ಅಪರೂಪದ ಕಪ್ಪುರಂಧ್ರ ಪತ್ತೆ ಮಾಡಿದ ಅಮೆರಿಕದ ವಿಜ್ಞಾನಿ

Updated: Saturday, January 9, 2016, 11:49 [IST]

ವಾಷಿಂಗ್ ಟನ್, ಜನವರಿ, 09: ಭೌತ ವಿಜ್ಞಾನಿಗಳು ಹೊಸದೊಂದು ಸಂಶೋಧನೆಯನ್ನು ಮುಂದಿಟ್ಟಿದ್ದಾರೆ. ಅಪರೂಪ ಎಂಬುವುದರಲ್ಲಿ ಅಪರೂಪವಾದ ಕಪ್ಪು ರಂಧ್ರದ ಬಗೆಗಿನ ಅಗಾಧ ಮಾಹಿತಿಯನ್ನು ತೆರೆದಿರಿಸಿದ್ದಾರೆ.

ಇಲ್ಲಿಯವೆರೆಗೆ ಎರಡು ಕಪ್ಪು ರಂಧ್ರಗಳನ್ನು ಹೊಂದಿದ್ದ 12 ಗೆಲಾಕ್ಸಿಗಳನ್ನು ಪತ್ತೆ ಮಾಡಲಾಗಿತ್ತು. ಆದರೆ ಇದೀಗ ಕೊಲೊರೆಡೊ ವಿಶ್ವವಿದ್ಯಾಲಯದ ವಿಜ್ಞಾನಿ ಜೂಲಿ ಕಾಮ್ ಫಾರ್ಡ್ ಮುಂದಿಟ್ಟಿರುವ ಸಂಶೋಧನೆ ಹೊಸ ಕುತೂಹಲಕ್ಕೆ ಕಾರಣವಾಗಿದೆ.[ರಷ್ಯಾ ಮಂಗಗಳು ಮಂಗಳನ ಮೇಲೆ ಸಂಸಾರ ಮಾಡಲಿವೆ]

ಅಮೆರಿಕದ ಹಿರಿಯ ಭೌತ ವಿಜ್ಞಾನಿಗಳ ಸಭೆಯಲ್ಲಿ ಕೊಲೊರೆಡೊ ವಿಶ್ವವಿದ್ಯಾಲಯದ ಜೂಲಿ ಕಾಮ್ ಫಾರ್ಡ್ ತನ್ನ ವರದಿ ಮುಂದಿಟ್ಟಿದ್ದಾರೆ. ಗೆಲಾಕ್ಸಿಯೊಂದು ಎರಡು ಕಪ್ಪು ರಂಧ್ರಗಳನ್ನು ಹೊಂದಿದೆ ಎಂಬುದನ್ನು ತಿಳಿಸಿದ್ದಾರೆ.

ಈಗ ಕಂಡುಬಂದಿರುವ ಕಪ್ಪು ರಂಧ್ರಗಳು ಸುಮಾರು 1 ಬಿಲಿಯನ್ ಜ್ಯೋತಿರ್ ವರ್ಷ್ ಹಳೆಯವು ಎಂದು ಹೇಳಿದ್ದಾರೆ. ಸಾಮಾನ್ಯವಾಗಿ ಕಪ್ಪು ರಂಧ್ರಗಳು 1 ಮಿಲಿಯನ್ ನಿಂದ 1 ಬಿಲಿಯನ್ ಆಯಸ್ಸು ಹೊಂದಿರುತ್ತವೆ. ಆದರ ಈ ಕಪ್ಪು ರಂಧ್ರದ ಆಯಸ್ಸು ಆಶ್ಚರ್ಯ ಮೂಡಿಸಿದೆ ಎಂದು ಹೇಳಿದ್ದಾರೆ.[ಬಾಹ್ಯಾಕಾಶದಿಂದ ಕಂಡ ಭಾರತ-ಪಾಕಿಸ್ತಾನ ಗಡಿಭಾಗ]

2003 ರಲ್ಲಿ ಮೊಟ್ಟ ಮೊದಲ ಬಾರಿಗೆ ಎರಡು ಕಪ್ಪು ರಂಧ್ರಗಳಿರುವ ಗೆಲಾಕ್ಸಿಯನ್ನು ಪತ್ತೆ ಮಾಡಲಾಗಿತ್ತು. ಕೊಲೊರೆಡೊ ವಿಶ್ವವಿದ್ಯಾಲಯದ ವಿಜ್ಞಾನಿ ಜೂಲಿ ಕಾಮ್ ಫಾರ್ಡ್ ' ನಾನು ಈ ಬಗ್ಗೆ ಎಲ್ಲ ಮಾಹಿತಿಯನ್ನು ಪ್ರಪಂಚದ ಮುಂದೆ ಇಡುತ್ತಿದ್ದೇನೆ. ಹೊಸ ಕಪ್ಪು ರಂಧ್ರಕ್ಕೆ SDSS J1126+2944. ಎಂದು ಹೆಸರಿಡಲಾಗಿದೆ ಎಂದು ಹೇಳಿದ್ದಾರೆ.(ಚಿತ್ರಗಳು: ಪಿಟಿಐ)