ರಾಜಸ್ಥಾನದಲ್ಲಿ ಮಿಗ್ 27 ವಿಮಾನ ಪತನ, ಪೈಲೆಟ್ ಸುರಕ್ಷಿತ
ಜೈಪುರ, ಫೆಬ್ರವರಿ 12 : ಮಿಗ್ 27 ಯುದ್ಧ ವಿಮಾನ ರಾಜಸ್ಥಾನದಲ್ಲಿ ಪತನಗೊಂಡಿದೆ. ವಿಮಾನದ ಪೈಲೆಟ್ ತುರ್ತು ನಿರ್ಗಮನ ದ್ವಾರದ ಮೂಲಕ ಹೊರಗೆ ಜಿಗಿದಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಭಾರತೀಯ ವಾಯುಪಡೆಗೆ ಸೇರಿದ ಮಿಗ್ 27 ಯುದ್ಧ ವಿಮಾನ ಮಂಗಳವಾರ ಸಂಜೆ 6.10ರ ಸುಮಾರಿಗೆ ರಾಜಸ್ಥಾನದ ಪೋಕ್ರಾನ್ ಸಮೀಪ ಪತನಗೊಂಡಿದೆ. ದೈನಂದಿನ ತರಬೇತಿಗಾಗಿ ವಿಮಾನ ಜೈಸಲ್ಮೇರ್ನಿಂದ ಟೇಕಾಫ್ ಆಗಿತ್ತು.
ವಿಮಾನದಲ್ಲಿ ತಾಂತ್ರಿಕ ದೋಷ ಕಂಡು ಬಂದು ಪತನಗೊಳ್ಳುವ ಸೂಚನೆ ಸಿಕ್ಕ ತಕ್ಷಣ ಪೈಲೆಟ್ ತುರ್ತು ನಿರ್ಗಮನ ದ್ವಾರದ ಮೂಲಕ ಹೊರಕ್ಕೆ ಜಿಗಿದಿದ್ದಾರೆ. ಆದ್ದರಿಂದ, ವಿಮಾನ ಪತನಗೊಂಡರೂ ಪೈಲೆಟ್ ಸುರಕ್ಷಿತವಾಗಿದ್ದಾರೆ.
ಫೆಬ್ರವರಿ ತಿಂಗಳಿನಲ್ಲಿ ನಡೆದ 2ನೇ ವಿಮಾನ ಪತನ ಪ್ರಕರಣವಿದಾಗಿದೆ. ಫೆಬ್ರವರಿ 1ರಂದು ಬೆಂಗಳೂರಿನ ಎಚ್ಎಎಲ್ ಸಮೀಪ ಮಿರಾಜ್ 2000 ವಿಮಾನ ಪತನಗೊಂಡಿತ್ತು. ಇಬ್ಬರು ಪೈಲೆಟ್ಗಳು ಈ ದುರ್ಘಟನೆಯಲ್ಲಿ ಮೃತಪಟ್ಟಿದ್ದರು.
ಯುದ್ಧ ವಿಮಾನ ಪತನದಂತಹ ಘಟನೆಗಳು ಭವಿಷ್ಯದಲ್ಲಿ ನಡೆಯಬಾರದು. ಅದಕ್ಕಾಗಿ ಅಗತ್ಯ ಕ್ರಮಗಳನ್ನು ಕೈಗೊಳ್ಳುವಂತೆ ಕೇಂದ್ರ ಸರ್ಕಾರಕ್ಕೆ ಸೂಚನೆ ನೀಡಬೇಕು ಎಂದು ಸುಪ್ರೀಂಕೋರ್ಟ್ನಲ್ಲಿ ಪಿಐಎಲ್ ಸಲ್ಲಿಸಲಾಗಿದೆ.
ವಕೀಲ ಅಲೋಕ್ ಶ್ರೀವಾಸ್ತವ್ ಎನ್ನುವವರು ಪಿಐಎಲ್ ಸಲ್ಲಿಕೆ ಮಾಡಿದ್ದಾರೆ. 2012ರಲ್ಲಿ 10 ದಿನಗಳ ಅಂತರದಲ್ಲಿ ಎರಡು ವಿಮಾನಗಳು ಪತನಗೊಂಡಿದ್ದವು. ಈ ವರ್ಷವೂ ಸಹ 12 ದಿನದ ಅಂತರದಲ್ಲಿ ಎರಡು ವಿಮಾನಗಳು ಪತನಗೊಂಡಿವೆ.
Click it and Unblock the Notifications
Sign in with Google