Get Updates
Get notified of breaking news, exclusive insights, and must-see stories!

ಆ್ಯಂಬಿ ವ್ಯಾಲಿ ಹರಾಜು: ಕೇವಲ ಇಬ್ಬರಿಂದ ಮಾತ್ರ ಬಿಡ್

ಪುಣೆ ಬಳಿಯ ಆ್ಯಂಬಿ ವ್ಯಾಲಿ ಹರಾಜಿಗೆ ಕೇವಲ 2 ಕಂಪನಿಗಳಿಂದ ಬಿಡ್ ಸಲ್ಲಿಕೆ. ಸುಪ್ರೀಂ ಕೋರ್ಟ್ ನ ಸೂಚನೆಯಂತೆ ನಡೆಯುತ್ತಿರುವ ಹರಾಜು ಪ್ರಕ್ರಿಯೆ.

ಮುಂಬೈ, ಸೆಪ್ಟೆಂಬರ್ 18: ಸುಪ್ರೀಂ ಕೋರ್ಟ್ ನ ಆದೇಶದಂತೆ ಹಾರಾಜಿಗೆ ಸಿದ್ಧವಾಗಿರುವ ಆ್ಯಂಬಿ ವ್ಯಾಲಿಗಾಗಿ ಕೇವಲ ಎರಡು ಸಂಸ್ಥೆಗಳು ಮಾತ್ರ ಬಿಡ್ ಮಾಡಿವೆ ಎಂದು ಬ್ಯುಸಿನೆಸ್ ಸ್ಟಾಂಡರ್ಡ್ ಹೇಳಿದೆ.

'ಸಹಾರ' ಕಂಪನಿಯ ಒಡೆತನದ ಈ ವ್ಯಾಲಿಯನ್ನು ಹರಾಜು ಹಾಕುವಂತೆ ಸುಪ್ರೀಂ ಕೋರ್ಟ್ ಇತ್ತೀಚೆಗೆ ಸೂಚನೆ ನೀಡಿತ್ತು. ಅದರಂತೆ, ಮುಂಬೈ ಹೈಕೋರ್ಟ್ ನ ಲಿಕ್ವಿಡೇಟರ್ ವತಿಯಿಂದ ಸುಮಾರು 37 ಸಾವಿರ ಕೋಟಿ ರು. ಮೌಲ್ಯವನ್ನು ಈ ವ್ಯಾಲಿಗೆ ನಿಗದಿಗೊಳಿಸಲಾಗಿದೆ. ಅಕ್ಟೋಬರ್ 10, 11ರಂದು ಈ ವ್ಯಾಲಿಯ ಬಹಿರಂಗ ಹರಾಜು ನಡೆಯಲಿದ್ದು, ಈಗಾಗಲೇ ಇದಕ್ಕೆ ಬಿಡ್ ಆಹ್ವಾನಿಸಲಾಗಿದೆ.

Only two potential bidders for Sahara's Rs 37,000-cr Aamby Valley auction

ಈ ಹಿನ್ನೆಲೆಯಲ್ಲಿ ಬಿಡ್ ಗೆ ಮುಕ್ತ ಆಹ್ವಾನ ನೀಡಲಾಗಿತ್ತು. ಈ ಐಶಾರಾಮಿ ಟೌನ್ ಶಿಪ್ ಕೊಳ್ಳಲು ನಾನಾ ಕಂಪನಿಗಳು ಭಾರೀ ಸ್ಪರ್ಧೆಯೊಡ್ಡಲಿವೆ ಎಂದೂ ನಿರೀಕ್ಷಿಸಲಾಗಿತ್ತು. ಆದರೆ, ನಿರೀಕ್ಷೆಯ ಸ್ಪರ್ಧೆಯ ಬಿಡ್ ಬಂದಿಲ್ಲ. ಕೇವಲ ಎರಡು ಕಂಪನಿಗಳು ಮಾತ್ರ ಇದಕ್ಕೆ ಬಿಡ್ ಸಲ್ಲಿಸಿವೆ ಎಂದು ಹೇಳಲಾಗಿದೆ.

ಬಿಡ್ ನ ಪ್ರತಿಯೊಂದು ನಡೆಗಳು ಸುಪ್ರೀಂ ಕೋರ್ಟ್ ನ ಹದ್ದಿನ ಕಣ್ಣಿನಡಿಯೇ ನಡೆಯುತ್ತಿರುವುದರಿಂದ ಈ ವ್ಯಾಲಿ ಖರೀದಿ ಹರಾಜಿನಲ್ಲಿ ಭಾಗವಹಿಸಲು ಹಲವಾರು ಕಂಪನಿಗಳು ಹಿಂದೇಟು ಹಾಕಿವೆ ಎಂದು ಹೇಳಲಾಗಿದೆ.

ಈ ಎರಡು ಕಂಪನಿಗಳ ಹೆಸರುಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಬಹಿರಂಗಗೊಳಿಸಿಲ್ಲ. ಆದರೆ, ಈ ಕಂಪನಿಗಳಲ್ಲಿ ಒಂದು ಕಾರ್ಪೊರೇಟ್ ಜಗತ್ತಿನ ಸಂಸ್ಥೆಯಾದರೆ, ಮತ್ತೊಂದು ಬಂಡವಾಳ ಹೂಡಿಕೆ ಕ್ಷೇತ್ರದ ದೈತ್ಯ ಸಂಸ್ಥೆಯೆಂದು ಹೇಳಲಾಗಿದೆ.

ಆಸಕ್ತಿದಾಯಕವಾದ ಮತ್ತೊಂದು ವಿಚಾರವೆಂದರೆ, ಈ ಎರಡೂ ಕಂಪನಿಗಳು ಭಾರತದವಲ್ಲ ಎಂದೂ ಹೇಳಲಾಗಿದೆ. ಇವು ಚೀನಾ ಅಥವಾ ಜಪಾನ್ ಮೂಲದ ಕಂಪನಿಗಳಾಗಿರಬಹುದು ಎಂದು ಹೇಳಲಾಗಿದೆ.

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+