ಕರ್ನಾಟಕ ಅಸೆಂಬ್ಲಿ ಚುನಾವಣೆ ಎಕ್ಸಿಟ್ ಪೋಲ್: ಕರಾರುವಾಕ್ ಫಲಿತಾಂಶ ನೀಡಿದ್ದ 5 ವಾಹಿನಿಗಳು

Updated: Friday, May 17, 2019, 11:58 [IST]

ಇದೇ ಭಾನುವಾರ (ಮೇ 19) ವಿಶ್ವದ ಅತಿದೊಡ್ಡ ಪ್ರಜಾಪ್ರಭುತ್ವ ರಾಷ್ಟ್ರದ ಹದಿನೇಳನೇ ಲೋಕಸಭೆಯ ಮತದಾನ ಪ್ರಕ್ರಿಯೆ ಮುಕ್ತಾಯಗೊಳ್ಳಲಿದೆ. ಆ ಮೂಲಕ ಏಪ್ರಿಲ್ 11ರಿಂದ ಆರಂಭವಾದ ಏಳು ಹಂತದ ಮತದಾನ ಸಂಪನ್ನಗೊಳ್ಳಲಿದೆ.

ಲೋಕಸಭಾ ಚುನಾವಣೆ 2019 | ವಿಶೇಷ ಪುಟ | ಗ್ಯಾಲರಿ

ಕೊನೆಯ ಹಂತ ಎನ್ನುವುದು ಒಂದು ಕಡೆಯಾದರೆ, ಪ್ರಧಾನಿ ಮೋದಿ ಸ್ಪರ್ಧಿಸುತ್ತಿರುವ ವಾರಣಾಸಿಯ ಕ್ಷೇತ್ರದ ಚುನಾವಣೆಯೂ ಅಂದೇ ನಡೆಯಲಿದೆ. ಬೆಳಗ್ಗೆ ಏಳರಿಂದ ಸಂಜೆ ಆರು ಗಂಟೆಯ ವರೆಗೆ ಮತದಾನ ನಡೆಯಲಿದ್ದು, ಇವೆಲ್ಲಕ್ಕಿಂತಲೂ ಕುತೂಹಲ ಜನಸಾಮಾನ್ಯರಿಗೆ ಇರುವುದು ಅಂದು ಪ್ರಕಟಗೊಳ್ಳುವ ಎಕ್ಸಿಟ್ ಪೋಲ್ ಯಾನೆ ಮತಗಟ್ಟೆ ಸಮೀಕ್ಷೆ.

ದೇಶದ ಇದುವರೆಗಿನ ಇತಿಹಾಸದಲ್ಲಿ ಎಕ್ಸಿಟ್ ಪೋಲ್ ಗಳು ಎಷ್ಟು ಕರಾರುವಕ್ಕಾದ ಫಲಿತಾಂಶವನ್ನು ನೀಡಿವೆ ಎನ್ನುವುದು ನಂತರದ ವಿಚಾರವಾದರೂ, ಜನರಿಗೆ ಅದರ ಮೇಲಿನ ಕುತೂಹಲ ಅಂತಿಂದಲ್ಲ.

ಒನ್ ಇಂಡಿಯಾ ಕನ್ನಡ ಕೂಡಾ, ವಿವಿಧ ವಾಹಿನಿ/ಸಂಸ್ಥೆಗಳು ನೀಡುವ ಎಕ್ಸಿಟ್ ಪೋಲ್ ಗಳ ಫಲಿತಾಂಶವನ್ನು ಭಾನುವಾರ ಸಂಜೆ 5.30ರಿಂದ ಲೈವ್ ನಲ್ಲಿ ಕೊಡಲಿದೆ... please stay tuned.. ಈ ನಡುವೆ, ಕಳೆದ ಕರ್ನಾಟಕ ಅಸೆಂಬ್ಲಿ ಚುನಾವಣೆಯಲ್ಲಿ ಬಂದಿದ್ದ ಸಮೀಕ್ಷಾ ಫಲಿತಾಂಶಗಳು ಏನು, actual ರಿಸಲ್ಟ್ ಬಂದಿದ್ದೇನು ಎನ್ನುವುದರ ಬಗ್ಗೆ ಒಂದು ಝಲಕ್.

ಕರ್ನಾಟಕ ಅಸೆಂಬ್ಲಿ ಚುನಾವಣೆಯ ಮತಗಟ್ಟೆ ಸಮೀಕ್ಷೆ

ಒಟ್ಟು ಹದಿನೈದು ಸಂಸ್ಥೆಗಳು ಒಂದಕ್ಕೊಂದು ಜಂಟಿಯಾಗಿ ಕರ್ನಾಟಕ ಅಸೆಂಬ್ಲಿ ಚುನಾವಣೆಯ ಮತಗಟ್ಟೆ ಸಮೀಕ್ಷೆಯನ್ನು ನಡೆಸಿದ್ದವು. ಅದರಲ್ಲಿ ಕೆಲವೊಂದು ಬಹುತೇಕ ಕರಾರುವಕ್ಕಾದ ಫಲಿತಾಂಶ ನೀಡುವಲ್ಲಿ ಯಶಸ್ವಿಯಾಗಿದ್ದವು. ಅದೇ ಸಂಸ್ಥೆಗಳು ಈ ಬಾರಿಯ ಸಾರ್ವತ್ರಿಕ ಚುನಾವಣೆಯ ಎಕ್ಸಿಟ್ ಪೋಲ್ ಅನ್ನೂ ನಡೆಸಲಿದೆ. ಇದನ್ನಾಧರಿಸಿ, ಯಾವ ಸಂಸ್ಥೆ ನೀಡುವ ಫಲಿತಾಂಶದ ಮೇಲೆ ನಿಮಗೆ ನಂಬಿಕೆ ಎನ್ನುವುದು ಓದುಗರ ವಿವೇಚನೆಗೆ ಬಿಟ್ಟ ವಿಚಾರ.