ಮೇಲೆ ಕವಿದುಕೊಂಡು ಕುಳಿತಿದೆ ಮೋಡ, ಮಳೆ ಬರುತ್ತಾ ನೋಡಾ!
ಬೆಂಗಳೂರು, ನವೆಂಬರ್ 27: ನವೆಂಬರ್ ತಿಂಗಳು ಮುಗಿಯುತ್ತಾ ಬಂದರೂ ಇನ್ನೂ ಬೆಂಗಳೂರಿಗರ ಮೈಗೆ ಚಳಿ ತಟ್ಟಿಲ್ಲ ಎಂಬ ಚಿಂತೆಯಲ್ಲಿರುವಾಗಲೇ ಕಾರ್ಮೋಡಗಳು ಕಳೆದೆರಡು ದಿನಗಳಿಂದ ಆಗಸದಲ್ಲಿ ಜೂಜಾಟವಾಡ ತೊಡಗಿವೆ. ಮಳೆ ಬರುವ ನಿರೀಕ್ಷೆ ಹೊತ್ತವರಿಗೆ ಇಲ್ಲಿದೆ ಸುದ್ದಿ...
ನೈಋತ್ಯ ಮಳೆ ಮಾರುತಗಳ ಮಾಯವಾದ ಬಳಿಕ ಒಂದೆರಡು ಬಾರಿ ಮಳೆ ಬಿದ್ದಿದ್ದು ಬಿಟ್ಟರೆ, ಬೆಂಗಳೂರು ಸೇರಿದಂತೆ ಕರ್ನಾಟಕದ ಹಲವೆಡೆ ಒಣಹವೆ ಮುಂದುವರೆದಿತ್ತು. ಆದರೆ, ತಿಂಗಳ ಕೊನೆಗೆ ಮತ್ತೆ ಮಳೆ ಮೋಡಗಳು ಆವರಿಸತೊಡಗಿವೆ.
ರಾಜ್ಯದ ದಕ್ಷಿಣ ಒಳನಾಡಿನ ಜಿಲ್ಲೆಗಳ ಕೆಲ ಪ್ರದೇಶದಲ್ಲಿ ಸೋಮವಾರದಿಂದ ಮಳೆಯಾಗುವ ಸಾಧ್ಯತೆಯಿದೆ ಎಂದು ಹವಾಮಾನ ಇಲಾಖೆ ಹಾಗೂ ಸ್ಕೈ ಮ್ಯಾಟ್ ವರದಿ ಹೇಳುತ್ತಿದೆ. ನವೆಂಬರ್ 27 ರಿಂದ 29ರೊಳಗೆ ಮಳೆ ನಿರೀಕ್ಷಿಸಬಹುದು.
ಬಂಗಾಳಕೊಲ್ಲಿಯ ನೈಋತ್ಯ ಭಾಗದಲ್ಲಿ ಶ್ರೀಲಂಕಾ ಸಮೀಪ ಮೇಲ್ಮೈ ಸುಳಿಗಾಳಿ ಸಹಿತ ಅಲ್ಪ ಪ್ರಮಾಣದ ವಾಯುಭಾರ ಕುಸಿತ ಉಂಟಾಗಿದೆ. ತಮಿಳುನಾಡು, ಕೇರಳ ಹಾಗೂ ಲಕ್ಷದ್ವೀಪ ಪ್ರದೇಶದಲ್ಲಿ ಸೋಮವಾರದಿಂದ ಹಿಂಗಾರು ಚುರುಕುವ ಸಾಧ್ಯತೆ ಕಂಡು ಬಂದಿದೆ.
Take a look at the #rainfall forecast across #India #Chennairains #model @ChennaiConnect @ndmaindia @tnsdma pic.twitter.com/7aOMK3iD8A
— SkymetWeather (@SkymetWeather) November 26, 2017
ಕರ್ನಾಟಕದ ದಕ್ಷಿಣ ಒಳನಾಡಿನ ಜಿಲ್ಲೆಗಳಲ್ಲಿ ಮೋಡ ಕವಿದ ವಾತಾವರಣ ಇನ್ನೆರಡು ದಿನಗಳ ಮುಂದುವರೆಯಲಿದ್ದು, ತುಂತುರು ಹಾಗೂ ಗುಡುಗು ಸಹಿತ ಮಳೆ ಸಾಧ್ಯತೆಯಿದೆ.
Click it and Unblock the Notifications
Sign in with Google