• search
ಕಾರವಾರ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಕಾರವಾರದಲ್ಲಿ ಒಬ್ಬಳೇ ಯುವತಿಗೆ ಇಬ್ಬರು ಯುವಕರೊಡನೆ ಮದುವೆ ಹೀಗೂ ಉಂಠೇ!

By ಕಾರವಾರ ಪ್ರತಿನಿಧಿ
|

ಕಾರವಾರ, ಆಗಸ್ಟ್.08: ಒಬ್ಬಳೇ ಯುವತಿಗೆ ವಿವಾಹ ನೋಂದಣಿ ಕಚೇರಿಯಲ್ಲಿ ಇಬ್ಬರು ಯುವಕರೊಂದಿಗೆ ಎರಡು ಬಾರಿ ಮದುವೆ ಮಾಡಿಸಿರುವ ವಿಚಿತ್ರ ಘಟನೆ ಬೆಳಕಿಗೆ ಬಂದಿದೆ.

ಅಂಕೋಲಾ ತಾಲೂಕಿನ ಸುಂಕಸಾಳ ನಿವಾಸಿ ಗಣಪತಿ ಭಟ್ ಎನ್ನುವವರು 2017ರ ಆ.15ರಂದು ಕಾರವಾರ ತಾಲೂಕಿನ ಅಮದಳ್ಳಿಯ ವೀರಗಣಪತಿ ದೇವಸ್ಥಾನದಲ್ಲಿ ಯಲ್ಲಾಪುರದ ಯುವತಿಯನ್ನು ವಿವಾಹವಾಗಿದ್ದರು. ಇವರಿಬ್ಬರದು ಪ್ರೇಮ ವಿವಾಹವಾಗಿತ್ತು.

ಅಂಕೋಲಾದಲ್ಲಿ ಮದುವೆಯಾದ 9 ನೇ ದಿನಕ್ಕೆ ನವ ವಿವಾಹಿತೆ ಕಾಣೆ

ಅದರ ಬಳಿಕ ಕಾರವಾರದ ಉಪನೋಂದಣಾಧಿಕಾರಿ ಕಚೇರಿಯಲ್ಲಿ 2018ರ ಫೆ.7ರಂದು ವಿವಾಹ ನೋಂದಣಿ ಮಾಡಿಕೊಂಡಿದ್ದರು. ಇವರ ನಡುವೆ ವಿಚ್ಛೇದನ ಕೂಡ ನಡೆದಿಲ್ಲ. ಆದರೂ ಆಕೆಗೆ ಪಾಲಕರು ಎರಡನೇ ಮದುವೆ ಮಾಡಿಸಿದ್ದು, ಯಲ್ಲಾಪುರ ನೋಂದಣಾಧಿಕಾರಿ ಈ ಎರಡನೇ ಮದುವೆಯನ್ನೂ ನೋಂದಣಿ ಮಾಡಿಸಿಕೊಂಡಿದ್ದಾರೆ.

2018ರ ಜು.19ರಂದು ಇದೇ ವಿವಾಹಿತೆಗೆ ಯಲ್ಲಾಪುರ ತಾಲೂಕಿನ ಮಾಗೋಡ ಮೇಲಿನ ತಾರೇಮನೆ ನಿವಾಸಿ ರಾಜೇಶ ಭಟ್ ಎಂಬುವವರಿಗೆ ಮದುವೆ ಮಾಡಿಸಲಾಗಿದೆ. ಈ ಮದುವೆಯನ್ನು ಇದೇ ವರ್ಷದ ಜು.23ರಂದು ಯಲ್ಲಾಪುರದ ಉಪ ನೋಂದಣಾಧಿಕಾರಿ ಕಚೇರಿಯಲ್ಲಿ ನೋಂದಣಿ ಮಾಡಿಸಲಾಗಿದೆ.

ಮೊದಲ ವಿವಾಹ ನೋಂದಣಿಯಲ್ಲಿ ವಿವಾಹಿತಳ ಮನೆಯ ವಿಳಾಸವನ್ನು ಯಲ್ಲಾಪುರ ಪಟ್ಟಣದ ಉದ್ದಜಡ್ಡಿ, ಕಂಪ್ಲಿ ಅಂತಲೂ, ಎರಡನೇ ವಿವಾಹ ನೋಂದಣಿಯಲ್ಲಿ ಬಾಳಗಿಮನೆಯ ಹುಲ್ಲಾರಮನೆ ಎಂದು ನೀಡಲಾಗಿದೆ.

ಇದೀಗ ಹುಡುಗಿಯ ಮನೆಯವರು ತನಗೆ ಮೋಸ ಮಾಡಿ ಪತ್ನಿಗೆ ಇನ್ನೊಂದು ಮದುವೆ ಮಾಡಿಸಿದ್ದಾರೆ ಎಂದು ಗಣಪತಿ ಭಟ್ ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ಬಿಡುಗಡೆ ಮಾಡಿದ್ದಾರೆ.

ಯುವತಿ ಹಾಗೂ ಗಣಪತಿ ಭಟ್ ಕಾಲೇಜು ದಿನಗಳಲ್ಲಿ ಪ್ರೀತಿಸುತ್ತಿದ್ದರು. ನಂತರ ಮದುವೆಯಾಗಿ ಅದನ್ನು ನೋಂದಣಿ ಮಾಡಿಸಿಕೊಂಡಿದ್ದರು. ಆದರೆ ಈ ವಿಷಯವನ್ನು ಮನೆಯವರಿಂದ ಮುಚ್ಚಿಟ್ಟಿದ್ದರು ಎನ್ನಲಾಗಿದೆ. ನಂತರದ ದಿನಗಳಲ್ಲಿ ಗಣಪತಿ ಭಟ್ ಉದ್ಯೋಗವನ್ನು ಅರಸಿ ಬೆಂಗಳೂರಿಗೆ ತೆರಳಿದ್ದ. ಈ ನಡುವೆ ಒಮ್ಮೆ ಊರಿಗೆ ಬಂದಾತ ವಿವಾಹ ನೋಂದಣಿ ಮಾಡಿಸಿಕೊಂಡಿದ್ದ.

ಆದರೆ, ಆತ ಬೆಂಗಳೂರಿನಲ್ಲಿ ಇದ್ದ ಕಾರಣ ಆಕೆಗೂ ಆತನ ಮೇಲಿನ ಪ್ರೀತಿ ಕಡಿಮೆಯಾಗಿ, ಪಾಲಕರು ಮದುವೆಯಾಗುವಂತೆ ಒತ್ತಾಯಿಸಿದಾಗ ಮನ ಬದಲಿಸಿ ವಿವಾಹವಾಗಿದ್ದಾಳೆ ಎನ್ನಲಾಗಿದೆ.

ಈ ಕುರಿತು ಇದೀಗ ಗಣಪತಿ ಭಟ್ ಮಂಗಳವಾರ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕಚೇರಿಗೆ ದೂರು ನೀಡಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ಇನ್ನಷ್ಟು ಕಾರವಾರ ಸುದ್ದಿಗಳುView All

English summary
A young woman was married two youths Incident happened in Karwar. About this Ganapati Bhat complained to the District Police Superintendent office.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more