ವಿಷವೆಂದು ದೂರದಿರಿ, ಕಚ್ಚುತ್ತೆಂದು ಹೆದರದಿರಿ: ಹಾವಿಗಿಂದು ಜನ್ಮದಿನ
Recommended Video
ಬೆಂಗಳೂರು, ಜು.16: ಹಾವು ಎಂದ ತಕ್ಷಣನೇ ಮೈಯಲ್ಲಿ ನಡುಕ, ಅದೇನೂ ಕಚ್ಚಬೇಕೆಂದೇನಿಲ್ಲ, ಪಕ್ಕಕ್ಕೆ ಹರಿದಾಡಿದರೂ ಸಾಕು ಮೈಮೇಲೆ ಬಿಟ್ಟುಕೊಂಡಂತೆ ಕಿರುಚಾಡುತ್ತೇವೆ, ಹಾವು ಅನ್ನುವ ಎರಡಕ್ಷರದಲ್ಲಿ ಅದೆಷ್ಟು ಮಹತ್ವವಿದೆ ಎಂದು ಇದರಲ್ಲೇ ತಿಳಿಯುತ್ತದೆ.
ಸರಸರನೆ ಓಡಾಡುವ, ವಿಷ ಕಾರುವ, ಪುಂಗಿ ನಾದಕ್ಕೆ ತಲೆದೂಗುವ ಹಾವುಗಳೆಂದರೆ ಸಾಮಾನ್ಯವಾಗಿ ಎಲ್ಲರಿಗೂ ಭಯ. ಕೆಲವರಿಗೆ ಇದರ ಬಗ್ಗೆ ಭಯದಿಂದ ಕೂಡಿದ ಭಕ್ತಿ. ಇನ್ನು ಕೆಲವರಿಗೆ ಹಾವುಗಳೇ ದೇವರು. ನಮ್ಮ ಭೂಮಂಡಲದ ಅನೇಕ ಸೃಷ್ಟಿಗಳಲ್ಲಿ ಹಾವು ಕೂಡಾ ಒಂದು.
ಜಗದ ಜೀವರಾಶಿಗಳ ಕಾಲಚಕ್ರದಲ್ಲಿ ಕೀಟವನ್ನು ಇಲಿ, ಇಲಿಯನ್ನು ಹಾವು, ಹಾವನ್ನು ಹದ್ದು ಹೀಗೆ ಆಹಾರ ಪದ್ಧತಿಯಲ್ಲಿ ಒಂದನ್ನೊಂದು ಆಶ್ರಯಿಸಿಯೇ ಜೀವರಾಶಿಗಳು ಬದುಕಬೇಕು. ಆಯಾ ಜೀವರಾಶಿಗಳು ಸಸ್ಯಹಾರವೋ ಮಾಂಸಹಾರಿಯೋ, ಪರೋಪಕಾರಿಯೋ ಅಪಾಯಕಾರಿಯೋ ಹೀಗೆ ಒಂದನ್ನೊಂದು ಆಶ್ರಯಿಸಿಯೇ ಬದುಕಬೇಕು.
ಈ ಕಾಲಚಕ್ರದಲ್ಲಿ ಎಲ್ಲ ಜೀವಿಗೂ ಒಂದೊಂದು ಮಹತ್ಚದ ಸ್ಥಾನವಿದೆ. ಈ ಪೈಕಿ ಯಾವುದಾದರೊಂದು ನಶಿಸಿ ಹೋದರೂ, ಮತ್ತೊಂದು ಬದುಕುವುದು ಕಷ್ಟವೇ ಅಂತಹ ಕಾಲ ಚಕ್ರದ ಸುಳಿಯಲ್ಲಿ ಹಾವುಗಳ ಅಸ್ತಿತ್ವವು ಅಷ್ಟೇ ಮುಖ್ಯ, ಭಾರತೀಯ ಸಂಸ್ಕೃತಿಯಲ್ಲಂತೂ ಹಾವಿಗೆ ದೈವಸ್ಥಾನವಿದೆ.
ಈ ಜೀವಿ ಪರಿಸರದ ಸಮತೋಲನ ಕಾಯ್ದುಕೊಳ್ಳುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಇದರ ಅಸ್ತಿತ್ವದಿಂದ ಪರಿಸರಕ್ಕೆ ಅನೇಕ ಪ್ರಯೋಜನಗಳಿವೆ. ಹಾವುಗಳು ಸಾವಿರಾರು ವರ್ಷಗಳಿಂದ ಅಸ್ತಿತ್ವದಲ್ಲಿವೆ. ಮಾನವರ ಉಗಮಕ್ಕಿಂತ ಮುನ್ನ ಹಾವುಗಳೇ ಭೂಮಂಡಲವನ್ನು ಆಳುತ್ತಿದ್ದವು ಎಂದು ಹೇಳಲಾಗುತ್ತದೆ.
ಪುರಾಣಗಳಲ್ಲಿ ಹಾವುಗಳ ಕುರಿತಾದ ಹಲವಾರು ರೋಚಕ ಕಥೆಗಳಿವೆ. ಹಾವುಗಳಿಗೆ ಅತೀಂದ್ರಿಯ ಶಕ್ತಿಗಳಿವೆ, ಅವುಗಳದ್ದೇ ಆದ ಒಂದು ಲೋಕವಿದೆ, ಹಾವಿನ ದ್ವೇಷ ಹನ್ನೆರಡು ವರ್ಷಗಳಿರುತ್ತವೆ ಎಂಬಿತ್ಯಾದಿ ಮಾತುಗಳು ಈ ಜೀವಿಯ ಕುರಿತಾಗಿ ಒಂದು ರೀತಿಯ ಕುತೂಹಲವನ್ನು ಮೂಡಿಸುತ್ತದೆ.
ಲಕ್ಷಾಂತರ ಉಪಜಾತಿಯ ಹಾವುಗಳು, ಜಗತ್ತಿನ ಅನೇಕ ರಾಷ್ಟ್ರಗಳಲ್ಲಿ ಅಪಾಯದ ಅಂಚಿನಲ್ಲಿದೆ, ಹೆಚ್ಚುತ್ತಿರುವ ನಗರೀಕರಣ, ಕಡಿಮೆಯಾಗುತ್ತಿರುವ ಅರಣ್ಯ ಪ್ರದೇಶ ಹಾಗೂ ಮಾನವ ವಸತಿ ಪ್ರದೇಶಗಳು ಕಾಂಕ್ರೀಟೀಕರಣಗೊಳ್ಳುತ್ತಿರುವ ಕಾರಣ ಹಾವುಗಳ ಅಸ್ತಿತ್ವಕ್ಕೆ ಆತಂಕ ಎದುರಾಗಿರುವುದು ಸುಳ್ಳಲ್ಲ, ವಿವಿಧ ಜಾತಿಯ ಹಾವುಗಳು ಇಂದಿಗೂ ನಾವು ಬದುಕುವ ನೆಲದಲ್ಲೇ ಜಾಗೃತವಾಗಿದೆ.
ಹಾವುಗಳದ್ದು ಪರಿಸರದ ಸಮತೋಲನ ಕಾಯ್ದುಕೊಳ್ಳುವಲ್ಲಿ ಪ್ರಮುಖ ಪಾತ್ರ
ಈ ಜೀವಿ ಪರಿಸರದ ಸಮತೋಲನ ಕಾಯ್ದುಕೊಳ್ಳುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಇದರ ಅಸ್ತಿತ್ವದಿಂದ ಪರಿಸರಕ್ಕೆ ಅನೇಕ ಪ್ರಯೋಜನಗಳಿವೆ. ಹಾವುಗಳು ಸಾವಿರಾರು ವರ್ಷಗಳಿಂದ ಅಸ್ತಿತ್ವದಲ್ಲಿವೆ. ಮಾನವರ ಉಗಮಕ್ಕಿಂತ ಮುನ್ನ ಹಾವುಗಳೇ ಭೂಮಂಡಲವನ್ನು ಆಳುತ್ತಿದ್ದವು ಎಂದು ಹೇಳಲಾಗುತ್ತದೆ. ಪುರಾಣಗಳಲ್ಲಿ ಹಾವುಗಳ ಕುರಿತಾದ ಹಲವಾರು ರೋಚಕ ಕಥೆಗಳಿವೆ. ಹಾವುಗಳಿಗೆ ಅತೀಂದ್ರಿಯ ಶಕ್ತಿಗಳಿವೆ, ಅವುಗಳದ್ದೇ ಆದ ಒಂದು ಲೋಕವಿದೆ, ಹಾವಿನ ದ್ವೇಷ ಹನ್ನೆರಡು ವರ್ಷಗಳಿರುತ್ತವೆ ಎಂಬಿತ್ಯಾದಿ ಮಾತುಗಳು ಈ ಜೀವಿಯ ಕುರಿತಾಗಿ ಒಂದು ರೀತಿಯ ಕುತೂಹಲವನ್ನು ಮೂಡಿಸುತ್ತದೆ.
ಹಾವು ಕಚ್ಚಿದರೆ ಮರಣ ಖಚಿತ, ದೂರವಿರಿ ಎನ್ನುವವರೇ ಹೆಚ್ಚು
ಹಾವು ಕಚ್ಚಿದರೆ ಮರಣ ಖಚಿತ ಆದ್ದರಿಂದ ಹಾವುಗಳಿಂದ ದೂರವಿರಿ ಎಂಬ ಮಾತುಗಳಿಂದಾಗಿ ಬಹುತೇಕ ಜನರು ಹಾವುಗಳಿಂದ ದೂರವೇ ಉಳಿಯುತ್ತಾರೆ. ಆದರೆ ಹಾವು ತನಗೆ ತೊಂದರೆ ಉಂಟು ಮಾಡಿದವರಿಗೆ ಮಾತ್ರ ಕಚ್ಚುತ್ತದೆ. ಈ ಜಗತ್ತಿನಲ್ಲಿ ಹಾವನ್ನು ಪ್ರೀತಿಸುವವರೂ ಇದ್ದಾರೆ. ಇವರಿಗೆ ಹಾವಿನ ಆಹಾರ, ಜೀವನ ಕ್ರಮ, ಅದರ ವೈವಿಧ್ಯಗಳ ಬಗ್ಗೆ ತಿಳಿದುಕೊಳ್ಳಲು ಇನ್ನಿಲ್ಲದ ಆಸಕ್ತಿ. ವಿಶ್ವದ ಎಲ್ಲೆಡೆ ಸುತ್ತಾಡಿ ಇವರು ಹಾವಿನ ಕುರಿತಾದ ಹೊಸ ಹೊಸ ಮಾಹಿತಿಗಳನ್ನು ಕಲೆ ಹಾಕುತ್ತಾರೆ. ಇಂತಹ ಹಾವು ಪ್ರಿಯರೇ ಈ ಜೀವಿಗೊಂದು ವಿಶೇಷವಾದ ದಿನವನ್ನು ಗೊತ್ತು ಮಾಡಿದ್ದಾರೆ.
ಅಮೇರಿಕಾದಲ್ಲಿ ಮೊದಲು ಹಾವುಗಳ ದಿನ ಆಚರಣೆ
ಅಮೇರಿಕಾದಲ್ಲಿ 1967ನೇ ಇಸವಿಯಲ್ಲಿ ಸ್ನೇಕ್ ಫಾರ್ಮ್ ಎಂಬ ಸಂಸ್ಥೆ ಇಂಥದ್ದೊಂದು ದಿನಾಚರಣೆಯನ್ನು ಮೊದಲ ಬಾರಿಗೆ ಆಚರಿಸಿತು, ಈಗ ವಿಶ್ವದೆಲ್ಲೆಡೆ ವಿಶ್ವ ಹಾವುಗಳ ದಿನವನ್ನು ಆಚರಿಸಲಾಗುತ್ತದೆ. ಆ ದಿನವೇ ಜುಲೈ 16. ಈ ದಿನವನ್ನು ವರ್ಲ್ಡ್ ಸ್ನೇಕ್ ಡೇ ಎಂದು ಎಲ್ಲಾ ಕಡೆಗಳಲ್ಲಿ ಆಚರಿಸಲಾಗುತ್ತದೆ.
ಮನುಷ್ಯ ಸಾಮಿಪ್ಯ ಬಯಸದೆ ಕಣ್ಣು ತಪ್ಪಿಸಿ ಬದುಕುವ ಹಾವುಗಳು
ವಿಶ್ವ ಹಾವುಗಳ ದಿನ. ಪರಿಸರಕ್ಕೆ ತಮ್ಮದೇ ಆದ ಕೊಡುಗೆ ನೀಡುವ ಹಾವುಗಳು, ಯಾವತ್ತೂ ಮನುಷ್ಯನ ಸಾಮಿಪ್ಯ ಬಯಸದ ಮತ್ತು ಕಣ್ಣು ತಪ್ಪಿಸಿ ಬದುಕುವ ಪರಿಸರ ಸ್ನೇಹಿ ಜೀವಿಗಳು. ಜೀವಿ ಸಂಕುಲದ ಆಹಾರ ಸರಪಳಿಯ ಒಂದು ವಿಶಿಷ್ಟ ಮತ್ತು ಗಟ್ಟಿಮುಟ್ಟಾದ ಸೂಕ್ಷ್ಮ ಕೊಂಡಿ ಹಾವುಗಳು.
Click it and Unblock the Notifications
Sign in with Google