ವಿಶ್ವದ ಅತಿ ದೊಡ್ಡ ವಿಸ್ಕಿ ಬಾಟಲಿ ಹರಾಜು: ಇದರ ಬೆಲೆ 10 ಕೋಟಿ ರೂ

Updated: Monday, May 30, 2022, 13:06 [IST]

ವಿಸ್ಕಿ ಪ್ರಿಯರಿಗೆ ಅಚ್ಚರಿಯ ಸುದ್ದಿಯೊಂದು ಬಹಿರಂಗಗೊಂಡಿದೆ. ವಿಶ್ವದ ಎರಡನೇ ಅತಿ ದೊಡ್ಡ ವಿಸ್ಕಿ ಬಾಟಲಿ ಹರಾಜಾಗಿದೆ. ಗಿನ್ನೆಸ್ ಬುಕ್ ಆಫ್ ರೆಕಾರ್ಡ್ಸ್‌ನಲ್ಲಿ ದಾಖಲಾಗಿರುವ 'ದಿ ಇಂಟ್ರೆಪಿಡ್' ಹೆಸರಿನ ವಿಸ್ಕಿಯ ಬಾಟಲಿಯು ವಿಶ್ವದ ಎರಡನೇ ಅತಿದೊಡ್ಡ ಬಾಟಲಿ ಎಂದು ಸ್ಥಾನ ಪಡೆದಿದೆ. 'ದಿ ಇಂಟ್ರೆಪಿಡ್' ಹೆಸರಿನ ಈ ಮದ್ಯದ ಬಾಟಲಿಯ ಬೆಲೆ ತಿಳಿದರೆ ನೀವು ಶಾಕ್ ಆಗುತ್ತೀರಿ. ಟ್ರೇಡ್ ಮ್ಯಾಗಜೀನ್ ಫೋರ್ಬ್ಸ್ ಪ್ರಕಾರ, ವಿಶ್ವದ ಅತಿದೊಡ್ಡ ವೈನ್ ಬಾಟಲಿಯಾದ ದಿ ಇಂಟ್ರೆಪಿಡ್ ನ ಬೆಲೆ 1.4 ಮಿಲಿಯನ್‌ ಗೆ ಹರಾಜಾಗಿದೆ.

ಹರಾಜಿನಲ್ಲಿ ವ್ಯಕ್ತಿಯೊಬ್ಬ ಈ ವಿಸ್ಕಿಯ ಬಾಟಲಿಯನ್ನು $ 1.4 ಮಿಲಿಯನ್ಗೆ ಖರೀದಿಸಿದ್ದಾನೆ. 'ದಿ ಇಂಟ್ರೆಪಿಡ್' ಎಂಬ ಹೆಸರಿನ ಈ ವಿಸ್ಕಿ ಬಾಟಲಿ ಭಾರತೀಯ ರೂಪಾಯಿಗೆ ಪರಿವರ್ತಿಸಿದರೆ ಇದರ ಮೌಲ್ಯ ಕೋಟಿಗಳಷ್ಟಿದೆ. ಈ ಒಂದು ಬಾಟಲಿ ಮದ್ಯದ ಬೆಲೆ 10,87,69,080 ಆಗಿದೆ. ಈ ಬಾಟಲಿಯನ್ನು ಮೇ 25 ರಂದು ಸ್ಕಾಟ್ಲೆಂಡ್‌ನಲ್ಲಿ ಹರಾಜು ಮಾಡಲಾಯಿತು. ಅನಾಮಧೇಯ ಅಮೆರಿಕನ್ ವ್ಯಕ್ತಿ ಈ ಬಾಟಲಿಗೆ 1.4 ಮಿಲಿಯನ್ ಪಾವತಿಸಿದ್ದಾರೆ.

ಮನುಷ್ಯನಷ್ಟು ಎತ್ತರದ ಬಾಟಲಿ

ಈ ವಿಸ್ಕಿ ಬಾಟಲಿಯು ಮನುಷ್ಯನಷ್ಟು ಎತ್ತರವಾಗಿದೆ. 314 ರಿಂದ 311 ಲೀಟರ್ ವಿಸ್ಕಿ ಇದರಲ್ಲಿ ಹಿಡಿಯುತ್ತದೆ. ಬಾಟಲಿಯ ಉದ್ದ 5 ಅಡಿ 11 ಇಂಚು. ಈ ಬಾಟಲಿಯು 444 ಸ್ಟ್ಯಾಂಡರ್ಡ್ ವಿಸ್ಕಿ ಬಾಟಲಿಗಳಿಗೆ ಸಮನಾಗಿದೆ ಎಂದು ಹೇಳಲಾಗುತ್ತಿದೆ. ಈ ಬಾಟಲಿಯನ್ನು ಯುಕೆಯ ಲಿಯಾನ್ ಮತ್ತು ಟರ್ನ್‌ಬುಲ್ ಎಂಬ ಕಂಪನಿ ಸ್ಕಾಟ್ಲೆಂಡ್‌ನ ಎಡಿನ್‌ಬರ್ಗ್‌ನಲ್ಲಿ ಹರಾಜು ಮಾಡಿದೆ.

314 ರಿಂದ 311 ಲೀಟರ್‌ಗಳಷ್ಟು ಆಲ್ಕೋಹಾಲ್

2021 ರಲ್ಲಿ ಬಾಟಲ್ ಮಾಡಲಾಯಿತು. 5 ಅಡಿ 11 ಇಂಚಿನ ಈ ಬಾಟಲಿಗೆ ಸೆಪ್ಟೆಂಬರ್ 2021 ರಲ್ಲಿ ಗಿನ್ನೆಸ್ ವಿಶ್ವ ದಾಖಲೆಯನ್ನು ನೀಡಲಾಯಿತು. ಇದು 82.16 US ಗ್ಯಾಲನ್‌ಗಳನ್ನು ಅಂದರೆ 314 ರಿಂದ 311 ಲೀಟರ್‌ಗಳಷ್ಟು ಆಲ್ಕೋಹಾಲ್ ಅನ್ನು ಹೊಂದಿದೆ. ಇದರಲ್ಲಿರುವ ವೈನ್ 1989 ರ ಸಿಂಗಲ್ ಮಾಲ್ಟ್ ಸ್ಕಾಚ್ ವಿಸ್ಕಿ (Luxury Single Malt Scotch Whisky) ಆಗಿದೆ. ಹರಾಜು ಕಂಪನಿಯು ಹಳದಿ ಚಿನ್ನ ಬಣ್ಣದ ಈ ವಿಸ್ಕಿಯನ್ನು ಸೇಬುಗಳಿಂದ ತಯಾರಿಸಲಾಗಿದೆ ಎಂದು ಹೇಳುತ್ತದೆ.

ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ಬಾಟಲಿ

ಈ ಬಾಟಲಿಯನ್ನು 10 ಕೋಟಿಗೆ ಖರೀದಿಸುವುದು ಹೇಗೆ ಎಂದು ತಿಳಿದ ಜನರು ಆಶ್ಚರ್ಯಚಕಿತರಾಗಿದ್ದಾರೆ. ಹರಾಜು ಕಂಪನಿಯು ಮೇರಿ ಕ್ಯೂರಿ ಮತ್ತು ಕ್ಯಾಂಪೇನ್ ಎಗೇನ್ಸ್ಟ್ ಲಿವಿಂಗ್ ಮಿಸ್‌ಪ್ರೆಸೆಂಟೇಶನ್ (CALM) ಸೇರಿದಂತೆ ಹಲವಾರು ದತ್ತಿಗಳನ್ನು ಬೆಂಬಲಿಸುತ್ತದೆ ಎಂದು ಹೇಳುತ್ತದೆ. ಈ ಬಾಟಲಿ ಹರಾಜಿನಿಂದ ಬಂದ ಹಣದಿಂದ ದಾನದಂತಹ ಕಾರ್ಯಗಳನ್ನು ಇದು ಮಾಡುತ್ತದೆ ಎನ್ನಲಾಗುತ್ತದೆ. ಈ ಬಾಟಲಿಯ ಚಿತ್ರ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ.

14 ಕೋಟಿಗೆ ಮಾರಾಟ

ಆದಾಗ್ಯೂ, ಇದು ವಿಶ್ವದ ಅತ್ಯಂತ ದುಬಾರಿ ಬಾಟಲಿಯಲ್ಲ. ಈ 314 ಲೀಟರ್ ಮದ್ಯದ ಬಾಟಲಿಯ ಬೆಲೆ 10.87 ಕೋಟಿ ರೂಪಾಯಿಗಳಾಗಿದ್ದರೂ, ಇದು ವಿಶ್ವದ ಅತ್ಯಂತ ದುಬಾರಿ ಮದ್ಯದ ಬಾಟಲಿಯಲ್ಲ. ವೆಲ್ಸ್ ಆನ್‌ಲೈನ್ ವರದಿ ಪ್ರಕಾರ, ಇದುವರೆಗೆ ವಿಶ್ವದ ಅತ್ಯಂತ ದುಬಾರಿ ವೈನ್ ಬಾಟಲಿಯ ಬೆಲೆ 14 ಕೋಟಿ ರೂ. ಆ ಬಾಟಲಿಯನ್ನು 1926 ರಲ್ಲಿ ತಯಾರಿಸಲಾಯಿತು. 2018 ರಲ್ಲಿ, ಮಕಲನ್ ಎಂಬ 60 ವರ್ಷದ ವ್ಯಕ್ತಿ ಆ ಬಾಟಲಿಯನ್ನು ಖರೀದಿಸಿದರು. 10.87 ಕೋಟಿ ರೂ.ಗೆ ಮಾರಾಟವಾದ 'ದಿ ಇಂಟ್ರೆಪಿಡ್' ಹೆಸರಿನ ಮದ್ಯದ ಬಾಟಲಿಯು ವಿಶ್ವದ ಎರಡನೇ ಅತ್ಯಂತ ದುಬಾರಿ ವೈನ್ ಬಾಟಲಿಯಾಗಿದೆ.

(ಒನ್ಇಂಡಿಯಾ ಸುದ್ದಿ)