• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ರಾಜ್ಯ ಬಜೆಟ್: ಶಿಕ್ಷಣ ಕ್ಷೇತ್ರಕ್ಕೆ ಭರಪೂರ ಕೊಡುಗೆ

|

ಬೆಂಗಳೂರು, ಮಾ. 14: ಮುಖ್ಯಮಂತ್ರಿ ಸಿದ್ದರಾಮಯ್ಯ ರಾಜ್ಯ ಬಜೆಟ್ ನಲ್ಲಿ ಶಿಕ್ಷಣ ಕ್ಷೇತ್ರಕ್ಕೆ ಸಾಕಷ್ಟು ಅನುದಾನ ಮೀಸಲಿಟ್ಟಿದ್ದಾರೆ. ಕೃಷಿ, ಕೈಗಾರಿಕೆ ಸೇರಿದಂತೆ ಶಿಕ್ಷಣ ಕ್ಷೇತ್ರಕ್ಕೂ ಭರಪೂರ ಕೊಡುಗೆ ನೀಡಿದ್ದಾರೆ.

ಸರ್ಕಾರಿ ಶಾಲೆಗಳಲ್ಲಿನ ಮೂಲ ಸೌಕರ್ಯ ಸಮಸ್ಯೆಗೆ ಪರಿಹಾರ ಕಲ್ಪಿಸಲು ಹಲವಾರು ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿರುವುದು ಬಜೆಟ್ ನ ಹೈಲೈಟ್ಸ್. ಸೋಲಾರ್ ಬಳಕೆಗೆ ಉತ್ತೇಜನ, ಕಾನೂನು ಪದವಿಧರರಿಗೆ ಹೆಚ್ಚುವರಿ ಶುಷ್ಯ ವೇತನ ಸೇರಿದಂತೆ ಹಲವಾರು ಯೋಜನೆಗಳನ್ನು ಜಾರಿಗೆ ನಾಂದಿ ಹಾಡಿದ್ದಾರೆ. ಸಿಎಂ ಸಿದ್ದರಾಮಯ್ಯ ಶಿಕ್ಷಣ ಕ್ಷೇತ್ರಕ್ಕೆ ನೀಡಿರುವ ಕೊಡುಗೆಗಳ ಪಟ್ಟಿ ಇಲ್ಲಿದೆ.[ಕರ್ನಾಟಕ ಬಜೆಟ್ 2015-16 : ಮುಖ್ಯಾಂಶಗಳು]

* ಗ್ರಾಮೀಣ ಭಾಗದ ಸಾವಿರ ಶಾಲೆಗಳಿಗೆ ಟೆಲಿ ಶಿಕ್ಷಣ ಕಾರ್ಯಕ್ರಮ ವಿಸ್ತರರಣೆ.

* ಸರ್ಕಾರಿ ಶಾಲೆ, ಕಾಲೇಜುಗಳಲ್ಲಿ ಗ್ರಂಥಾಲಯ, ಪ್ರಯೋಗಾಲಯ, ಹೊಸ ಕಟ್ಟಡ, ಹೆಚ್ಚುವರಿ ಕಟ್ಟಡ, ಶೌಚಾಲಯ, ಕುಡಿವ ನೀರು ಸೇರಿದಂತೆ ಇನ್ನಿತರ ಮೂಲ ಸೌಕರ್ಯ ಕಲ್ಪಿಸಲು 110 ಕೋಟಿ ರೂ.

* ಶಾಲಾ ಕಾಲೇಜುಗಳನ್ನು ಖಾಸಗಿ ಸಹಭಾಗಿತ್ವದಲ್ಲಿ ಅಭಿವೃದ್ಧಿಪಡಿಸಲು 'ಶಾಲೆಗಾಗಿ ನಾವು ನೀವು' ಕಾರ್ಯಕ್ರಮ ಅನುಷ್ಠಾನ

* 1ರಿಂದ 10ನೇ ತರಗತಿ ವರೆಗೆ 54.54 ಲಕ್ಷ ಮಕ್ಕಳಿಗೆ ಒಂದು ಜೊತೆ ಶೂ ಮತ್ತು ಎರಡು ಜೊತೆ ಸಾಕ್ಸ್ ಒದಗಿಸಲು 120 ಕೋಟಿ ರೂ.

* 100 ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಗಳು, ನೂರು ಪ್ರೌಢಶಾಲೆಗಳು ಹಾಗೂ ನೂರು ಪದವಿ ಪೂರ್ವ ಕಾಲೇಜುಗಳಿಒಗೆ ಸೋಲಾರ್ ಎಜುಕೇಷನಲ್ ಕಿಟ್[ಬಜೆಟ್ ನಲ್ಲಿ ಬೆಂಗಳೂರಿಗೆ ಸಿಕ್ಕಿದ್ದೇನು?]

* ಪ್ರಾಥಮಿಕ ಶಿಕ್ಷಣಕ್ಕೆ ಒಟ್ಟಾರೆ 16,204 ಕೋಟಿ ರೂ. ನಿಗದಿ

* ಗ್ರಾಮೀಣ ಭಾಗದ ವಿದ್ಯಾರ್ಥಿಗಳು ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಪಾಲ್ಗೊಳ್ಳುವಂತೆ ಉತ್ತೇಜಿಸಲು ಡಿಎಸ್‌ಇಆರ್‌ಟಿ ಮತ್ತು ಮೆ.ಹೆಚ್‌ಸಿಎಲ್ ಫೌಂಡೇಷನ್ ವತಿಯಿಂದ 'ಸ್ಪರ್ಧಾಕಲಿ' ಕಾರ್ಯಕ್ರಮ ಜಾರಿ.

* ಚಿಕ್ಕಬಳ್ಳಾಪುರದ ಸರ್ಕಾರಿ ಬಿಇಡಿ ಕಾಲೇಜಿಗೆ ಉನ್ನತೀಕರಣ ಭಾಗ್ಯ

* ಉನ್ನತ ಶಿಕ್ಷಣ ಸಹಭಾಗಿತ್ವ ಎಂಬ ಹೆಸರಿನಡಿ ಸಮುದಾಯ ಸಹಭಾಗಿತ್ವ ಯೋಜನೆ ರೂಪಿಸಲು ಉದ್ದೇಶಿಸಲಾಗಿದ್ದು, ಕಾಲೇಜುಗಳು, ಪಾಲಿಟೆಕ್ನಿಕ್‌ಗಳು ಮತ್ತು ವಿವಿಗಳಲ್ಲಿ ಪ್ರಾರಂಭಿಸಲು ಆಲೋಚನೆ

* ಸ್ವಾವಲಂಬನೆ ಯೋಜನೆ: ಉದ್ದಿಮೆ ಆರಂಭಿಸಲು ವಿದ್ಯಾರ್ಥಿಗಳು ಬ್ಯಾಂಕಿನಿಂದ ಪಡೆಯುವ ವಾರ್ಷಿಕ 10 ಲಕ್ಷದವರೆಗಿನ ಸಾಲದ ಮೇಲಿನ ಬಡ್ಡಿಯನ್ನು ಮೂರು ವರ್ಷಗಳವರೆಗೆ ಸರ್ಕಾರವೇ ಭರಿಸಲಿದ್ದು ಇದಕ್ಕೆ 10 ಕೋಟಿ ರೂ. ನಿಗದಿ.

* ಉನ್ನತ ಶಿಕ್ಷಣದಲ್ಲಿ ಅಧ್ಯಾಪಕರ ಕೊರತೆ ನೀಗಿಸಲು ಜ್ಞಾನ ಪ್ರಸಾರ ಯೋಜನೆಯಡಿ ಗುಣಮಟ್ಟದ, ಏಕರೂಪದ ಪಠ್ಯಾಂಶ ಒದಗಿಸಲು ತೀರ್ಮಾನ

* ಹಿರಿಮೆ-ಗರಿಮೆ ಯೋಜನೆಯಡಿ ನೂರು ವರ್ಷ, 75 ವರ್ಷ ಹಾಗೂ 50 ವರ್ಷ ಪೂರ್ಣಗೊಳಿಸಿದ ಸರ್ಕಾರಿ ಉನ್ನತ ಶಿಕ್ಷಣ ಸಂಸ್ಥೆಗಳ ಮೂಲಸೌಕರ್ಯ ಕಲ್ಪಿಸಲು 10 ಕೋಟಿ ರೂ. ಅನುದಾನ.

* ನೂರು ವರ್ಷ ಪೂರೈಸಿರುವ ಮೈಸೂರು ವಿವಿ ಶತಮಾನೋತ್ಸವ ಆಚರಣೆಗಾಗಿ 50 ಕೋಟಿ ರೂ.

* ಹಿಂದುಳಿದ ವಿದ್ಯಾರ್ಥಿಗಳಲ್ಲಿ ಉತ್ತಮ ಕಲಿಕಾ ಪರಿಣಾಮ ಉಂಟು ಮಾಡಲು 'ಅಭ್ಯಾಸ' ಯೋಜನೆಯಡಿ ಪ್ರೋತ್ಸಾಹ

* ಕರ್ನಾಟಕ ಪರೀಕ್ಷಾ ಪ್ರಾಧಿಕಾರಕ್ಕೆ 40 ಕೋಟಿ ರೂ. ಅನುದಾನ

* ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ಉತ್ತಮ ಆಡಳಿತಕ್ಕಾಗಿ ಕಲಬುರಗಿ ಮತ್ತು ಧಾರವಾಡದಲ್ಲಿ ಎರಡು ವಲಯ ಕಚೇರಿ ಸ್ಥಾಪನೆ

* ಮಂಗಳೂರು ವಿವಿ ವ್ಯಾಪ್ತಿಯಲ್ಲಿ ರಾಣಿ ಅಬ್ಬಕ್ಕ ಪೀಠ ಸ್ಥಾಪನೆ, ಒಂದು ಕೋಟಿ ರೂ. ಅನುದಾನ.

* ನೆಹರೂ 125ನೇ ಜನ್ಮ ದಿನಾಚರಣೆ ಹಾಗೂ 50ನೇ ಪುಣ್ಯತಿಥಿ ಸ್ಮರಣಾರ್ಥ ಬೆಂಗಳೂರು ವಿವಿಯಲ್ಲಿ ನೆಹರೂ ಚಿಂತನ ಕೇಂದ್ರ ಸ್ಥಾಪಿಸಲು 3 ಕೋಟಿ ರೂ.

* ಸಾಹಿತಿ ದಿ.ಯು.ಆರ್.ಅನಂತಮೂರ್ತಿ ಹೆಸರಿನಲ್ಲಿ ಮೈಸೂರು ವಿವಿಯಲ್ಲಿ ಅಧ್ಯಯನ ಪೀಠ ಸ್ಥಾಪನೆ. ಒಂದು ಕೋಟಿ ಅನುದಾನ.

* ಎಲ್ಲ ವಿವಿಗಳಲ್ಲಿಯೂ ಹೊರ ವಿಶ್ವವಿದ್ಯಾಲಯದ ಎಲ್ಲ ಕೋರ್ಸ್‌ಗಳಿಗೆ ವಿದ್ಯಾರ್ಥಿಗಳ ಪ್ರವೇಶದಲ್ಲಿ ಶೇ.15ರಷ್ಟು ಹೆಚ್ಚುವರಿ ಸೀಟು ನೀಡಲು ನಿರ್ಧಾರ.

* ಉನ್ನತ ಶಿಕ್ಷಣದಲ್ಲಿ ಅಂತಾರಾಷ್ಟ್ರೀಯತೆಯನ್ನು ಉತ್ತೇಜಿಸಲು ಕರ್ನಾಟಕ ರಾಜ್ಯ ಉನ್ನತ ಶಿಕ್ಷಣ ಪರಿಷತ್‌ನಿಂದ ಸಾಗರೋತ್ತರ ಶಿಕ್ಷಣ ಕೇಂದ್ರ ಸ್ಥಾಪನೆ.

* ಕೆಂಗೇರಿ ಬಳಿ ಗಾಣಕಲ್ ಗ್ರಾಮದಲ್ಲಿ ರಾಷ್ಟ್ರೀಯ ಮಟ್ಟದ ಚಿತ್ರಕಲಾ ಶಿಕ್ಷಣದ ಕರ್ನಾಟಕ ಚಿತ್ರಕಲಾ ಪರಿಷತ್ ಹೊರ ಆವರಣ ಕೇಂದ್ರ ಸ್ಥಾಪಿಸಲು ಐದು ವರ್ಷಗಳಲ್ಲಿ 20 ಕೋಟಿ ವಿಶೇಷ ಅನುದಾನ ನೀಡಲಾಗುವುದು.

* ನಂಜನಗೂಡು ತಾಲೂಕಿನ ಹಿಮ್ಮಾವು ಗ್ರಾಮದಲ್ಲಿ ನಳಂದ ಬೌದ್ಧ ಅಧ್ಯಯನ ಕೇಂದ್ರ ಸ್ಥಾಪಿಸಲು 5 ಕೋಟಿ ನೆರವು.

* ಉನ್ನತ ಶಿಕ್ಷಣ ಕ್ಚೇತ್ರಕ್ಕೆ ಬಜೆಟ್‌ನಲ್ಲಿ ಒಟ್ಟು 3896 ಕೋಟಿ ಒದಗಿಸಲಾಗಿದೆ.

* 2013-14ನೇ ಸಾಲಿನಲ್ಲಿ ಘೋಷಿಸಲಾದ ಆರು ವೈದ್ಯ ಕಾಲೇಜುಗಳಿಗೆ (ಕಲಬುರಗಿ, ಗದಗ, ಕೊಪ್ಪಳ, ಕಾರವಾರ, ಚಾಮರಾಜನಗರ ಹಾಗೂ ಕೊಡಗು) ಅಗತ್ಯ ಮೂಲಸೌಲಭ್ಯ

* ಗುಲ್ಬರ್ಗದಲ್ಲಿ ಹೃದ್ರೋಗ ಚಿಕಿತ್ಸಾ ಘಟಕವನ್ನು 15 ಕೋಟಿ ರೂ. ವೆಚ್ಚದಲ್ಲಿ ಸ್ಥಾಪನೆ. ರಾಜೀವ್‌ಗಾಂಧಿ ವಿವಿ, ಹೈದರಾಬಾದ್ ಕರ್ನಾಟಕ ಅಭಿವೃದ್ಧಿ ಮಂಡಳಿ ತಲಾ ಆರು ಕೋಟಿ ರೂ.

* ಮೂತ್ರಪಿಂಡ ರೋಗ ಚಿಕಿತ್ಸೆಗಾಗಿ ಬೆಂಗಳೂರಿನ ನೆಫ್ರಾಲಜಿ ಸಂಸ್ಥೆಯಲ್ಲಿ ಮೂತ್ರಪಿಂಡ ಕಸಿ ಕಾರ್ಯಕ್ರಮ ಜಾರಿಗೆ.

* ವೈದ್ಯ ಶಿಕ್ಷಣಕ್ಕೆ ಒಟ್ಟು 6107 ಕೋಟಿ ರೂ. ಮೀಸಲಿಡಲಾಗಿದೆ.

* ರಾಜ್ಯ ಕಾನೂನು ವಿವಿಗೆ ಕಾರ್ಯಸೌಧ

* ಕಾನೂನು ಶಾಲೆ, ವಿದ್ಯಾರ್ಥಿನಿಲಯಗಳ ಕಟ್ಟಡಗಳ ನಿರ್ಮಾಣ ಹಾಗೂ ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿ ನೇಮಕಾತಿ ಸಲುವಾಗಿ 9 ಕೋಟಿ ರೂ. ಮೀಸಲು

* ಕಾನೂನು ಮತ್ತು ನ್ಯಾಯಾಲಯಗಳ ಇಲಾಖೆಗೆ ಒಟ್ಟಾರೆಯಾಗಿ 597 ಕೋಟಿ ರೂ.

* ವಿಭಾಗೀಯ ಮಟ್ಟದಲ್ಲಿ ವಕೀಲರಿಗೆ 60 ಲಕ್ಷ ರೂ ವೆಚ್ಚದಲ್ಲಿ ವೃತ್ತಿ ತರಬೇತಿ.

* 2 ಕೋಟಿ ವೆಚ್ಚದಲ್ಲಿ ಜಿಲ್ಲಾ ಅಸೋಸಿಯೇಷನ್‌ಗಳಲ್ಲಿ ಇ-ಲೈಬ್ರೆರಿಗಳ ಸ್ಥಾಪನೆ.

* ಕಾನೂನು ಪದವೀಧರರಿಗೆ ನೀಡುವ ಮಾಸಿಕ ಶಿಷ್ಯ ವೇತನ 1000ದಿಂದ 2000ಕ್ಕೆ ಹೆಚ್ಚಳ

English summary
Karnataka Chief Minister Siddaramaiah, who also hold finance portfolio, presented budget for the year 2015-16 on Friday, 13th March. The education department has got 14% of share in the budget.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X