ಪಾಕಿಸ್ತಾನದೊಂದಿಗೆ ಸೇನಾ ಸಂಬಂಧವೂ ಇಲ್ಲ: ಡೊನಾಲ್ಡ್ ಟ್ರಂಪ್

Updated: Friday, January 5, 2018, 9:01 [IST]

ವಾಷಿಂಗ್ಟನ್, ಜನವರಿ 05: ಭಯೋತ್ಪಾದನೆಯ ದಮನಕ್ಕೆ ಪಾಕಿಸ್ತಾನ ಸರಿಯಾದ ಕ್ರಮ ಕೈಗೊಳ್ಳದ ಕಾರಣ ಪಾಕಿಸ್ತಾನಕ್ಕೆ ಇನ್ನುಮುಂದೆ ಸೇನಾ ನೆರವನ್ನೂ ನೀಡುವುದಿಲ್ಲ ಎಂದು ಅಮೆರಿಕ ಹೇಳಿದೆ.

ಪಾಕಿಸ್ತಾನಕ್ಕೆ ಅಮೆರಿಕ ನೀಡುತ್ತಿದ್ದ 1.1. ಶತಕೋಟಿ ಭದ್ರತಾ ನೆರವನ್ನೂ ನೀಡದಿರಲು ಈ ಮೂಲಕ ನಿರ್ಧರಿಸಿದೆ. ಇದರಿಂದಾಗಿ ಪಾಕಿಸ್ತಾನಕ್ಕೆ ಅಮೆರಿಕ ಎಲ್ಲೆಡೆಯಿಂದ ದಿಗ್ಬಂಧನ ಹಾಕಿದಂತಾಗಿದೆ.

ಈ ಕುರಿತು ಮಾತನಾಡಿದ ಅಮೆರಿಕದ ರಾಜ್ಯ ವಿಭಾಗದ ಸ್ಪೋಕ್ ಪರ್ಸ್ನ್ ಹೀದರ್ ನೌರ್ಟ್, ಪಾಕಿಸ್ತಾನದಷ್ಟು ಭಯೋತ್ಪಾದನೆಯ ಭೇಗೆಯಿಂದ ಬಳಲುತ್ತಿರುವ ದೇಶ ಮತ್ತೊಂದಿಲ್ಲ. ಆದರೂ ಅದನ್ನು ಹತ್ತಿಕ್ಕುವಲ್ಲಿ ಪಾಕಿಸ್ತಾನದ ಕಡೆಯಿಂದ ಯಾ ಪ್ರಯತ್ನವೂ ನಡೆಯುತ್ತಿಲ್ಲ ಎಂದಿದ್ದಾರೆ.

ಜನವರಿ 1 ರಂದಷ್ಟೇ ಪಾಕಿಸ್ತಾನಕ್ಕೆ ಇನ್ನು ಮೇಲೆ ಅಮೆರಿಕ ಯಾವುದೇ ರೀತಿಯ ಆರ್ಥಿಕ ನೆರವು ನೀಡುವುದಿಲ್ಲ ಎಂದು ಟ್ವೀಟ್ ಮಾಡುವ ಮೂಲಕ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಶಾಕ್ ನೀಡಿದ್ದರು.

ಪಾಕಿಸ್ತಾನದ ಕುರಿತ ಅಮೆರಿಕ ನಡೆ ಭಾರತಕ್ಕಂತೂ ಸ್ವಾಗತಾರ್ಹ ಬೆಳವಣಿಗೆಯೇ ಆಗಿದೆ.