ಮಂಗಳೂರಿನ ಸಂತ ಆಗ್ನೇಸ್ ಕಾಲೇಜಿಗೆ 'ಸ್ಟಾರ್ ಕಾಲೇಜು' ಪಟ್ಟ
ಮಂಗಳೂರು, ಜುಲೈ 6: ಭಾರತ ಸರಕಾರದ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆಯ ಬಯೋಟೆಕ್ನಾಲಜಿ ವಿಭಾಗದಿಂದ ನಗರದ ಸಂತ ಆಗ್ನೇಸ್ ಕಾಲೇಜಿಗೆ "ಸ್ಟಾರ್ ಕಾಲೇಜ್ ಸ್ಟೇಟಸ್" ಸಿಕ್ಕಿದೆ.
ಈ ಬಗ್ಗೆ ಒನ್ ಇಂಡಿಯಾ ಕನ್ನಡಕ್ಕೆ ಮಾತನಾಡಿದ ಕಾಲೇಜು ಪ್ರಾಂಶುಪಾಲರಾದ ಡಾ. ಜೆಸ್ವಿನಾ "ವಿಜ್ಞಾನ ವಿಭಾಗದ ವಿದ್ಯಾರ್ಥಿಗಳು, ವಿಭಾಗದ ಸಂಯೋಜಕರು ಹಾಗೂ ಉಪನ್ಯಾಸಕರು ಪಟ್ಟ ಶ್ರಮಕ್ಕೆ ಸಾರ್ಥಕತೆ ದೊರಕಿದೆ. ಕರ್ನಾಟಕದಲ್ಲಿ ಈ ಮಾನ್ಯತೆ ಪಡೆದ ಎರಡನೇ ಮಹಿಳಾ ಕಾಲೇಜು ಇದಾಗಿದ್ದು, ನ್ಯಾಕ್ ನಿಂದಲೂ 'ಎ ಪ್ಲಸ್' ಶ್ರೇಣಿ ಪಡೆದಿದ್ದೇವೆ. ಕೇವಲ ತಿಂಗಳ ಅವಧಿಯಲ್ಲಿ ಮೂರು ಸಾಧನೆಗಳನ್ನು ಮಾಡಿದ ಕೀರ್ತಿಗೆ ಭಾಜನರಾಗಿದ್ದೇವೆ," ಎಂದು ಸಂತಸ ಹಂಚಿಕೊಂಡರು.
"ಕಳೆದ 96 ವರ್ಷಗಳಿಂದ ಶಿಕ್ಷಣದಲ್ಲಿ ಯಾವುದೇ ರಾಜಿ ಮಾಡಿಕೊಳ್ಳದೆ ಈ ಹಂತಕ್ಕೆ ನಾವು ಬಂದಿದ್ದೇವೆ," ಎಂದು ಜೆಸ್ಟಿನಾ ಹೆಮ್ಮೆ ವ್ಯಕ್ತಪಡಿಸಿದರು.
2011ರ ಸ್ಟಾರ್ ಕಾಲೇಜು ಯೋಜನೆಯಡಿಯಲ್ಲಿ ವಿಜ್ಞಾನ ವಿಭಾಗದಿಂದ ಅರ್ಜಿ ಸಲ್ಲಿಸಿದ್ದೆವು. ಇದರಲ್ಲಿ 2015ರಲ್ಲಿ ರಸಾಯನಶಾಸ್ತ್ರ, ಭೌತಶಾಸ್ತ್ರ, ಸಸ್ಯಶಾಸ್ತ್ರ, ಪ್ರಾಣಿಶಾಸ್ತ್ರ ಹಾಗೂ ಸೂಕ್ಷ್ಮಶಾಸ್ತ್ರ ವಿಭಾಗಗಳಿಗೆ ಧನಸಹಾಯ ದೊರಕಿದೆ ಎಂದು ಅವರು ಮಾಹಿತಿ ನೀಡಿದರು.
:2017ರ ಎಪ್ರಿಲ್ನಲ್ಲಿ ಸ್ಟಾರ್ ಕಾಲೇಜು ತಜ್ಞರ ಸಮಿತಿಯು ಜಲಂಧರ್ನಲ್ಲಿ ಸಭೆ ನಡೆಸಿತ್ತು. ಇದರಲ್ಲಿ ಕಾಲೇಜಿನ ಅತ್ಯುತ್ತಮ ಪ್ರಗತಿಗೆ ಮೆಚ್ಚುಗೆಯನ್ನು ಸೂಚಿಸಿ 1 ಕೋಟಿ ಬಿಡುಗಡೆ ಮಾಡಿದೆ," ಎಂದು ಪ್ರಾಂಶುಪಾಲರು ತಿಳಿಸಿದ್ದಾರೆ.
Click it and Unblock the Notifications
Sign in with Google