ಮೋದಿ ಚಾಲನೆ ನೀಡುವ ಹಮ್ ಸಫರ್ ರೈಲಿನ ವಿಶೇಷತೆಗಳೇನು ?
Recommended Video
ಮೈಸೂರು, ಫೆಬ್ರವರಿ 19 : ಮಾಜಿ ರೈಲ್ವೆ ಸಚಿವ ಸುರೇಶ್ ಪ್ರಭು ಕಳೆದ ವರುಷ ಫೆಬ್ರವರಿಯಲ್ಲಿ ರೈಲ್ವೆ ಬಜೆಟ್ ವೇಳೆ ಘೋಷಣೆ ಮಾಡಿದ್ದ ಸಂಪೂರ್ಣ ಹವಾನಿಯಂತ್ರಿತ ಬೋಗಿಗಳನ್ನು ಹೊಂದಿರುವ 'ಹಮ್ ಸಫರ್' ರೈಲಿಗೆ ಮೈಸೂರಿನಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ಹಸಿರು ನಿಶಾನೆ ತೋರಿಸಲಿದ್ದಾರೆ. ಈ ರೈಲಿನ ವಿಶೇಷತೆ ಬಗ್ಗೆ ಮಾಹಿತಿ ಇಲ್ಲಿದೆ.
ಐದು ರಾಜ್ಯಗಳಿಗೆ ಸಂಪರ್ಕ ಕಲ್ಪಿಸುವ ಎರಡು ಹಮ್ ಸಫರ್ ರೈಲುಗಳನ್ನು ರೈಲ್ವೆ ಇಲಾಖೆ ಪರಿಚಯಿಸಿದ್ದು, ಶನಿವಾರ ಮೈಸೂರು ರೈಲ್ವೆ ನಿಲ್ದಾಣಕ್ಕೆ ಆಗಮಿಸಿದೆ. ಈ ಹಿನ್ನೆಲೆಯಲ್ಲಿ ಹಮ್ ಸಫರ್ ರೈಲನ್ನು ಸಿಬ್ಬಂದಿ ಅಂತಿಮ ಪರೀಕ್ಷೆಗೆ ಒಳಪಡಿಸಿದ್ದಾರೆ. ಉದಯಪುರ ಸಿಟಿ-ಮೈಸೂರು ಪ್ಯಾಲೇಸ್ ಕ್ವೀನ್ ಹಮ್ ಸಫರ್ ಪ್ರತಿ ಸೋಮವಾರದಿಂದ ರಾತ್ರಿ 9ಕ್ಕೆ ಉದಯಪುರದಿಂದ ಹೊರಟು ಬುಧವಾರ ಸಂಜೆ 4.25ಕ್ಕೆ ಮೈಸೂರು ಸೇರಲಿದೆ.
ಮೈಸೂರು- ಉದಯಪುರ್ ಸಿಟಿ ಪ್ಯಾಲೇಸ್ ಕ್ವೀನ್ ಹಮ್ ಸಫರ್ ರೈಲು(19668) ಪ್ರತಿ ಗುರುವಾರ ಬೆಳಗ್ಗೆ ಮೈಸೂರಿನಿಂದ ಹೊರಟು ಶನಿವಾರ ಬೆಳಗ್ಗೆ 4.45ಕ್ಕೆ ಉದಯಪುರ ತಲುಪಲಿದೆ. ಈ ರೈಲು ಮಂಡ್ಯ, ಬೆಂಗಳೂರು, ದಾವಣಗೆರೆ, ಹುಬ್ಬಳ್ಳಿ, ಬೆಳಗಾವಿ, ಮೀರಜ್, ಪುಣೆ, ವಸಾಯ್ ರಸ್ತೆ, ಸೂರತ್ ವಡೋದರಾ, ರತ್ಲಂ ಮೂಲಕ ಉದಯಪುರ ಸೇರಲಿದೆ.
ಕರ್ನಾಟಕ, ಮಹಾರಾಷ್ಟ್ರ, ಗುಜರಾತ್, ಮಧ್ಯಪ್ರದೇಶ ಹಾಗೂ ರಾಜಸ್ಥಾನ ರಾಜ್ಯಗಳನ್ನೂ ಈ ರೈಲು ಹಾದುಹೋಗಲಿದೆ. ರೈಲು ಒಟ್ಟು ಎರಡು ಸಾವಿರ ಕಿ.ಮೀ. ಚಲಿಸಲಿದ್ದು, ಅದರಲ್ಲಿ ಒಂದು ಸಾವಿರಕ್ಕೂ ಹೆಚ್ಚು ಕಿಲೋಮೀಟರ್ ಕರ್ನಾಟಕದಲ್ಲೇ ಸಂಚರಿಸಲಿದೆ. ಒಟ್ಟು 19 ಬೋಗಿಗಳು ರೈಲಿನಲ್ಲಿದ್ದು, ಈ ಪೈಕಿ 16 ಬೋಗಿಗಳು ಹವಾನಿಯಂತ್ರಣ ವ್ಯವಸ್ಥೆಯನ್ನು ಹೊಂದಿವೆ. ಸೋಮವಾರ ನಗರದ ರೈಲು ನಿಲ್ದಾಣದಲ್ಲಿ ಪ್ರಧಾನಿ ಮೋದಿ ಚಾಲನೆ ನೀಡಲಿದ್ದಾರೆ.
Click it and Unblock the Notifications
Sign in with Google