ವೈರಲ್ ವಿಡಿಯೋ : ಮುಗ್ಧ ಮಗುವಿನ ಮಾನವೀಯತೆ

ಪ್ರಕೃತಿಯ ಅನಂತ ಶಕ್ತಿಯೆದುರು ಮನುಷ್ಯ ತೃಣಸಮಾನ ಎಂಬುದಕ್ಕೆ ಉದಾಹರಣೆಯಾಗಿ ಜಗತ್ತಿನಲ್ಲಿ ಹಲವು ನೈಸರ್ಗಿಕ ವಿಕೋಪಗಳು ನಡೆದಿವೆ. ನ.12 ರಂದು ಇರಾನ್, ಇರಾಕ್ ಕಡಿಯಲ್ಲಿ ನಡೆದ ಭೂಕಂಪವೂ ಅದಕ್ಕೊಂದು ತಾಜಾ ನಿದರ್ಶನ. 540 ಕ್ಕೂ ಹೆಚ್ಚು ಜನರನ್ನು ಬಲಿತೆಗೆದುಕೊಂಡ ಈ ಭೀಕರ, ಹೃದಯವಿದ್ರಾವಕ ಭೂಕಂಪದಲ್ಲಿ ಬಂಧುಗಳನ್ನು ಕಳೆದುಕೊಂಡ ಅನಾಥರೆಷ್ಟೋ, ಮನೆ ಕಳೆದುಕೊಂಡ ನಿರಾಶ್ರಿತರೆಷ್ಟೋ!

ಎಲ್ಲೆಲ್ಲೂ ಹೆಣಗಳು, ಮಕಾಡೆ ಮಲಗಿದ ಕಟ್ಟಡಗಳು, ಮಣ್ಣಿನ ರಾಶಿ, ಬಿಕ್ಕುತ್ತಿರುವ ಜನರು... ಈ ಎಲ್ಲದರ ನಡುವಲ್ಲಿ ಮಾನವೀಯತೆಯ ಇರುವನ್ನು ಸಾಬೀತುಪಡಿಸುವ ಪುಟ್ಟ ದೃಶ್ಯವೊಂದದು ಆ ಸ್ಮಶಾನಸದೃಶ ಭೂಮಿಯಲ್ಲೂ ಒಂದು ಭರವಸೆಯನ್ನು ಮೂಡಿಸಿತು!

The little boy, in an earthquake hit area, brings his friend saying "you didn't give her food."
via @Frau_Fledermaus #IranEarthquake pic.twitter.com/XjAgz8GGeM

— Sadegh Ghorbani (@GhorbaniSadegh) November 15, 2017

ಪುಟ್ಟ ಕಂದನೊಬ್ಬ ತನ್ನಷ್ಟೇ ಪುಟ್ಟ ಮಗುವೊಂದನ್ನು ಕೈಹಿಡಿದು ಕರೆತಂದು, ಸಂತ್ರಸ್ತರಿಗೆ ಆಹಾರ ಹಂಚುತ್ತಿರುವ ಸಂಘಟನೆಯ ವ್ಯಕ್ತಿಯೊಬ್ಬರ ಬಳಿಬಂದು, 'ನೀವು ನನ್ನ ಸ್ನೇಹಿತೆಗೆ ಊಟವನ್ನೇ ಕೊಟ್ಟಿಲ್ಲ' ಎಂದು ಮುಗ್ಧವಾಗಿ ಹೇಳುತ್ತಿರುವ ದೃಶ್ಯ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಸ್ವತಃ ತಾನೂ ಉಪವಾಸವಿದ್ದರೂ ತನ್ನಂತೆ ಉಪವಾಸವಿರುವ ಮತ್ತೊಂದುದ ಮಗುವಿಗೆ ಆಹಾರ ನೀಡುವಂತೆ ಕೇಳುವ ಆ ಪುಟ್ಟ ಕಂದ ಬಹುಶಃ ಎಲ್ಲರಿಗಿಂತ ಪ್ರಬುದ್ಧ! ತನ್ನ ಸ್ನೇಹಿತೆಗೆ ಆಹಾರ ಸಿಕ್ಕುತ್ತಿದ್ದಂತೆಯೇ ಸಂಭ್ರಮಿಸುವ ಆತನ ಕಣ್ಣುಗಳನ್ನು ಕಂಡರೆ ಅವ್ಯಕ್ತ ಭಾವವೊಂದು ಮನಸ್ಸನ್ನು ಸುತ್ತುತ್ತದೆ. ಸಾದೇಘ್ ಘೋರ್ಬಾನಿ ಎಂಬುವವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಾಕಿರುವ ಈ ವಿಡಿಯೋವನ್ನು 45 ಸಾವಿರಕ್ಕೂ ಹೆಚ್ಚು ಜನ ರಿಟ್ವೀಟ್ ಮಾಡಿದ್ದಾರೆ.

English summary

Video of a little boy, who was asking food to his friend becomes viral in twitter now. The boy was rescued in an earthquake, which occured on Nov 12th in Iran and Iraq border. 7.3 magnitude earthquake kills more than 540 people.