ಯುಎಸ್‌ ಸೈನ್ಯ ಹಿಂಪಡೆದ ಕೂಡಲೇ ಅಫ್ಘಾನ್‌ ಪ್ರಾಂತೀಯ ರಾಜಧಾನಿಯನ್ನು ವಶಕ್ಕೆ ಪಡೆದ ತಾಲಿಬಾನ್‌

ಕಾಬೂಲ್, ಆ.07: ವಿದೇಶಿ ಸೈನ್ಯದ ನಿರ್ಗಮನವಾಗುತ್ತಿದ್ದಂತೆ ದಾಳಿ ಆರಂಭಿಸಿದ ತಾಲಿಬಾನ್ ತಮ್ಮ ಮೊದಲ ಪ್ರಾಂತೀಯ ರಾಜಧಾನಿಯನ್ನು ವಶಪಡಿಸಿಕೊಂಡಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ಶುಕ್ರವಾರ ದೃಢಪಡಿಸಿದರು. ಈವರೆಗೂ ತಾಲಿಬಾನಿಗರು ಅಫ್ಘಾನಿಸ್ತಾನದ ಇತರೆ ಜಿಲ್ಲೆಗಳನ್ನು ವಶಕ್ಕೆ ಪಡೆದುಕೊಂಡಿದ್ದರೂ ರಾಜಧಾನಿಗಳನ್ನು ವಶಕ್ಕೆ ಪಡೆದಿರಲಿಲ್ಲ. ಆದರೆ ಶುಕ್ರವಾರ ಯುಎಸ್‌ ಪ್ರಾಂತೀಯ ರಾಜಧಾನಿಯಿಂದ ತನ್ನ ಸೈನ್ಯವನ್ನು ಹಿಂಪಡೆಯುತ್ತಿದ್ದಂತೆ ತಾಲಿಬಾನ್‌ ದಾಳಿ ನಡೆಸಿ ಪ್ರಾಂತೀಯ ರಾಜಧಾನಿ ಜರಂಜ್‌ ನಗರವನ್ನು ವಶಕ್ಕೆ ಪಡೆದುಕೊಂಡಿದೆ. ಇದು ಅಫ್ಘಾನಿಸ್ತಾನ ಸರ್ಕಾರಕ್ಕೆ ದೊಡ್ಡ ಆಘಾತವನ್ನು ಉಂಟು ಮಾಡಿದೆ.

"ನಿಮ್ರೋಜ್‌ನ ಪ್ರಾಂತೀಯ ರಾಜಧಾನಿಯಾದ ಜರಂಜ್ ನಗರವು ತಾಲಿಬಾನ್‌ಗಳ ವಶವಾಗಿದೆ," ಎಂದು ಉಪ ಗವರ್ನರ್ ರೋಹ್ ಗುಲ್ ಖೈರ್‌ಜಾದ್‌ ಎಎಫ್‌ಪಿಗೆ ತಿಳಿಸಿದರು. ಇರಾನಿನ ಗಡಿಯ ಬಳಿ ನೈರುತ್ಯ ಅಫ್ಘಾನಿಸ್ತಾನದಲ್ಲಿರುವ ನಗರವು ಯಾವುದೇ ''ಕಾದಾಟವಿಲ್ಲದೆಯೇ'' ತಾಲಿಬಾನ್‌ ವಶವಾಗಿದೆ ಎಂದು ಕೂಡಾ ಇದೇ ಸಂದರ್ಭದಲ್ಲಿ ಉಪ ಗವರ್ನರ್ ರೋಹ್ ಗುಲ್ ಖೈರ್‌ಜಾದ್‌ ತಿಳಿಸಿದ್ದಾರೆ.

ಇನ್ನು ಇಲ್ಲಿನ ವಿಡಿಯೋವು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ತಾಲಿಬಾನಿಗರು ನಗರಕ್ಕೆ ಪ್ರವೇಶಿಸಿರುವುದು ಕಂಡು ಬಂದಿದೆ. ಆದರೆ ಈ ವಿಡಯೋಗಳ ಸತ್ಯಾಸತ್ಯತೆಯನ್ನು ತಕ್ಷಣವೇ ದೃಢೀಕರಿಸಲು ಸಾಧ್ಯವಿಲ್ಲ. ಅಫ್ಘಾನ್‌ ಸರ್ಕಾರದ ಮಾಧ್ಯಮ ಮಾಹಿತಿ ವಿಭಾಗದ ಮುಖ್ಯಸ್ಥನ ಹತ್ಯೆಗೆ ತಾಲಿಬಾನ್ ಹೊಣೆ ಹೊತ್ತ ಅದೇ ದಿನ ಜರಂಜ್ ತಾಲಿಬಾನ್‌ ವಶವಾಗಿದೆ.

ಅಫ್ಘಾನ್ ಸರ್ಕಾರಿ ಮಾಧ್ಯಮ ಮುಖ್ಯಸ್ಥರ ಹತ್ಯೆ

ಹೆಚ್ಚಿದ ವಾಯುದಾಳಿಗಳಿಗೆ ಪ್ರತೀಕಾರವಾಗಿ ಹಿರಿಯ ಆಡಳಿತ ವ್ಯಕ್ತಿಗಳನ್ನು ಗುರಿಯಾಗಿಸುವುದಾಗಿ ದಂಗೆಕೋರರು ಕೆಲವೇ ದಿನಗಳ ಹಿಂದೆಯೇ ಎಚ್ಚರಿಕೆ ನೀಡಿದ್ದರು. ಸರ್ಕಾರದ ಪ್ರಮುಖ ಧ್ವನಿಗಳಲ್ಲಿ ಒಂದಾದ ದವಾ ಖಾನ್ ಮೆನಾಪಾಲ್‌ರ ಹತ್ಯೆಯು ಯುದ್ಧವು ಕಾಬೂಲ್‌ನಲ್ಲಿ ಹೆಚ್ಚಾಗುತ್ತಿದ್ದಂತೆ ಮತ್ತೊಂದು ರಕ್ತಸಿಕ್ತ ದಿನ ಉರುಳಿದೆ.

ಯುಎನ್ ಸೆಕ್ಯುರಿಟಿ ಕೌನ್ಸಿಲ್ ಸಂಘರ್ಷದ ಬಗ್ಗೆ ಚರ್ಚಿಸಲು ನ್ಯೂಯಾರ್ಕ್‌ನಲ್ಲಿ ಸಭೆ ಸೇರುತ್ತಿದ್ದಂತೆ ನೈರುತ್ಯ ಅಫ್ಘಾನಿಸ್ತಾನದ ಸುದ್ದಿಯೂ ಬರುತ್ತದೆ. "ದುರದೃಷ್ಟವಶಾತ್, ಘೋರ ಭಯೋತ್ಪಾದಕರು ಮತ್ತೊಮ್ಮೆ ಹೇಡಿಗಳ ಕೃತ್ಯ ಎಸಗಿದ್ದಾರೆ ಮತ್ತು ದೇಶಭಕ್ತ ಅಫ್ಘಾನಿಸ್ತಾನದ ಅಧಿಕಾರಿ ಹುತಾತ್ಮರಾಗಿದ್ದಾರೆ," ಎಂದು ಮೆನಾಪಾಲ್ ಸಾವಿನ ಬಗ್ಗೆ ಆಂತರಿಕ ಸಚಿವಾಲಯದ ವಕ್ತಾರ ಮಿರ್ವೈಸ್ ಸ್ಟಾನಿಕ್‌ಜಾಯ್‌ ಹೇಳಿದ್ದಾರೆ.

ಅಫ್ಘಾನ್‌ನಲ್ಲಿ ಮಾನವ ಹಕ್ಕು ಹೋರಾಟಗಾರರ ಹತ್ಯೆ ಹೆಚ್ಚಳ

ಅಫ್ಘಾನಿಸ್ತಾನದಲ್ಲಿ ಇತ್ತೀಚಿನ ತಿಂಗಳುಗಳಲ್ಲಿ ಪತ್ರಕರ್ತರು ಮತ್ತು ಮಾನವ ಹಕ್ಕುಗಳ ಹೋರಾಟಗಾರರ ಹತ್ಯೆ ಹೆಚ್ಚುತ್ತಿದ್ದು, ತಾಲಿಬಾನಿಗಳು ಶುಕ್ರವಾರ ಅಫ್ಘಾನಿಸ್ತಾನದ ಸರ್ಕಾರಿ ಮಾಧ್ಯಮ ಕೇಂದ್ರದ ನಿರ್ದೇಶಕ ಮೆನಾಪಾಲ್‌ರನ್ನು ತಾಲಿಬಾನ್ ಗುಂಡಿಕ್ಕಿ ಹತ್ಯೆ ಮಾಡಿದ್ದಾರೆ. ತಾಲಿಬಾನ್ ಸಾವಿನ ಹೊಣೆ ಹೊತ್ತಿದ್ದು, ವಕ್ತಾರ ಜಬಿಹುಲ್ಲಾ ಮುಜಾಹಿದ್ ಮಾಧ್ಯಮಗಳಿಗೆ ಸಂದೇಶ ಕಳುಹಿಸಿ "ಮುಜಾಹಿದ್ದೀನ್ ನಡೆಸಿದ ವಿಶೇಷ ದಾಳಿಯಲ್ಲಿ ಆತ ಸಾವನ್ನಪ್ಪಿದ್ದಾನೆ," ಎಂದು ಹೇಳಿದ್ದಾನೆ.

ನಾಯಕರನ್ನು ದಾಳಿ ನಡೆಸುವ ಎಚ್ಚರಿಕೆ ನೀಡಿದ್ದ ತಾಲಿಬಾನ್‌

ಉಗ್ರರು ಬುಧವಾರ ಅಫ್ಘಾನ್ ಸರ್ಕಾರದ ನಾಯಕರನ್ನು ಗುರಿಯಾಗಿಸಿಕೊಂಡು ದಾಳಿ ನಡೆಸುವುದಾಗಿ ಎಚ್ಚರಿಕೆ ನೀಡಿದ ನಂತರ ಈ ಕೊಲೆ ನಡೆದಿದೆ. ಹಿಂದಿನ ದಿನ, ರಕ್ಷಣಾ ಸಚಿವ ಬಿಸ್ಮಿಲ್ಲಾ ಮೊಹಮ್ಮದಿ ಬಾಂಬ್ ಮತ್ತು ಗನ್ ದಾಳಿಯಲ್ಲಿ ಹತ್ಯೆ ಯತ್ನದಿಂದ ತಪ್ಪಿಸಿಕೊಂಡರು. ಅಫ್ಘಾನಿಸ್ತಾನ ಮತ್ತು ಯುಎಸ್ ಸೇನಾಪಡೆಗಳು ನಗರಗಳಲ್ಲಿ ಸರಣಿ ದಂಗೆಕೋರರ ದಾಳಿಯ ವಿರುದ್ದ ಹೋರಾಟದಲ್ಲಿ ವಾಯುದಾಳಿಯನ್ನು ಹೆಚ್ಚಿಸಿವೆ. ಈ ನಡುವೆ ಮಂಗಳವಾರದ ಕಾಬೂಲ್ ದಾಳಿ ಪ್ರತಿಕ್ರಿಯೆಯಾಗಿದೆ ಎಂದು ತಾಲಿಬಾನ್ ಹೇಳಿದೆ.

ಅಫ್ಘಾನಿಸ್ತಾನದ ದೀರ್ಘಕಾಲೀನ ಸಂಘರ್ಷದಲ್ಲಿ ಹೋರಾಟವು ಮೇ ನಿಂದ ತೀವ್ರಗೊಂಡಿದೆ. ವಿದೇಶಿ ಪಡೆಗಳು ಈ ತಿಂಗಳ ಅಂತ್ಯದ ವೇಳೆಗೆ ಹಿಂತೆಗೆದುಕೊಳ್ಳುವ ಅಂತಿಮ ಹಂತವನ್ನು ಪ್ರಾರಂಭಿಸಿದವು. ವಿದೇಶಿ ಪಡೆಗಳ ಹಿಂಪಡೆಯುವ ಪ್ರಕ್ರಿಯೆ ಆರಂಭವಾಗುತ್ತಿದ್ದಂತೆ ತಾಲಿಬಾನ್‌ ದಾಳಿ ನಡೆಸಿದೆ. ತಾಲಿಬಾನ್ ಈಗಾಗಲೇ ಗ್ರಾಮಾಂತರದ ದೊಡ್ಡ ಭಾಗಗಳನ್ನು ನಿಯಂತ್ರಿಸುತ್ತಿದೆ ಮತ್ತು ಈಗ ಹಲವಾರು ಪ್ರಾಂತೀಯ ರಾಜಧಾನಿಗಳಲ್ಲಿ ಸರ್ಕಾರಿ ಪಡೆಗಳಿಗೆ ಸವಾಲು ಹಾಕುತ್ತಿದೆ.

ಉಳಿದಿರುವುದು ಏನು ಇಲ್ಲ

ಸರ್ಕಾರಿ ಪಡೆಗಳು ವಾಯುದಾಳಿಗಳು ಮತ್ತು ಕಮಾಂಡೋ ದಾಳಿಗಳೊಂದಿಗೆ ತಾಲಿಬಬಾನ್‌ ಪ್ರದೇಶಕ್ಕೆ ದಾಳಿ ನಡೆಸುವುದನ್ನು ಮುಂದುವರೆಸಿದೆ. ರಕ್ಷಣಾ ಸಚಿವಾಲಯವು ಕಳೆದ 24 ಗಂಟೆಗಳಲ್ಲಿ 400 ಕ್ಕೂ ಹೆಚ್ಚು ಬಂಡುಕೋರರನ್ನು ಹೊಡೆದುರುಳಿಸಿದೆ. ಎರಡೂ ಕಡೆಯವರು ಆಗಾಗ ಯುದ್ಧಭೂಮಿ ಅಪಘಾತದ ಅಂಕಿಅಂಶಗಳನ್ನು ಉತ್ಪ್ರೇಕ್ಷಿಸುತ್ತಿದ್ದು ಈ ನಡುವೆ ಸ್ವತಂತ್ರ ಪರಿಶೀಲನೆಯನ್ನು ವಾಸ್ತವಿಕವಾಗಿ ಅಸಾಧ್ಯವಾಗಿದೆ. ಆದರೆ ಅಫ್ಘಾನ್ ಅಧಿಕಾರಿಗಳು ತಾಲಿಬಾನ್ ಅನ್ನು ಬಲವಾಗಿ ಎದುರಿಸುತ್ತಿದ್ದೇವೆ. ನಾವು ತಾಲಿಬಾನಿಗರನ್ನು ಹತ್ಯೆ ಮಾಡುತ್ತಿದ್ದೇವೆ ಎಂದು ಹೇಳುತ್ತಿದ್ದರೂ, ಭದ್ರತಾ ಪಡೆಗಳು ಈಗಾಗಲೇ ಪ್ರವೇಶಿಸಿದ ಪ್ರಾಂತೀಯ ರಾಜಧಾನಿಗಳಿಂದ ಉಗ್ರರನ್ನು ಹೊರಹಾಕಿಲ್ಲ. ಇತ್ತೀಚಿನ ವಾರಗಳಲ್ಲಿ ಲಕ್ಷಾಂತರ ನಾಗರಿಕರು ಪಲಾಯನ ಮಾಡಬೇಕಾದ ಸ್ಥಿತಿ ಉಂಟಾಗಿತ್ತು.

English summary

The Taliban have captured their first provincial capital since launching an offensive to coincide with the departure of foreign troops, a senior official confirmed.