ದ. ಆಫ್ರಿಕಾ ಚರ್ಚ್‌ನಲ್ಲಿ ನರಮೇಧ, ಗುಂಡಿನ ದಾಳಿಗೆ ಐವರು ಬಲಿ

ಜೋಹಾನ್ಸ್ ಬರ್ಗ್, ಜುಲೈ 11: ಹರಿಣಗಳ ನಾಡಲ್ಲಿ ಕ್ರೂರಿಗಳು ನರಮೇಧ ನಡೆಸಿದ್ದಾರೆ. ದಕ್ಷಿಣ ಆಫ್ರಿಕಾದ ಜೋಹಾನ್ಸ್‌ಬರ್ಗ್ ನಗರದ ಹೊರವಲಯದಲ್ಲಿರುವ ಚರ್ಚ್‌ನಲ್ಲಿ ಗುಂಡಿನ ಚಕಮಕಿ ನಡೆದಿದೆ.

ಈ ಘಟನೆಯಲ್ಲಿ ಐವರು ಸ್ಥಳದಲ್ಲೇ ಮೃತಪಟ್ಟಿರುವುದಾಗಿ ಸೌತ್ ಆಫ್ರಿಕಾ ಪೊಲೀಸ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಹಿಂಸಾಚಾರ ನಡೆದಿರುವ ಚರ್ಚ್‌ನ ಸ್ವಾಧೀನ ಸಂಬಂಧ 2 ಗುಂಪುಗಳ ನಡುವೆ 2016ರಿಂದಲೂ ಕಿರಿಕ್ ನಡೆಯುತ್ತಾ ಬಂದಿತ್ತು.

ಈ ಕುರಿತು ಮಾತುಕತೆಗೆ ಬಂದ ಸಂದರ್ಭದಲ್ಲಿ ಆಗಂತುಕರು ಗುಂಡಿನ ದಾಳಿ ನಡೆಸಿದ್ದಾರೆ. ಈ ವೇಳೆ ಎರಡೂ ಗುಂಪಿನ ನಡುವೆ ಗುಂಡಿನ ಚಕಮಕಿ ನಡೆದಿದ್ದು, ಐವರು ಬಲಿಯಾಗಿದ್ದಾರೆ. ಈ ಘಟನೆಯ ಬೆನ್ನಲ್ಲೇ ಜೋಹಾನ್ಸ್‌ಬರ್ಗ್ ನಗರದಾದ್ಯಂತ ಹೈಅಲರ್ಟ್ ಘೋಷಿಸಲಾಗಿದೆ.

#sapsGP Early hours this morning #SAPS was alerted to a hostage situation & shooting @ International Pentcost Holiness Church, Zuurbekom, 30 suspects arrested & seized more than 25 firearms. 5 fatalities are confirmed. The scene is still active with SAPS Hostage Negotiators. TM pic.twitter.com/5sMjYkYFjg

— SA Police Service 🇿🇦 (@SAPoliceService) July 11, 2020

30ಕ್ಕೂ ಹೆಚ್ಚು ಬಂದೂಕು ವಶಕ್ಕೆ..!: ಚರ್ಚ್‌ನಲ್ಲಿ ನಡೆದಿರುವ ದಾಳಿಯ ಭೀಕರತೆಗೆ ಸಾಕ್ಷಿ ಎಂಬಂತೆ ಹಂತಕರಿಂದ ಸುಮಾರು 30ಕ್ಕೂ ಹೆಚ್ಚು ಅತ್ಯಾಧುನಿಕ ಗನ್‌ಗಳನ್ನ ವಶಕ್ಕೆ ಪಡೆಯಲಾಗಿದೆ. 16 ಶಾಟ್‌ಗನ್, 5 ರೈಫಲ್ಸ್ ಸೇರಿದಂತೆ 13 ಪಿಸ್ತೂಲ್ ಹಾಗೂ ಇನ್ನಿತರ ಆಯುಧಗಳನ್ನ ದಕ್ಷಿಣ ಆಫ್ರಿಕಾ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಘಟನೆ ಸಂಬಂಧ 40ಕ್ಕೂ ಹೆಚ್ಚು ಜನರನ್ನ ಬಂಧಿಸಲಾಗಿದೆ.

English summary

Early hours this morning South Africa Police Service was alerted to a hostage situation & shooting @ International Pentcost Holiness Church, Zuurbekom, 30 suspects arrested & seized more than 25 firearms. 5 fatalities are confirmed.