ಕಲಬುರಗಿ-ಬೆಂಗಳೂರು ವಿಮಾನ ಸೇವೆ ಪುನರಾರಂಭ

Updated: Monday, May 25, 2020, 16:23 [IST]

ಕಲಬುರಗಿ, ಮೇ 25:ಕೊರೊನಾ ವೈರಸ್ ಭೀತಿಯಿಂದಾಗಿ ದೇಶದಾದ್ಯಂತ ಲಾಕ್ ಡೌನ್ ನಿಯಮ ಜಾರಿಯಲ್ಲಿತ್ತು. ಇದರಿಂದಾಗಿ ವಿಮಾನ ಸೇವೆಯನ್ನು ನಿಲ್ಲಿಸಲಾಗಿತ್ತು. ಆದರೆ ಈಗ ಲಾಕ್ ಡೌನ್ ನಿಯಮ ಸಡಿಲಿಕೆಯಾಗಿದ್ದು, ದೇಶೀಯ ವಿಮಾನ ಸೇವೆಗಳಿಗೆ ಕೇಂದ್ರ ಸರ್ಕಾರ ಅನುಮತಿ ನೀಡಿದೆ.

Recommended Video

2ತಿಂಗಳುಗಳ ಬಳಿಕ ಹಾರಾಡುತ್ತಿವೆ ಪ್ರಾದೇಶಿಕ ವಿಮಾನಗಳು | Domestic Flight Resumed | Kalburgi

Karnataka: Passengers arrive at Kalaburagi Airport to board their respective flights, as domestic flight operations resume from today. Thermal screening of passengers being done at the airport. pic.twitter.com/v636PZoFGA
— ANI (@ANI) May 25, 2020

ಅದರಂತೆ ಎರಡು ತಿಂಗಳ ನಂತರ ಕಲಬುರಗಿಗೆ ವಿಮಾನ ಸೇವೆ ಪುನರಾರಂಭಗೊಳ್ಳುತ್ತಿದೆ. ಸೋಮವಾರ ಬೆಳಿಗ್ಗೆ 9.45 ಕ್ಕೆ ಬೆಂಗಳೂರಿನ ಕೆಐಎಎಲ್ ಏರ್‌ಪೋಟ್೯ನಿಂದ ಸ್ಟಾರ್ ಏರ್ ಸಂಸ್ಥೆಯ ವಿಮಾನ ಟೆಕಾಫ್ ಆಗಲಿದ್ದು, ಬೆಳಿಗ್ಗೆ 10.20 ಕ್ಕೆ ಕಲಬುರಗಿ ವಿಮಾನ ನಿಲ್ದಾಣಕ್ಕೆ ಬಂದಿಳಿಯಲಿದೆ.

ಪ್ರಯಾಣಿಕರು ಆರೋಗ್ಯ ಸೇತು ಆ್ಯಪ್ ಮೂಲಕ ಟಿಕೆಟ್ ಬುಕ್ ಮಾಡಲು ಅವಕಾಶ ಕಲ್ಪಿಸಲಾಗಿದೆ. ವಿಮಾನ ಟೆಕಾಫ್ ಆಗುವ ಎರಡು ಗಂಟೆ ಮುನ್ನ ಬೋರ್ಡಿಂಗ್ ಮಾಡಿಕೊಂಡು‌ ಪ್ರಯಾಣಿಕರು ಆರೋಗ್ಯ ತಪಾಸಣೆಗೊಳಪಡಲು ಸೂಚನೆ ನೀಡಿದೆ.

ಈಗಾಗಲೇ ಏರ್‌ಪೋಟ್೯ ಒಳಾವರಣದಲ್ಲಿ ಸ್ಯಾನಿಟರಿಂಗ್ ಕಾರ್ಯ ಆರಂಭ ಮಾಡಿದ್ದು, ಬರೋಬ್ಬರಿ ಎರಡು ತಿಂಗಳ ಲಾಕ್‌ಡೌನ್ ನಂತರ ವಿಮಾನ ನಿಲ್ದಾಣ ಹಾಗೂ ವಿಮಾನಗಳು ಪುನರಾರಂಭಗೊಳ್ಳುತ್ತಿವೆ. ವಿಮಾನ ನಿಲ್ದಾಣವು ಕಲಬುರಗಿ ನಗರ ಹೊರವಲಯದ ಶ್ರೀನಿವಾಸ ಸರಡಗಿ ಗ್ರಾಮದ ಬಳಿ ಇದೆ.