ಮಂಗಳ ಗ್ರಹ ಮಾದರಿ ರಾಕೆಟ್ ಭೂಸ್ಪರ್ಶದ ವೇಳೆ ಸ್ಫೋಟ
ಟೆಕ್ಸಾಸ್, ಫೆಬ್ರವರಿ 3: ಮಂಗಳ ಗ್ರಹದ ಸಂಚಾರಕ್ಕಾಗಿ ವಿನ್ಯಾಸಗೊಳಿಸಲಾಗಿದ್ದ ಅಮೆರಿಕದ ಸ್ಪೇಸ್ಎಕ್ಸ್ನ ಮಾದರಿ ರಾಕೆಟ್ ಪರೀಕ್ಷಾರ್ಥ ಪ್ರಯೋಗದ ವೇಳೆ ಭೂಸ್ಪರ್ಶವಾಗುವಾಗ ಸ್ಫೋಟಗೊಂಡಿದೆ. ಭೂಮಿಯ ಕಕ್ಷೆ, ಚಂದ್ರ, ಮಂಗಳ ಗ್ರಹ ಹಾಗೂ ಅದರಾಚೆಗೆ ಸಿಬ್ಬಂದಿ ಮತ್ತು ಸರಕು ಎರಡನ್ನೂ ಸಾಗಿಸಲು ಅನುಕೂಲಕರವಾಗುವಂತೆ ವಿನ್ಯಾಸಗೊಳಿಸಲಾಗಿದ್ದ ಸಂಪೂರ್ಣ ಮರುಬಳಕೆಯ ಸಾರಿಗೆ ವ್ಯವಸ್ಥೆ ಇದಾಗಿತ್ತು ಸ್ಪೇಸ್ ಎಕ್ಸ್ ತಿಳಿಸಿದೆ.
ಸ್ಟಾರ್ಶಿಪ್ ನೌಕೆಯ ಮಾದರಿ ಇದ್ದಾಗಿದ್ದು ಮಂಗಳ ಗ್ರಹಕ್ಕೆ ಪರೀಕ್ಷಾರ್ಥ ಪ್ರಯೋಗವಾಗಿ ಉಡಾವಣೆ ಮಾಡಲಾಗಿತ್ತು. ಅದತೆ ಅದು ನೆಲಕ್ಕೆ ಸ್ಪರ್ಶಿಸುವ ಸಂದರ್ಭದಲ್ಲಿ ಸ್ಫೋಟಗೊಂಡಿದೆ. ಕಳೆದ ಡಿಸೆಂಬರ್ನಲ್ಲಿ ನಡೆದ ಪರೀಕ್ಷಾರ್ಥ ಹಾರಾಟವೂ ಇದೇ ರೀತಿ ಸ್ಫೋಟದ ಅಂತ್ಯ ಕಂಡಿತ್ತು.
ರಾಕೆಟ್ ಇಳಿಯುವ ಸಂದರ್ಭದಲ್ಲಿ ಅದರ ಮೂರು ಎಂಜಿನ್ಗಳು ಹೊತ್ತಿಕೊಳ್ಳುವ, ಆರುವ ಮತ್ತು ಪುನಃ ಚಾಲೂ ಆಗುವಂತೆ ಯೋಜಿಸಲಾಗಿತ್ತು. ಆದರೆ ಅದು ಉಡಾವಣಾ ಕೇಂದ್ರಕ್ಕೆ ಮರಳಿ ತಲುಪುವಾಗ ಬೆಂಕಿಯ ಉಂಡೆಗಳಾಗಿ ಸ್ಫೋಟಗೊಂಡಿದೆ. ನೇರ ಪ್ರಸಾರದಲ್ಲಿ ಈ ಘಟನೆ ದಾಖಲಾಗಿದೆ. ಮುಂದೆ ಓದಿ.
ಸುರಕ್ಷತಾ ನಿಯಮ ಅಡ್ಡಿ
160 ಅಡಿ ಉದ್ದದ ರಾಕೆಟ್ ಮಾದರಿಯು ಕೆಲವು ವಾರಗಳ ಹಿಂದೆಯೇ ಪರೀಕ್ಷಾರ್ಥ ಹಾರಾಟ ನಡೆಸಬೇಕಿತ್ತು. ಆದರೆ ಈ ಪರೀಕ್ಷೆಯು ಸಾರ್ವಜನಿಕ ಸುರಕ್ಷತೆಗೆ ಹಾನಿಯುಂಟುಮಾಡಬಹುದು ಎಂಬ ಕಾರಣಕ್ಕೆ ದಕ್ಷಿಣ ಟೆಕ್ಸಾಸ್ನಲ್ಲಿನ ಪರೀಕ್ಷಾ ಕೇಂದ್ರದಲ್ಲಿನ ಕಾರ್ಯಾಚರಣೆಗೆ ಫೆಡರಲ್ ಏವಿಯೇಷನ್ ಅಡ್ಮಿನಿಸ್ಟ್ರೇಷನ್ (ಎಫ್ಎಎ) ಅನುಮತಿ ನೀಡಿರಲಿಲ್ಲ.
|
10 ಕಿಮೀ ಹಾರಿದ್ದ ರಾಕೆಟ್
ಸಾರ್ವಜನಿಕ ಸುರಕ್ಷತಾ ನಿಯಮಗಳನ್ನು ಪಾಲಿಸುವ ಸೂಕ್ತ ಕ್ರಮಗಳನ್ನು ತೆಗೆದುಕೊಂಡ ಬಳಿಕ ಪರೀಕ್ಷೆಗೆ ಅನುಮತಿ ನೀಡಲಾಗಿತ್ತು. ಸುಮಾರು 10 ಕಿಮೀ ಎತ್ತರ ಸಾಗಿದ್ದ ರಾಕೆಟ್ ಅಲ್ಲಿಂದ ತಿರುಗಿ ಭೂಮಿಯತ್ತ ಮರಳುವಾಗ ಸುರಕ್ಷಿತವಾಗಿ ಭೂಸ್ಪರ್ಶ ಮಾಡುವಲ್ಲಿ ವಿಫಲವಾಗಿದೆ.
143 ಉಪಗ್ರಹಗಳ ಉಡಾವಣೆ
ಖ್ಯಾತ ಉದ್ಯಮಿ ಎಲೋನ್ ಮಸ್ಕ್ ಅವರ ಮಾಲೀಕತ್ವದ ಖಾಸಗಿ ಬಾಹ್ಯಾಕಾಶ ಸಂಸ್ಥೆ ಸ್ಪೇಸ್ ಎಕ್ಸ್, ಕಳೆದ ಭಾನುವಾರ ಏಕಕಾಲಕ್ಕೆ 143 ಉಪಗ್ರಹಗಳನ್ನು ಉಡಾವಣೆ ಮಾಡುವ ಮೂಲಕ ಭಾರತದ ಇಸ್ರೋ ನಿರ್ಮಿಸಿದ್ದ ವಿಶ್ವದಾಖಲೆಯನ್ನು ಮುರಿದಿತ್ತು. ಭಾರತದ ಇಸ್ರೋ 104 ಉಪಗ್ರಹಗಳನ್ನು ಉಡಾವಣೆ ಮಾಡಿತ್ತು.
ಜಾಗತಿಕ ಬ್ರಾಡ್ಬ್ಯಾಂಡ್
143 ಉಪಗ್ರಹಗಳು ವಾಣಿಜ್ಯ ಹಾಗೂ ಸರ್ಕಾರದ ಕ್ಯೂಬ್ಸ್ಯಾಟ್ಗಳು, ಮೈಕ್ರೋಸ್ಯಾಟಲೈಟ್ಗಳು, ಕಕ್ಷಾ ವರ್ಗಾವಣೆ ವಾಹನಗಳು ಮತ್ತು 10 ಸ್ಟಾರ್ಲಿಂಕ್ ಉಪಗ್ರಹಗಳನ್ನು ಒಳಗೊಂಡಿದ್ದವು. ಈ ಉಪಗ್ರಹಗಳ ಮೂಲಕ 2021ರ ಅಂತ್ಯದೊಳಗೆ ಜಾಗತಿಕ ಬ್ರಾಡ್ಬ್ಯಾಂಡ್ ಅಂತರ್ಜಾಲ ಸಂಪರ್ಕ ಒದಗಿಸುವ ಗುರಿಯನ್ನು ಸ್ಪೇಸ್ಎಕ್ಸ್ ಹೊಂದಿದೆ.
-
Petrol Price: ಇರಾನ್,ಅಮೆರಿಕ – ಇಸ್ರೇಲ್ ಯುದ್ಧ: ಕಚ್ಚಾ ತೈಲ ದರ ಏರಿಕೆ, ಭಾರತದಲ್ಲಿ ಪೆಟ್ರೋಲ್ ಬೆಲೆ ಶೀಘ್ರ 200 ರೂ. ? -
"ನನ್ನನ್ನೇಕೆ ಮದುವೆಗೆ ಕರೆದಿಲ್ಲ" ಎಂದು ದಬಾಯಿಸಿದ ಪುಟಾಣಿ ಅಭಿಮಾನಿ: ಮನೆಗೆ ಊಟಕ್ಕೆ ಆಹ್ವಾನಿಸಿದ ವಿಜಯ್ ದೇವರಕೊಂಡ-ರಶ್ಮಿಕಾ -
Viral Video: ಅಮೆರಿಕದ ಯುದ್ಧ ಸ್ಮಾರಕದ ಮುಂದೆ ಭಾರತೀಯ ದಂಪತಿ ಎಡವಟ್ಟು: ಶುರುವಾಯ್ತು ಗಡೀಪಾರು ಭೀತಿ, ವೈರಲ್ ವಿಡಿಯೋ -
"ನಂದಿನಿ" ನಕಲಿ ತುಪ್ಪಕ್ಕೆ ಕೆಎಂಎಫ್ ಕ್ಯೂಆರ್ ಕೋಡ್ ಅಸ್ತ್ರ; ಪತ್ತೆ ಹಚ್ಚುವುದು ಈಗ ಸುಲಭ -
Byadgi Chilli Market: ಬ್ಯಾಡಗಿ ಮೆಣಸಿನಕಾಯಿ ಮಾರುಕಟ್ಟೆ ಮೇಲೆ ಯುದ್ಧದ ಪ್ರಭಾವ, ರಫ್ತು ಸ್ಥಗಿತ -
Gold Price Today: ಆಭರಣ ಪ್ರಿಯರಿಗೆ ಬಿಗ್ ರಿಲೀಫ್: ಬೆಂಗಳೂರಿನಲ್ಲಿ ಚಿನ್ನದ ಬೆಲೆ ದಿಢೀರ್ ಇಳಿಕೆ; ಇಂದಿನ ದರ ಇಲ್ಲಿದೆ -
Horoscope March 9; ಈ ರಾಶಿಯವರ ಅದೃಷ್ಟವೇ ಬದಲಾಗುತ್ತೆ: 12 ರಾಶಿ ಭವಿಷ್ಯ ತಿಳಿಯಿರಿ -
Imd Weather Forecast: ಭಾರೀ ಬಿಸಿಲಿನ ನಡುವೆ ಈ ಭಾಗಗಳಲ್ಲಿ ಮಳೆ: ಐಎಂಡಿ ಮುನ್ಸೂಚನೆ ಇಲ್ಲಿದೆ -
Namma Metro Phase 3 Project: ಮೆಟ್ರೋ 2 ಕಾರಿಡಾರ್ ನಿರ್ಮಾಣಕ್ಕೆ 2031ರ ಹೊಸ ಗಡುವು -
Sensex crash: ಷೇರು ಮಾರುಕಟ್ಟೆಯಲ್ಲಿ ಭಾರಿ ಸಂಚಲನ; ಸೆನ್ಸೆಕ್ಸ್ 2100 ಅಂಕ ಕುಸಿತ -
E-Bus: ಕರ್ನಾಟಕದ ಹೊಸ ಯೋಜನೆಯಡಿ ಗ್ರಾಮೀಣ ಭಾಗಗಳಲ್ಲೂ ಓಡಾಡಲಿವೆ 1950 ಎಲೆಕ್ಟ್ರಿಕ್ ಬಸ್ಗಳು -
Prediction on Donald Trump: ಟ್ರಂಪ್ ಗೆಲುವು, ಇರಾನ್ ಯುದ್ಧ ಭವಿಷ್ಯ: 3 ಭವಿಷ್ಯವಾಣಿಯಲ್ಲಿ 2 ನಿಜ, ಮತ್ತೊಂದೇನು
Click it and Unblock the Notifications
Sign in with Google