• search

ಗೌಡ್ರು ಮತ್ತೊಂದು ಬಾರಿಗೆ ಪ್ರಧಾನಿಯಾಗುವ ಸಾಧ್ಯತೆ

Posted By:
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಹಾಸನ, ಏ.16-ಮಾಜಿ ಪ್ರಧಾನಿ ದೇವೇಗೌಡರು ಆಗಾಗ ಜಪಿಸುವಂತೆ ಥರ್ಡ್ ಫ್ರಂಟ್ ಅಧಿಕಾರಕ್ಕೆ ಬರುವ ಸಾಧ್ಯತೆ. ಅಷ್ಟೇ ಅಲ್ಲ ಸ್ವತಃ ದೇವೇಗೌಡರು ಮತ್ತೊಂದು ಬಾರಿಗೆ ದೇಶದ ಪ್ರಧಾನಿಯಾಗುವ ಸಾಧ್ಯತೆಗಳಿವೆ... ಯಾರು ಹೀಗೆ ಹೇಳಿದ್ದು ಅಂದರೆ ದೇವೇಗೌಡರ ಹಿರಿಯ ಪುತ್ರ, ಶಾಸಕ ಎಚ್ ಡಿ ರೇವಣ್ಣ ಅವರು.

    ಹೌದು. ನಿನ್ನೆ ಹಾಸನದಲ್ಲಿ ಈ ಬಗ್ಗೆ ಸುಳಿವು ನೀಡಿರುವ ರೇವಣ್ಣ ಅವರು 'ದೇವೇಗೌಡರಿಗೆ ಈಗ ರಾಜಯೋಗ ಆರಂಭವಾಗಿದೆ. ಅವರ ಆಯಸ್ಸು ಇನ್ನೂ 10 ವರ್ಷ ಹೆಚ್ಚಾಗಿದೆ' ಎಂದು ಹೇಳಿದ್ದಾರೆ. (ರಾಜಕೀಯ ಪ್ರಬುದ್ಧತೆ ಇರಬೇಕು: ಗೌಡರಿಗೆ ಕೃಷ್ಣ ಕಿವಿಮಾತು)

    deve-gowda-has-rajayoga-may-become-pm-again-hd-revanna

    ಮುಖ್ಯಮಂತ್ರಿ ಎಸ್ಎಂ ಕೃಷ್ಣ ಅವರು ಇತ್ತೀಚೆಗೆ ತಮ್ಮ ಸಮಕಾಲೀನ ಗೌಡರನ್ನು ಛೇಡಿಸುತ್ತಾ 'ಉಪ ಚುನಾವಣೆ ಬರುವಂತಹ ಸ್ಥಿತಿ ನಿರ್ಮಿಸಬೇಡಿ' ಎಂದಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿರುವ ರೇವಣ್ಣ ಅವರು 'ಹಾಗೆ ಭವಿಷ್ಯ ನುಡಿಯಲು ಮಾಜಿ ಮುಖ್ಯಮಂತ್ರಿ ಕೃಷ್ಣ ಅವರೇನು ಬ್ರಹ್ಮನೇ?' ಎಂದು ಸುದ್ದಿಗೋಷ್ಠಿಯಲ್ಲಿ ಖಾರವಾಗಿ ಪ್ರಶ್ನಿಸಿದರು.

    'ದೇವೇಗೌಡರು ಅಪ್ಪಟ ಶಿವನ ಭಕ್ತರು. ಈ ಬಾರಿಯ ಚುನಾವಣೆ ದಿನವಾದ ಏಪ್ರಿಲ್ 17 ಶುಭ ದಿನವಾಗಿದೆ. ಅದು ರಾಘವೇಂದ್ರ ಸ್ವಾಮಿಗಳ ವಾರವಾದ ಗುರುವಾರವೂ ಹೌದು. ಈ ಬಾರಿಯ ರಾಜಕೀಯ ತಿರುವಿಗೆ ಈ ಗುರುವಾರದ ದಿನ ವಿಶೇಷವು ನಾಂದಿ ಹಾಡಲಿದೆ ಅಷ್ಟಕ್ಕೂ ಜನತೆಯ ಆಶೀರ್ವಾದ ಇರುವ ತನಕ ಯಾರಿಂದಲೂ ಅವರನ್ನು ರಾಜಕೀಯವಾಗಿ ಅಂತ್ಯ ಮಾಡಲು ಸಾಧ್ಯವಿಲ್ಲ' ಎಂದು ಎದೆಯುಬ್ಬಿಸಿ ರೇವಣ್ಣ ಹೇಳಿದರು.

    'ಜೆಡಿಎಸ್‌ ಪಕ್ಷದ ಕುಟುಂಬ ರಾಜಕಾರಣ ಅಂತ್ಯವಾಗುತ್ತೋ ಅಥವಾ ಕಾಂಗ್ರೆಸ್ಸಿನ ಕುಟುಂಬ ರಾಜಕಾರಣ ಕೊನೆಗಾಣುತ್ತದೆಯೇ ಕಾದು ನೋಡಿ' ಎಂದೂ ರೇವಣ್ಣ ಮಾರ್ಮಿಕವಾಗಿ ನುಡಿದರು. 'ಕೃಷ್ಣಗೆ ರಾಜಕೀಯ ಪುನರ್ಜನ್ಮ ನೀಡಿದ್ದೇ ದೇವೇಗೌಡ್ರು' ಎಂದೂ ರೇವಣ್ಣ ಹೇಳಿದರು.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Lok Sabha polls 2014 - HD Deve Gowda has Rajayoga may become Prime Minister again -HD Revanna. He was reacting to SM Krishna's statement that Deve Gowda should not give way to by elections.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more