ಫಿಲಿಪ್ಪೀನ್ಸ್ ನಲ್ಲಿ ಭೂಕುಸಿತಕ್ಕೆ 180ಕ್ಕೂ ಹೆಚ್ಚು ಬಲಿ

ಮನಿಲಾ, ಡಿಸೆಂಬರ್ 24: ಫಿಲಿಪ್ಪೀನ್ಸ್ ನಲ್ಲಿ ನಡೆದ ಭೀಕರ ಭೂ ಕುಸಿತಕ್ಕೆ 180ಕ್ಕೂ ಹೆಚ್ಚು ಜನ ಸಾವನ್ನಪ್ಪಿದ್ದಾರೆ. ದಕ್ಷಿಣ ಫಿಲಿಪ್ಪೀನ್ಸ್ ನ ಮಿಂಡಾನಾವೋ ದ್ವೀಪದಲ್ಲಿ ಚಂಡ ಮಾರುತದಿಂದ ಫ್ಲಾಶ್ ಫ್ಲಡ್ ಮತ್ತು ಭೂ ಕುಸಿತ ಉಂಟಾಗಿದ್ದು ಹಲವಾರು ಜನರು ನಾಪತ್ತೆಯಾಗಿದ್ದಾರೆ.

ಕ್ರಿಸ್ ಮಸ್ ಗೂ ಕೆಲವೇ ದಿನ ಮೊದಲು ಈ ಘಟನೆ ನಡೆದಿದ್ದು ಫಿಲಿಪ್ಪೀನ್ಸ್ ಜನರನ್ನು ದುಃಖಕ್ಕೆ ತಳ್ಳಿದೆ. ಈ ಘಟನೆ ನಮ್ಮ ನಿಯಂತ್ರಣ ಮೀರಿದೆ ಎಂದು ಸ್ಥಳೀಯ ಅಧಿಕಾರಿ ಹೇಳಿದ್ದಾರೆ. ಎಲ್ಲಾ ಸಂಪರ್ಕ ವ್ಯವಸ್ಥೆ ನೆಲಸಮವಾಗಿದ್ದು ಪರಿಹಾರ ಕಾರ್ಯಾಚರಣೆ ಭರದಿಂದ ಸಾಗಿದೆ.

ಇಲ್ಲಿನ ಸುಲು ಸಮುದ್ರದ ಮೇಲೆ ಚಂಡ ಮಾರುತ ಸೃಷ್ಟಿಯಾಗಿದ್ದು ದೇಶದಲ್ಲಿ ನರಕ ಯಾತನೆ ಸೃಷ್ಟಿಸಿದೆ. ತುರ್ತು ಕಾರ್ಯಾಚರಣೆ ಪಡೆ, ಸೈನಿಕರು, ಪೊಲೀಸರು ಮತ್ತು ಸ್ವಯಂ ಸೇವಕರು ರಕ್ಷಣಾ ಕಾರ್ಯಾಚರಣೆಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಮಣ್ಣಿನಡಿಯಲ್ಲಿ ಸಿಲುಕಿರುವವರಿಗಾಗಿ ಹುಡುಕಾಡುತ್ತಿದ್ದಾರೆ.

ಕುಸಿದಿರುವ ಮಣ್ಣನ್ನು ತೆರವು ಮಾಡಬೇಕಾಗಿದ್ದು ಸಂವಹನ ಮತ್ತು ಸಂಪರ್ಕ ವ್ಯವಸ್ಥೆಯನ್ನು ಮರು ಸ್ಥಾಪಿಸಬೇಕಾಗಿದೆ.

English summary

Over 180 people have been killed and scores of others have been missing in southern Philippines after Tropical Storm Tembin triggered mud slides and flash floods on the country's second largest island, Mindanao.