ಮತ್ತೆ ಭಾರಿ ಪ್ರವಾಹಕ್ಕೆ ಸಿಲುಕಿದ ಬ್ರೆಜಿಲ್, ಐದು ಮಂದಿ ದುರ್ಮರಣ
ಬ್ರೆಜಿಲ್ನ ಪ್ರವಾಸಿ ಪಟ್ಟಣವಾದ ಪೆಟ್ರೋಪೊಲಿಸ್ನಲ್ಲಿ ಧಾರಾಕಾರ ಮಳೆಯಿಂದ ಉಂಟಾದ ಹೊಸ ಪ್ರವಾಹವು ಕನಿಷ್ಠ ಐದು ಜನ ಮೃತಪಟ್ಟಿದ್ದಾರೆ. ಇದೇ ರೀತಿಯ ದುರಂತದಲ್ಲಿ ಕಳೆದ ತಿಂಗಳು 233 ಮಂದಿ ಸಾವನ್ನಪ್ಪಿದ್ದರು.
ಬ್ರೆಜಿಲ್ನ ಪೆಟ್ರೋಪೊಲಿಸ್ನಲ್ಲಿ ಧಾರಾಕಾರ ಮಳೆಯಿಂದ ಪ್ರವಾಹ ಪರಿಸ್ಥಿತಿ ಉಂಟಾಗಿದೆ. ಭೀಕರ ಪ್ರವಾಹಕ್ಕೆ ಕನಿಷ್ಠ ಐದು ಜನರು ಬಲಿಯಾಗಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.ಜೊತೆಗೆ ಭಾನುವಾರದಿಂದ ಇನ್ನೂ ನಾಲ್ವರು ನಾಪತ್ತೆಯಾಗಿದ್ದಾರೆ ಎಂದು ವರದಿಯಾಗಿದೆ.
ಪ್ರವಾಸಿ ಪಟ್ಟಣದಲ್ಲಿ ಭಾನುವಾರ ಕೆಲವೇ ಗಂಟೆಗಳಲ್ಲಿ ಒಂದು ತಿಂಗಳ ಮೌಲ್ಯದ ಮಳೆ ಸುರಿದಿದೆ ಎಂದು ತುರ್ತುಪರಿಸ್ಥಿತಿ ನಿರ್ವಹಣಾ ಅಧಿಕಾರಿಗಳು ತಿಳಿಸಿದ್ದಾರೆ.
ಪ್ರವಾಹವು ಸುಮಾರು 100 ಮನೆಗಳಿಗೆ ಹಾನಿಯನ್ನುಂಟು ಮಾಡಿದೆ. ಹೆಚ್ಚಾಗಿ ಭೂಕುಸಿತದಿಂದಾಗಿ ಹಾನಿಯಾಗಿದ್ದು, ಹಾನಿ ಪ್ರಮಾಣ ಇನ್ನೂ ಸರಿಯಾಗಿ ತಿಳಿದು ಬಂದಿಲ್ಲ. ಒಂದು ತಿಂಗಳ ಹಿಂದೆ ಇದೇ ರೀತಿ ಭಾರಿ ಪ್ರವಾಹ, ಭೂ ಕುಸಿತ, ಗಾಳಿ ಮಳೆಗೆ ಅಪಾರ ಜೀವಹಾನಿಯಾಗಿತ್ತು.
ಪೆಟ್ರೋಪೊಲಿಸ್ನ ಪರಿಸ್ಥಿತಿ ಏನು?
ಕಳೆದ ತಿಂಗಳ ಪ್ರವಾಹ ಮತ್ತು ಭೂಕುಸಿತದ ಮೃತಪಟ್ಟವರ ಸ್ಮರಣಾರ್ಥವಾಗಿ ನಿರ್ಮಿಸಲಾದ ಶಿಲುಬೆಗಳ ಸರಣಿಯನ್ನು ಒಳಗೊಂಡಂತೆ ಎಲ್ಲವೂ ಧಾರಾಕಾರ ಮಳೆಗೆ ಕೊಚ್ಚಿಕೊಂಡು ಹೋಗುತ್ತಿವೆ. ಬೀದಿಗಳಲ್ಲಿ ನದಿಗಳಂತೆ ನೀರು ಅಡೆ ತಡೆ ಇಲ್ಲದೆ ಹರಿಯುತ್ತಿರುವ ದೃಶ್ಯಗಳನ್ನು ಸ್ಥಳೀಯರು ಹಂಚಿಕೊಂಡಿದ್ದಾರೆ. ಪ್ರವಾಹದ ವಿಡಿಯೋಗಳು ಸಾಮಾಜಿಕ ಜಾಲ ತಾಣಗಳಲ್ಲಿ ವೈರಲ್ ಆಗುತ್ತಿವೆ.
"ತುರ್ತು ಸೇವೆಗಳು ಇಲ್ಲಿಯವರೆಗೆ ಭೂಕುಸಿತಕ್ಕಾಗಿ 50 ಕ್ಕೂ ಹೆಚ್ಚು ಕರೆಗಳಿಗೆ ಸ್ಪಂದಿಸಿವೆ ಮತ್ತು ಪ್ರವಾಹದಲ್ಲಿ ಸಿಕ್ಕಿಬಿದ್ದ ವ್ಯಕ್ತಿಗಳಿಗೆ ರಕ್ಷಣೆ ನೀಡಿವೆ" ಎಂದು ಅಧಿಕಾರಿಗಳು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
28 ಜನರನ್ನು ರಕ್ಷಿಸಲಾಗಿದೆ ಮತ್ತು 500 ಕ್ಕೂ ಹೆಚ್ಚು ಜನರಿಗೆ ವಸತಿ ಕಲ್ಪಿಸಲು 20 ತುರ್ತು ಶೆಲ್ಟರ್ಗಳನ್ನು ಸ್ಥಾಪಿಸಲಾಗಿದೆ ಎಂದು ಅಧಿಕಾರಿಗಳು ಹೇಳಿದರು.
ಫೆಬ್ರವರಿ ದುರಂತದ ನಂತರ, ಶಾಲೆಗಳು, ಚರ್ಚ್ಗಳು ಮತ್ತು ಜಿಮ್ನಾಷಿಯಂಗಳು ಸೇರಿದಂತೆ ರಿಯೊದ ಸುತ್ತಮುತ್ತಲಿನ 13 ಸ್ಥಳಗಳು ನಿರಾಶ್ರಿತರಾದ ಸುಮಾರು 650 ಜನರಿಗೆ ಆಶ್ರಯ ನೀಡುತ್ತಿವೆ. ಮತ್ತು ಕೆಸರಿನಲ್ಲಿ ತಮ್ಮ ವಸ್ತುಗಳನ್ನು ಕಳೆದುಕೊಂಡರು.
ಮಾರಣಾಂತಿಕ ಭೂಕುಸಿತಕ್ಕೆ ಒಳಗಾಗುವ ಪೆಟ್ರೋಪೊಲಿಸ್ನಲ್ಲಿ ಸೋಮವಾರದಂದು ಹೆಚ್ಚು ಮಳೆ, ಕಡಿಮೆ ತೀವ್ರವಾಗಿದ್ದರೂ, ವಿಶೇಷವಾಗಿ ಪರ್ವತಗಳ ತಪ್ಪಲಿನಲ್ಲಿರುವ ಪಟ್ಟಣಗಳಲ್ಲಿ ನೆಲೆಸಿರುವವರಿಗೆ ಸ್ಥಳಾಂತರಕ್ಕೆ ಮುನ್ಸೂಚನೆ ನೀಡಲಾಗಿದೆ.
ಇತ್ತೀಚಿನ ತಿಂಗಳುಗಳಲ್ಲಿ, ಬ್ರೆಜಿಲ್ ಮಾರಣಾಂತಿಕ ಚಂಡಮಾರುತಗಳ ಸರಣಿಯಿಂದ ಮುಳುಗಿದೆ, ಇದು ಹವಾಮಾನ ಬದಲಾವಣೆಯಿಂದ ಹದಗೆಡುತ್ತಿದೆ ಎಂದು ತಜ್ಞರು ಹೇಳುತ್ತಾರೆ. (AP, AFP)
Click it and Unblock the Notifications
Sign in with Google