ಒಂದು ಕಾಫಿ, ಒಂದು ಟೀ ಗೆ 78,650 ಬಿಲ್ ನೀಡಿದ ಹೋಟೆಲ್!
ಬಾಲಿ, ಸೆಪ್ಟೆಂಬರ್ 04: ಕೆಲವು ದಿನಗಳ ಹಿಂದಷ್ಟೆ ಚಂಡೀಘಡದ ಐಶಾರಾಮಿ ಹೊಟೆಲ್ ಒಂದು ಎರಡು ಬಾಳೆಹಣ್ಣಿಗೆ 442 ರೂಪಾಯಿ ಬಿಲ್ ಹಾಕಿತ್ತು. ಮುಂಬೈನ ಹೊಟೆಲ್ ಒಂದು ಎರಡು ಬೇಯಿಸಿದ ಮೊಟ್ಟೆಗೆ 1700 ರೂಪಾಯಿ ಬಿಲ್ ಹಾಕಿದ್ದರು.
ಆದರೆ ಈಗ ಒಂದು ಕಾಫಿ ಮತ್ತು ಟೀ ಗೆ 78,650 ಬಿಲ್ ಹಾಕಿದ್ದಾರೆ. ಆದರೆ ಈ ಬಾರಿ ಬಿಲ್ ಪಾವತಿಸಿರುವ ಸೆಲೆಬ್ರಿಟಿಯು ಈ ಬಗ್ಗೆ ತಾವು ದೂರು ನೀಡುವುದಿಲ್ಲ ಎಂದು ಹೇಳಿದ್ದಾರೆ.
ಹೌದು, ಕಾಮಿಡಿಯನ್ ಕಿಕು ಶಾರ್ದಾ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಪೋಸ್ಟ್ ಒಂದನ್ನು ಹಾಕಿದ್ದು, ಒಂದು ಕಾಫಿ ಮತ್ತು ಒಂದು ಟೀಗೆ ಬರೋಬ್ಬರಿ 78,650 ಬಿಲ್ ಹಾಕಿದ್ದಾರೆ. ಆದರೆ ಈ ಬಗ್ಗೆ ನಾನು ದೂರು ನೀಡುವುದಿಲ್ಲ ಎಂದು ಬರೆದುಕೊಂಡಿದ್ದಾರೆ. ಜೊತೆಗೆ ಬಿಲ್ನ ಚಿತ್ರವನ್ನೂ ಹಾಕಿದ್ದಾರೆ.
ನಿಜ ಸಂಗತಿ ಏನೆಂದರೆ, ಕಿಕು ಶಾರ್ದಾ ಹಾಕಿರುವ ಬಿಲ್ ಇಂಡೊನೇಷ್ಯಾದ ಬಾಲಿಯ ಹೊಟೆಲ್ ಒಂದರದ್ದು. ಅಲ್ಲಿನ ಹೊಟೆಲ್ನಲ್ಲಿ ಅವರಿಗೆ ಒಂದು ಕೆಫೆಚೀನೊ ಕಾಫಿಗೆ 35,000 ಬಿಲ್ ಹಾಕಿದ್ದರೆ, ಒಂದು ಬಿಸಿ ಚಹಕ್ಕೆ 30,000 ಬಿಲ್ ಹಾಕಿದ್ದಾರೆ. ಸೇವಾ ತೆರಿಗೆ 13,650 ಹಾಕಿದ್ದಾರೆ.
ವಿಷಯವೆಂದರೆ ಅಷ್ಟು ದೊಡ್ಡ ಬಿಲ್ ಪಾವತಿಸಿದರೂ ತಾವು ದೂರು ನೀಡುವುದಿಲ್ಲವೆಂದು ಕಿಕು ಶಾರ್ದಾ ಹೇಳಿರುವುದಕ್ಕೆ ಕಾರಣ, ಇಂಡೋನೇಷ್ಯಾದ 78,650 ರುಪಯ್ಯಾ ಭಾರತದ 400 ರೂಪಾಯಿಗಳಿಗೆ ಸಮ. ಹಾಗಾಗಿ ಕಿಕು ಶಾರ್ದಾ ಆರಾಮವಾಗಿ ಬಿಲ್ ಕೊಟ್ಟು ಬಂದಿದ್ದಾರೆ.
My bill for 1 cappuccino and 1 tea is 78,650/- ,,,,,,, but I am not complaining 😜 as I am in Bali , Indonesia and this amount in their currency converts to ₹ 400/- in Indian currency #mehengaayee pic.twitter.com/rB6U6YgVnN
— kiku sharda (@kikusharda) September 3, 2019
ಇಂಡೊನೇಷ್ಯಾದಲ್ಲಿ ರುಪಯಾ ಎಂಬ ಹಣ ಚಾಲ್ತಿಯಲ್ಲಿದೆ. ಇದು ಭಾರತದ ರೂಪಾಯಿಗಿಂತಲೂ ಬಹಳ ಕಡಿಮೆ ಮೌಲ್ಯದ್ದಾಗಿದೆ. ಹಾಗಾಗಿಯೇ 78,650 ಬಿಲ್ ಆಗಿದ್ದರೂ ಸಹ ಅದನ್ನು ಭಾರತದ ರೂಪಾಯಿಯಲ್ಲಿ ಬದಲಾಯಿಸಿದರೆ ಕೇವಲ 400 ರೂಪಾಯಿ ಮಾತ್ರವೇ ಆಗುತ್ತದೆ.
Click it and Unblock the Notifications
Sign in with Google