ಸಂಪುಟ ವಿಸ್ತರಣೆ: ಕುಮಾರಸ್ವಾಮಿ ಸಂಪುಟದ ಒಟ್ಟಾರೆ ಜಾತಿ ಲೆಕ್ಕಾಚಾರ ಹೀಗಿದೆ

Published: Sunday, December 23, 2018, 11:15 [IST]

ಎಚ್ ಡಿ ಕುಮಾರಸ್ವಾಮಿ ನೇತೃತ್ವದ ಸಮ್ಮಿಶ್ರ ಸರಕಾರ ಅಧಿಕಾರಕ್ಕೆ ಬಂದ ಏಳು ತಿಂಗಳ ನಂತರ ಸಂಪುಟ ವಿಸ್ತರಣೆಯಾಗಿದೆ. ಮತ್ತಿನ್ಯಾವುದೋ ಕಾರಣ ಮುಂದೊಡ್ಡಿ ಸಂಪುಟ ವಿಸ್ತರಣೆಗೆ ಮತ್ತೆ ವಿಘ್ನ ಬರಲಿದೆ ಎನ್ನುವ ಮಾತು ಸುಳ್ಳಾಗಿದೆ.

ತನ್ನ ಖೋಟಾದಲ್ಲಿ ಖಾಲಿಯಿರುವ ಎರಡು ಸ್ಥಾನವನ್ನು ಜೆಡಿಎಸ್ ಭರ್ತಿ ಮಾಡಿಕೊಳ್ಳಲಿಲ್ಲ. ಧನುರ್ಮಾಸ ಎನ್ನುವುದು ಮೇಲ್ನೋಟಕ್ಕೆ ಕಾಣುವ ಕಾರಣವಾಗಿದ್ದರೂ, ಅಸಲಿ ರಾಜಕೀಯ ಬೇರೆಯದೇ ಇದೆ ಎನ್ನುವ ಮಾತಿದೆ.

ಸುಮಾರು ಹತ್ತು ಜಿಲ್ಲೆಗಳ ಯಾವ ಜನಪ್ರತಿನಿಧಿಗಳಿಗೂ ಸಂಪುಟದಲ್ಲಿ ಸ್ಥಾನ ನೀಡಲಿಲ್ಲ ಎನ್ನುವ ಕೂಗಿನ ನಡುವೆ, ಸಂಪುಟದಿಂದ ಕೈಬಿಡಲಾದ ರಮೇಶ್ ಜಾರಕಿಹೊಳಿ ಯಾರ ಸಂಪರ್ಕಕ್ಕೂ ಸಿಗದೇ ಇರುವುದು, ಕಾಂಗ್ರೆಸ್ಸಿಗೆ ಕಸಿವಿಸಿ ಉಂಟುಮಾಡಿದೆ.

ಶನಿವಾರ (ಡಿ 22) ಪ್ರಮಾಣವಚನ ಸ್ವೀಕರಿಸಿದ ಎಂಟು ನೂತನ ಸಚಿವರಿಗೆ ಖಾತೆಯನ್ನು ಇನ್ನೂ ಹಂಚಲಾಗಲಿಲ್ಲ. ಡಾ. ಪರಮೇಶ್ವರ್, ಡಿ ಕೆ ಶಿವಕುಮಾರ್, ಆರ್ ವಿ ದೇಶಪಾಂಡೆ ಮುಂತಾದವರು ಹೆಚ್ಚುವರಿ ಖಾತೆಯನ್ನು ಹೊಂದಿರುವುದರಿಂದ, ಇದರಿಂದ ಯಾವುದಾದರೂ ಖಾತೆಯನ್ನು ಕಸಿದುಕೊಡಬಹುದು.

ಸಂಪುಟ ವಿಸ್ತರಣೆಯ ನಂತರ, ಕುಮಾರಸ್ವಾಮಿ ಸರಕಾರದ ಸಚಿವರಲ್ಲಿ ಒಕ್ಕಲಿಗರ ಪ್ರಾಭಲ್ಯ ಹೆಚ್ಚಾಗಿದೆ. ಸರಕಾರದ ಸಚಿವರಲ್ಲಿನ ಜಾತಿ ಪ್ರಾತಿನಿಧ್ಯ ಹೀಗಿದೆ, ಮುಂದೆ ಓದಿ..