ಗ್ರೇಟ್ ಎಸ್ಕೇಪ್ : ಡ್ರಗ್ ಸ್ಮಗ್ಲರ್ ಗುಜ್ಮನ್ ಪರಾರಿ
ಮೆಕ್ಸಿಕೋ, ಜುಲೈ 14: ಜೈಲಿನಿಂದ ಎಸ್ಕೇಪ್ ಆಗುವುದು ಹೇಗೆ ಎಂಬುದರ ಬಗ್ಗೆ ಭಾರತೀಯ ಸಿನಿಮಾಗಳು ಸೇರಿದಂತೆ ಇಂಗ್ಲೀಷ್ ನಲ್ಲಿ ಸರಣಿ ಎಪಿಸೋಡುಗಳೇ ಬಂದಿವೆ. ಎಸ್ಕೇಪ್ ಸ್ಟೋರಿ ಇಷ್ಟಪಡುವವರಿಗೆ ಇಲ್ಲೊಂದು ರೋಚಕ ಕಥೆ ಇದೆ. ಕುಖ್ಯಾತ ಡ್ರಗ್ ಸ್ಮಗ್ಲರ್ 'ಎಲ್ ಚಾಪೋ' ಅಲಿಯಾಸ್ ಜಾವೋಕ್ವಿ ಗುಜ್ಮನ್ ಜೈಲಿನಿಂದ ಪರಾರಿಯಾಗಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.
ಈ ಮುಂಚೆ ಕೂಡಾ 'ಪ್ಯಾಪಿಲಾನ್' ಮಾದರಿ ಜೈಲಿನಿಂದ ಎಸ್ಕೇಪ್ ಆಗಿದ್ದ ಗುಜ್ಮನ್ ಈಗಲೂ ಕೂಡಾ ಪೊಲೀಸರಿಗೆ ಚಳ್ಳೆ ಹಣ್ಣು ತಿನ್ನಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಗುಜ್ಮನ್ ತೊಡಿದ್ದ ಸುರಂಗದ ಜಾಡು ಹಿಡಿದು ಹೊರಟ ಪೊಲೀಸರು ನಿರ್ಜನ ಪ್ರದೇಶವೊಂದರ ಪಾಳು ಬಿದ್ದ ನಿವೇಶನದ ತನಕ ಬಂದು ನಿಂತಿದ್ದಾರೆ. ಸುಮಾರು 1.5 ಕಿ.ಮೀ ಉದ್ದದ ಸುರಂಗ ಕಂಡು ದಂಗಾಗಿದ್ದಾರೆ.
ಸುರಂಗದಲ್ಲಿ ಎಸಿ: ಗುಜ್ಮನ್ ಪರಾರಿಯಾಗಲು ಆತನಿಗೆ ಇತರೆ ಕೈದಿಗಳು ನೆರವಾಗಿದ್ದಾರೆ. ನೆಲದಿಂದ 10 ಮೀಟರ್ ಆಳಕ್ಕೆ ಸುಮಾರು 1.5 ಕಿ.ಮೀ ದೂರಕ್ಕೆ ಸುರಂಗ ಕೊರೆದಿದ್ದಾರೆ. ಸುರಂಗದಲ್ಲಿ ವಿದ್ಯುತ್ ಹಾಗೂ ಏರ್ಕಂಡೀಶನಿಂಗ್ ಕೂಡಾ ಒದಗಿಸಲಾಗಿದೆ. ಜೈಲಿನ ಬಾತ್ರೂಮಿನಿಂದ ಹೊರಟ ಸುರಂಗ ಆತನ ಮನೆಯೊಳಗೆ ದಾರಿ ತೋರಿಸುತ್ತದೆ.
ಕಳೆದ
ಶನಿವಾರ
8.52ಕ್ಕೆ
ಸ್ನಾನಕ್ಕೆ
ಹೋದ
ಗುಜ್ಮನ್
ಕಾವಲು
ಕಾಯಲು
ಭದ್ರತಾ
ಪಡೆ
ನೇಮಿಸಲಾಗಿತ್ತು.
ಅಲ್ಟಿಪ್ಲಾನೊ
ಜೈಲಿನಲ್ಲಿ
24
ತಾಸು
ಸಿಸಿಟಿವಿ
ನಿಗಾ
ವಹಿಸಲಾಗಿತ್ತು.
ಆದರೆ,
ಎಲ್ಲಾ
ಕಣ್ಣಿಗೆ
ಮಣ್ಣೆರೆಚಿ
ಪರಾರಿಯಾಗಿದ್ದಾನೆ.
ಈ ಹಿಂದೆ ಕೂಡ ಎಸ್ಕೇಪ್ ಆಗಿದ್ದ
ಈ ಹಿಂದೆ 1993ರಲ್ಲಿ ಗ್ವಾಟೆಮಾಲಾದಲ್ಲಿ ಬಂಧಿಯಾಗಿದ್ದ ಗುಜ್ಮನ್ 2001ರಲ್ಲೂ ಇದೇ ರೀತಿ ಎಸ್ಕೇಪ್ ಆಗಿದ್ದ, ಆಗ ಜೈಲಿನ ಸಿಬ್ಬಂದಿಗೆ ಲಂಚ ನೀಡಿದ್ದ. ಬಟ್ಟೆ ಸಾಗಿಸುವ ಲಾಂಡ್ರಿ ವಾಹನದಲ್ಲಿ ತೂರಿಕೊಂಡು ಪರಾರಿಯಾಗಿದ್ದ. ಸಿನೊಲಾ ಕಾರ್ಟೆಲ್ ಎಂಬ ಡ್ರಗ್ ದಂಧೆ ಮಾಫಿಯಾದ ಕಿಂಗ್ ಆಗಿರುವ ಗುಜ್ಮನ್ ಸುಮಾರು 100 ಕೋಟಿ ಡಾಲರ್ ಗೂ ಅಧಿಕ ಆಸ್ತಿ ಹೊಂದಿದ್ದಾನೆ.
ಡ್ರಗ್ ದಂಧೆ ಮಾಫಿಯಾದ ಮುಖ್ಯಸ್ಥ
ಸಿನೊಲಾ ಕಾರ್ಟೆಲ್ ಎಂಬ ಡ್ರಗ್ ದಂಧೆ ಮಾಫಿಯಾದ ಮುಖ್ಯಸ್ಥನಾಗಿರುವ ಗುಜ್ಮನ್ ಕೊಕೈನ್, ಮೆಥಾಂಫೆಟಮೈನ್ಸ್, ಮಾರಿಜುವಾ ಮಾರಿ ಸುಮಾರು 100 ಕೋಟಿ ಡಾಲರ್ನಷ್ಟು ಆಸ್ತಿ ಹೊಂದಿದ್ದಾನೆ.
ಅಧ್ಯಕ್ಷ ಎರಿಕ್ ಪೇನಾ ನೇಟೊಗೆ ಅವರಿಗೆ ಮುಖಭಂಗ
ಗುಜ್ಮನ್ ಪರಾರಿಗೆ ಜೈಲಿನ ಅಧಿಕಾರಿಗಳೂ ನೆರವು ನೀಡಿರುವ ಸಾಧ್ಯತೆಯಿದೆ. ತೀವ್ರ ವಿಚಾರಣೆ ಮುಂದುವರೆದಿದೆ ಎಂದು ಪೊಲೀಸ್ ಆಯುಕ್ತ ಮಾಂಟೆ ಅಲೆಕ್ಸಾಂಡೋ ರುಬಿಡೋ ಹೇಳಿದ್ದಾರೆ. ಗುಜ್ಮನ್ ಪರಾರಿ ಪ್ರಕರಣದಿಂದ ಅಧ್ಯಕ್ಷ ಎರಿಕ್ ಪೇನಾ ನೇಟೊಗೆ ಅವರಿಗೆ ಮುಖಭಂಗವಾಗಿದೆ.
ಸುರಂಗದಲ್ಲಿ ವಿದ್ಯುತ್ ಹಾಗೂ ಏರ್ಕಂಡೀಷನಿಂಗ್
ಸುರಂಗದಲ್ಲಿ ವಿದ್ಯುತ್ ಹಾಗೂ ಏರ್ಕಂಡೀಷನಿಂಗ್ ಕೂಡಾ ಒದಗಿಸಲಾಗಿದೆ. ಜೈಲಿನ ಬಾತ್ರೂಮಿನಿಂದ ಹೊರಟ ಸುರಂಗ ಆತನ ಮನೆಯೊಳಗೆ ದಾರಿ ತೋರಿಸುತ್ತದೆ.