ರಷ್ಯಾದ ಸಖಾಲಿನ್ ದ್ವೀಪದಲ್ಲಿ ಅಪಾರ್ಟ್ಮೆಂಟ್ ಕುಸಿತ: 9 ಸಾವು, ಒಬ್ಬರು ನಾಪತ್ತೆ
ರಷ್ಯಾದ ಪೆಸಿಫಿಕ್ ದ್ವೀಪವಾದ ಸಖಾಲಿನ್ನಲ್ಲಿ ಭಾಗಶಃ ಕುಸಿದ ಐದು ಅಂತಸ್ತಿನ ಅಪಾರ್ಟ್ಮೆಂಟ್ ಬ್ಲಾಕ್ನ ಅವಶೇಷಗಳಲ್ಲಿ ಸಿಲುಕಿ ಒಂಬತ್ತು ಜನರು ಸಾವನ್ನಪ್ಪಿರುವುದು ವರದಿಯಾಗಿದೆ. ಪ್ರಾದೇಶಿಕ ಗವರ್ನರ್ ರಷ್ಯಾದ ಸಖಾಲಿನ್ ದ್ವೀಪದಲ್ಲಿ ಅಪಾರ್ಟ್ಮೆಂಟ್ ಬ್ಲಾಕ್ ಕುಸಿದು 9 ಜನ ಸಾವನ್ನಪ್ಪಿದ್ದು, ಓರ್ವ ನಾಪತ್ತೆಯಾಗಿದ್ದಾರೆ ಎಂದು ಶನಿವಾರ ಹೇಳಿದ್ದಾರೆ. ಒಂಬತ್ತು ಜನರ ಶವ ಪತ್ತೆ ಮಾಡಲಾಗಿದ್ದು ತುರ್ತು ಸೇವಾ ಅಧಿಕಾಋಇಗಳು ಇನ್ನೂ ಒಬ್ಬರಿಗಾಗಿ ಹುಡುಕಾಟ ಮುಂದುವರೆಸಿದ್ದಾರೆ ಎಂದು ಇಂಡಿಯಾ ಟುಡೆ ವರದಿ ಮಾಡಿದೆ.
A residential house collapsed on #Sakhalin. According to preliminary information, seven people died.
— NEXTA (@nexta_tv) November 19, 2022
The probable cause of the accident was a domestic gas explosion. pic.twitter.com/KxihG4jMdY
ಅನಿಲ ಸ್ಫೋಟದಿಂದ ಈ ಕುಸಿತ ಸಂಭವಿಸಿದೆ ಎಂದು ರಷ್ಯಾದ ಸುದ್ದಿ ಸಂಸ್ಥೆಗಳು ತಿಳಿಸಿವೆ. ಅಡುಗೆ ಒಲೆಗೆ ಜೋಡಿಸಲಾದ 20-ಲೀಟರ್ ಗ್ಯಾಸ್ ಸಿಲಿಂಡರ್ ಸ್ಫೋಟಗೊಂಡಿದೆ ಎಂದು ತುರ್ತು ಸೇವೆಗಳ ಮೂಲಗಳು ತಿಳಿಸಿವೆ. ರಷ್ಯಾದ ತನಿಖಾ ಸಮಿತಿಯು ದುರಂತದ ಕಾರಣವನ್ನು ತನಿಖೆ ಮಾಡುತ್ತಿದೆ ಎಂದು ತಿಳಿದುಬಂದಿದೆ.