸಾಧ್ಯವಿಲ್ಲ.

ಅರುಣ್ ಶೌರಿ: ಸ್ವತಃ ಡಸಾಲ್ಟ್ ಕಂಪನ್ ತೀವ್ರ ಆರ್ಥಿಕ ಬಿಕ್ಕಟ್ಟನ್ನು ಎದುರಿಸುತ್ತಿತ್ತು.

ಅರುಣ್ ಶೌರಿ: ಆಗಿನ ರಕ್ಷಣಾ ಸಚಿವ ಮನೋಹರ್ ಪರಿಕರ್ ಗೆ ಈ ವ್ಯವಹಾರದ ಬಗ್ಗೆ ಗೊತ್ತೇ ಇರಲಿಲ್ಲ. ಇದನ್ನು ಸ್ವತಃ ಅವರೇ ಹೇಳಿಕೊಂಡಿದ್ದಾರೆ.

ಅರುಣ್ ಶೌರಿ: ಯುದ್ಧ ವಿಮಾನ ಖರೀದಿಯ ಬೆಲೆ ಹೇಗೆ ಹೆಚ್ಚಾಯಿತು?

ಅರುಣ್ ಶೌರಿ: ವಿಮಾನವನ್ನು ತಯಾರು ಮಾಡುವುದಕ್ಕೆ ಎಚ್ಎಎಲ್ ಗೆ ಪೂರ್ಣ ಸಾಮರ್ಥ್ಯ ಇದೆ. ಈ ಬಗ್ಗೆ ಸರಕಾರ ನೀಡಿದ ಹೇಳಿಕೆ ಒಪ್ಪಲು ಸಾಧ್ಯವೇ ಇಲ್ಲ.

ಮುಖ್ಯ ನ್ಯಾಯಮೂರ್ತಿ ರಂಜನ್ ಗೊಗೊಯ್: ನಾವೀಗ ಚರ್ಚೆ ಮಾಡುತ್ತಿರುವ ವಿಚಾರ ವಾಯು ಸೇನೆಗೆ ಸಂಬಂಧಿಸಿದ್ದಾಗಿದೆ. ಆದ್ದರಿಂದ ನಾವು ಭಾರತೀಯ ವಾಯು ಸೇನೆಯಿಂದ ಒಬ್ಬರನ್ನು ಭೇಟಿ ಆಗಬೇಕು, ಸಚಿವಾಲಯದಿಂದ ಅಲ್ಲ.

ಅಟಾರ್ನಿ ಜನರಲ್ ಕೆ.ಕೆ.ವೇಣುಗೋಪಾಲ್: ಅಂಥವರು ಇಲ್ಲಿ ಶೀಘ್ರದಲ್ಲೇ ಇರುತ್ತಾರೆ.

ಅಟಾರ್ನಿ ಜನರಲ್ ಕೆ.ಕೆ.ವೇಣುಗೋಪಾಲ್ (ಕೇಂದ್ರ ಸರಕಾರ ಪರ ವಕಾಲತ್ತು ವಹಿಸಿರುವವರು): ನಮ್ಮ ಬಳಿ ಇರುವ ಶಸ್ತ್ರಾಸ್ತ್ರ ಹಾಗೂ ವೈಮಾನಿಕ ಶಕ್ತಿ ಬಗ್ಗೆ ರಹಸ್ಯ ಕಾಪಾಡಲಾಗುತ್ತದೆ. ನಮ್ಮ ಶಕ್ತಿ ಬಗ್ಗೆ ಶತ್ರುಗಳಿಗೆ ತಿಳಿದರೆ ಅಪಾಯಕಾರಿ ಪರಿಣಾಮ ಬೀರುತ್ತದೆ.

ಅಟಾರ್ನಿ ಜನರಲ್ ಕೆ.ಕೆ.ವೇಣುಗೋಪಾಲ್: ಭಾರತದ ಸುಪ್ರೀಂ ಕೋರ್ಟ್ ಬಗ್ಗೆ ನಮಗೆ ಗೌರವ ಇರುವ ಕಾರಣಕ್ಕೆ ಕೋರ್ಟ್ ಗೆ ಮಾಹಿತಿ ನೀಡಿದ್ದೇವೆ. ಒಟ್ಟು ಬೆಲೆ, ಶಸ್ತ್ರಾಸ್ತ್ರಗಳ ಮಾಹಿತಿ ಸಹ ನೀಡಿದ್ದೇವೆ.

English summary

The Supreme Court on Wednesday resumed its hearing on pleas seeking court monitored probe into the procurement of 36 Rafale fighter jets from France. Here is the submission of Arun Shourie.