ಟ್ರಂಪ್ರನ್ನು ಗೆಲ್ಲಿಸಿದ 'ಅಬ್ ಕಿ ಬಾರ್ ಟ್ರಂಪ್ ಸರ್ಕಾರ್'!
ಅಮೆರಿಕದಲ್ಲಿರುವ ಭಾರತೀಯರನ್ನು ಗುರಿಯಾಗಿಟ್ಟುಕೊಂಡು ಈ ಜಾಹೀರಾತನ್ನು ಆಡ್ಮಾರ್ಕ್ ಕಮ್ಯೂನಿಕೇಷನ್ಸ್ ರೂಪಿಸಿತ್ತು. ಹಿಂದಿಯಲ್ಲಿ 30 ಮತ್ತು 60 ಸೆಕೆಂಡುಗಳ ಜಾಹೀರಾತನ್ನು ಡೊನಾಲ್ಡ್ ಟ್ರಂಪ್ ಪ್ರಚಾರಕ್ಕಾಗಿ ಶ್ಯಾಮಲ್ ಮೋದಿ ರೂಪಿಸಿದ್ದರು.
ಭಾರತದಲ್ಲಿ 2013ರಲ್ಲಿ ನಡೆದ ಲೋಕಸಭಾ ಚುನಾವಣೆಯಲ್ಲಿ 'ಅಬ್ ಕಿ ಬಾರ್ ಮೋದಿ ಸರ್ಕಾರ್' ಪ್ರಚಾರ ಭಾರೀ ಸದ್ದು ಮಾಡಿತ್ತು. ಮೋದಿ ಇತಿಹಾಸ ಸೃಷ್ಟಿಸಿದರು. ಅಮೆರಿಕದಲ್ಲಿ ಕೂಡ 'ಅಬ್ ಕಿ ಬಾರ್ ಟ್ರಂಪ್ ಸರ್ಕಾರ್' ಎಂಬ ಪ್ರಚಾರ ಕೂಡ ಭಾರೀ ಸುದ್ದಿ ಮಾಡಿದೆ. ಡೊನಾಲ್ಡ್ ಟ್ರಂಪ್ ಕೂಡ ಇತಿಹಾಸ ಸೃಷ್ಟಿಸಿದ್ದಾರೆ.
ಈ ಪ್ರಚಾರದ ಹಿಂದಿರುವುದೂ ಭಾರತೀಯ ಮೂಲದ ಜಾಹೀರಾತು ಸಂಸ್ಥೆಯೇ. ದಕ್ಷಿಣ ಏಷ್ಯಾದಲ್ಲಿ ವೇಗವಾಗಿ ಬೆಳೆಯುತ್ತಿರುವ ಆಡ್ಮಾರ್ಕ್ ಕಮ್ಯೂನಿಕೇಷನ್ಸ್ 'ಅಬ್ ಕಿ ಬಾರ್ ಟ್ರಂಪ್ ಸರ್ಕಾರ್' ಅಂದ್ರೆ ಈ ಬಾರಿ ಟ್ರಂಪ್ ಸರಕಾರ ಎಂಬ ಜಾಹೀರಾತಿನೊಂದಿಗೆ ಟ್ರಂಪ್ ಗೆಲುವಿಗೆ ಕೆಲಸ ಮಾಡಿರುವ ಸಂಸ್ಥೆ.
ಅಮೆರಿಕದಲ್ಲಿರುವ ಭಾರತೀಯರನ್ನು ಗುರಿಯಾಗಿಟ್ಟುಕೊಂಡು ಈ ವಿಶಿಷ್ಟವಾದ ಜಾಹೀರಾತನ್ನು ಆಡ್ಮಾರ್ಕ್ ಕಮ್ಯೂನಿಕೇಷನ್ಸ್ ರೂಪಿಸಿತ್ತು. ಸಂಸ್ಥೆಯ ಅಧ್ಯಕ್ಷ ಶ್ಯಾಮಲ್ ಮೋದಿ ಮತ್ತು ರಿಪಬ್ಲಿಕನ್ ಹಿಂದೂ ಮೈತ್ರಿಕೂಟ ಸೇರಿಕೊಂಡು ಹಿಂದಿಯಲ್ಲಿ 30 ಮತ್ತು 60 ಸೆಕೆಂಡುಗಳ ಎರಡು ಜಾಹೀರಾತನ್ನು ಟ್ರಂಪ್ ಪ್ರಚಾರಕ್ಕಾಗಿ ರೂಪಿಸಿದ್ದರು.
ಅಮೆರಿಕದಲ್ಲಿರುವ ಭಾರತೀಯರ ಮತಗಳನ್ನು ಸೆಳೆಯಲು ಅಮೆರಿಕದ ಅಧ್ಯಕ್ಷೀಯ ಅಭ್ಯರ್ಥಿಯೊಬ್ಬರು ನಡೆಸಿದ ಮೊದಲ ಪ್ರಯತ್ನ. ಅಮೆರಿಕದಲ್ಲಿ ಭಾರತೀಯರ ಮತಗಳು ಹೆಚ್ಚಾಗುತ್ತಿದ್ದು, ರಿಪಬ್ಲಿಕನ್ ಸಮೀತಿ ಮತ್ತು ಡೊನಾಲ್ಡ್ ಟ್ರಂಪ್ ಅವರೊಂದಿಗೆ ಕೆಲಸ ಮಾಡಲು ಅವಕಾಶ ಲಭಿಸಿದ್ದು ನಮಗೆ ಸಿಕ್ಕ ಗೌರವ ಎಂದು ಮೋದಿ ಹೇಳಿದ್ದಾರೆ.
ಎಡಿಸನ್ ನ ನ್ಯೂಜೆರ್ಸಿ ಕನ್ವೆನ್ಷನ್ ಅಂಡ್ ಎಕ್ಸ್ಪೋ ಕೇಂದ್ರದಲ್ಲಿ ನಡೆದ ರಿಪಬ್ಲಿಕನ್ ಹಿಂದೂ ಮೈತ್ರಿಕೂಟದ ಸಮಾವೇಶವನ್ನು ಆಯೋಜಿಸುವಲ್ಲಿ ಕೂಡ ಆಡ್ಮಾರ್ಕ್ ಕಮ್ಯೂನಿಕೇಷನ್ಸ್ ಪ್ರಮುಖ ಪಾತ್ರ ವಹಿಸಿತ್ತು. ಸುಮಾರು 10 ಸಾವಿರಕ್ಕೂ ಹೆಚ್ಚು ಭಾರತೀಯರು ಭಾಗಿಯಾಗಿದ್ದ ಈ ಸಮಾವೇಶದಲ್ಲಿ ಟ್ರಂಪ್ ಕೂಡ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದರು. ಇದರಲ್ಲಿ ಪ್ರಭುದೇವ, ಮಲೈಕಾ ಆರೋರಾ ಖಾನ್ ಮುಂತಾದ ಬಾಲಿವುಡ್ ತಾರೆಗಳು ಜನರನ್ನು ರಂಜಿಸಿದ್ದರು.
"ಅಮೆರಿಕದ ಭಾರತೀಯರನ್ನು ತಲುಪಲು ಡೊನಾಲ್ಡ್ ಟ್ರಂಪ್ ಅವರು ಹಿಂದ್ಯಾರೂ ಮಾಡಿರದಂಥ ಪ್ರಯತ್ನ ಮಾಡಿದ್ದಾರೆ. ಭಾರತೀಯ-ಅಮೆರಿಕನ್ನರ ಸಮಾವೇಶವನ್ನು ಉದ್ದೇಶಿಸಿ ಮಾತನಾಡಿದ ಮೊಟ್ಟಮೊದಲ ಅಧ್ಯಕ್ಷೀಯ ಅಭ್ಯರ್ಥಿಯೂ ಟ್ರಂಪ್ ಆಗಿದ್ದಾರೆ. ಇಂಥ ಐತಿಹಾಸಿಕ ಘಟನೆಯಲ್ಲಿ ಭಾಗಿಯಾಗಿದ್ದರಿಂದ ನಾವೂ ಥ್ರಿಲ್ ಆಗಿದ್ದೇವೆ" ಎಂದು ಮೋದಿ ಅಭಿಪ್ರಾಯ ಪಟ್ಟಿದ್ದಾರೆ.
ಭಾರತೀಯ ಸುದ್ದಿ ವಾಹಿನಿಗಳಾದ ಝೀ ಟಿವಿ, ಆಜ್ ತಕ್, ಝೀ ನ್ಯೂಸ್, ಟೈಮ್ಸ್ ನೌ, ನ್ಯೂಸ್ 18, ಸೋನಿ ಟಿವಿ, ಸ್ಟಾರ್ ಟಿವಿ, ಆಪ್ ಕಾ ಕಲರ್ಸ್, ಇಂಡಿಯಾ ಟುಡೇ, ಎನ್ಡಿಟಿವಿ 24X7 ಮತ್ತು ಕೆಲ ಖಾಸಗಿ ಚಾನಲ್ಲುಗಳಲ್ಲೂ ಜಾಹೀರಾತು ಬಿತ್ತರವಾಗಿತ್ತು. ಅಮೆರಿಕದ ಪ್ರಮುಖ ಚಾನಲ್ಲುಗಳಾದ ಎಬಿಸಿ ನ್ಯೂಸ್ ಮತ್ತು ಜಿಮ್ಮಿ ಕಿಮ್ಮೆಲ್ ಟಿವಿ ಶೋಗಳಲ್ಲೂ ಕಾಣಿಸಿಕೊಂಡಿತ್ತು.
ಒಂದು ಜಾಹೀರಾತು ಅಸಾಧ್ಯವನ್ನು ಸಾಧಿಸಿತ್ತು. ಸೋಷಿಯಲ್ ಮೀಡಿಯಾದಲ್ಲೂ ವೈರಲ್ ಆಗಿ ಸಾಕಷ್ಟು ವೀಕ್ಷಕರ ಗಮನವನ್ನು ಸೆಳೆದಿತ್ತು. ದಿ ಟೈಮ್ಸ್ ಆಫ್ ಇಂಡಿಯಾ, ದಿ ಇಂಡಿಯನ್ ಎಕ್ಸ್ಪ್ರೆಸ್, ಇಂಡಿಯಾ ಟುಡೇ, ಮಿಂಟ್, ಮೇಲ್ ಟುಡೇ ಸೇರಿದಂತೆ ಭಾರತೀಯ ಪತ್ರಿಕೆಗಳು ಕೂಡ ಡೊನಾಲ್ಡ್ ಟ್ರಂಪ್ ಅವರಿಗೆ ಭಾರೀ ಪ್ರಚಾರ ನೀಡಿದ್ದವು.
ಡೊನಾಲ್ಡ್ ಟ್ರಂಪ್ ಅವರಿಗೆ ಅಗತ್ಯವಾಗಿ ಬೇಕಿದ್ದ ಬೆಂಬಲವನ್ನು 'ಅಬ್ ಕಿ ಬಾರ್ ಟ್ರಂಪ್ ಸರ್ಕಾರ್' ಜಾಹೀರಾತು ನೀಡಿತ್ತು. 2013ರಲ್ಲಿ ಭಾರತದಲ್ಲಿ ನಡೆದ ಲೋಕಸಭೆ ಚುನಾವಣೆಯಲ್ಲಿ ನರೇಂದ್ರ ಮೋದಿ ಅವರಿಗೆ ನೀಡಿದ ಅಭೂತಪೂರ್ವ ಗೆಲವನ್ನೇ ಟ್ರಂಪ್ ಅವರಿಗೂ ನೀಡಿತು ಎಂದು ಶ್ಯಾಮಲ್ ಮೋದಿ ಅವರು ಸಂಸತದಿಂದ ಹೇಳುತ್ತಾರೆ.
-
'ಬೆಂಗಳೂರಿನ ಬಸವನಗುಡಿಯಿಂದ ಬೆಳ್ಳಂದೂರಿಗೆ ಹೋಗಿ ದೊಡ್ಡ ತಪ್ಪು ಮಾಡಿಬಿಟ್ಟೆ': ಅಳಲು ತೋಡಿಕೊಂಡ ಕನ್ನಡಿಗ, ಭಾರೀ ವೈರಲ್ -
Pink Line Metro: ಏಪ್ರಿಲ್ನಲ್ಲಿ ಪರೀಕ್ಷೆ ಮುಕ್ತಾಯ, ಮೇ ತಿಂಗಳಲ್ಲಿ ಗುಲಾಬಿ ಮಾರ್ಗದಲ್ಲಿ ಸಂಚಾರ -
Gold Price: ಇಳಿಕೆಯತ್ತ ಚಿನ್ನ, ಬೆಳ್ಳಿ ಬೆಲೆ: ಇಂದಿನ ದರವೆಷ್ಟು? ಇಲ್ಲಿದೆ ಮಾಹಿತಿ -
Bengaluru Viral: ಆಟೋ ಚಾಲಕನ ಕ್ರಿಯೇಟಿವಿಟಿಗೆ ಬೆಂಗಳೂರು ನಿಜಕ್ಕೂ ಸೃಜನಶೀಲ ನಗರ ಎಂದ ನೆಟ್ಟಿಗರು -
SSLC ವಿಜ್ಞಾನ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು? ತಜ್ಞರು ಹಾಗೂ ವಿದ್ಯಾರ್ಥಿಗಳು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Video: ಲ್ಯಾಂಬೋರ್ಗಿನಿ ಸ್ಟಂಟ್ ಕೇಸ್: ಮುತ್ತಪ್ಪ ರೈ ಪುತ್ರ ರಿಕ್ಕಿ ರೈಗೆ ಪೊಲೀಸರಿಂದ ನೋಟಿಸ್ -
Bengaluru Second Airport: ಬೆಂಗಳೂರು ಎರಡನೇ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ: ಜಾಗ ಆಯ್ಕೆ ಕರ್ನಾಟಕಕ್ಕೆ ಬಿಟ್ಟ ಕೇಂದ್ರ -
Weekly Horoscope March 23-29: ಯಾರಿಗೆ ಲಾಭ, ಯಾರಿಗೆ ಸವಾಲು? ಸಂಪೂರ್ಣ ವಿವರ ಇಲ್ಲಿದೆ -
ಮೈಸೂರು, ಬೆಂಗಳೂರು, ವಿಜಯಪುರ ರೈಲು ಪ್ರಯಾಣಿಕರೇ ಗಮನಕ್ಕೆ; ರೈಲುಗಳ ಸಂಚಾರ ಭಾಗಶಃ ರದ್ದು -
Karnataka weather: ಬೆಂಗಳೂರು ಸೇರಿದಂತೆ 10ಕ್ಕೂ ಹೆಚ್ಚು ಜಿಲ್ಲೆಗಳಲ್ಲಿ ಮಳೆ ಮುನ್ಸೂಚನೆ ನೀಡಿದ IMD -
NWKRTC ಬಸ್ಗಳಿಗೆ ಟ್ರ್ಯಾಕಿಂಗ್ ಸಿಸ್ಟಮ್ ಅಳವಡಿಕೆಗೆ 'ಆಡಿಟ್' ಬಿಸಿ: ಜಗದೀಶ್ ಶೆಟ್ಟರ್ಗೆ ನಿತಿನ್ ಗಡ್ಕರಿ ಪತ್ರ -
Bengaluru Property: ಬೆಂಗಳೂರಿನ ಪ್ರಾಪರ್ಟಿ, ನಿರ್ಮಾಣ ಹಂತದ ಕಟ್ಟಡ - ರಿಯಲ್ ಎಸ್ಟೇಟ್ಗೆ ಏಕಾಏಕಿ ಪೆಟ್ಟು
Click it and Unblock the Notifications
Sign in with Google