80 ವರ್ಷದ ಹಿಂದಿನ ಚಿತ್ರದಲ್ಲಿ ಸ್ಮಾರ್ಟ್ ಫೋನ್ ಹಿಡಿದ ಅಮೆರಿಕನ್!
ನವದೆಹಲಿ, ಆಗಸ್ಟ್ 28: ಮೊಬೈಲ್ ಫೋನ್ ಎಂಬ ಮಾಯಾ ವಸ್ತು ಎಂಬತ್ತು ವರ್ಷದ ಹಿಂದೆಯೇ ಅಮೆರಿಕದಲ್ಲಿ ಇತ್ತೇ? ಅದಕ್ಕೆ ಪುರಾವೆಯೇನೋ ಎಂಬಂತೆ ಚಿತ್ರವೊಂದು ದೊರೆತಿದ್ದು, ಅದರಲ್ಲಿ ಅಮೆರಿಕನ್ ವೊಬ್ಬ ಕೈಯಲ್ಲಿ ಸ್ಮಾರ್ಟ್ ಫೋನ್ ಹಿಡಿದಂತೆ ಕಾಣುತ್ತಿದೆ. ಈ ಹಳೆಯ ಚಿತ್ರವನ್ನು ಆನ್ ಲೈನ್ ಮ್ಯಾಗಜಿನ್ 'ಮದರ್ ಬೋರ್ಡ್' ಗಮನಕ್ಕೆ ತಂದಿದೆ.
Recommended Video
ಉಂಬರ್ಟೋ ರೋಮಾನೋ ಎಂಬತ್ತು ವರ್ಷದ ಹಿಂದೆ ಬರೆದಿರುವ ಈ ಚಿತ್ರದ ಹೆಸರು 'ಮಿಸ್ಟರ್ ಪೈನ್ ಕೋನ್ ಅಂಡ್ ದ ಸೆಟ್ಲಿಂಗ್ ಸ್ಪ್ರಿಂಗ್ ಫೀಲ್ಡ್'. ಮಸಾಚ್ಯುಸೆಟ್ಸ್, ಸ್ಪಿಂಗ್ ಫೀಲ್ಡ್ ಅಂತ ಕರೆಸಿಕೊಳ್ಳುವ ಸ್ಥಳಗಳ ನಿರ್ಮಾತೃ ವಿಲಿಯಂ ಪೈನ್ ಕೋನ್. ಈ ಚಿತ್ರದಲ್ಲಿ ಪೈನ್ ಕೋನ್ ಗುಲಾಬಿ ಬಣ್ಣದ ಸೂಟ್ ಧರಿಸಿದ್ದಾನೆ.
ಆತನ ಎಡಕ್ಕೆ ಕೂತಿರುವ ಬೆತ್ತಲೆದೆಯ ವ್ಯಕ್ತಿಯೊಬ್ಬ ಸೆಲ್ಫಿ ತೆಗೆದುಕೊಳ್ಳುತ್ತಿರುವಂತಿದೆ. "ವ್ಯಕ್ತಿಯೊಬ್ಬ ಐಫೋನ್ ಹಿಡಿದುಕೊಂಡಿರುವ 1937ನೇ ಇಸವಿಯ ಈ ಚಿತ್ರವನ್ನು ನಾವೆಲ್ಲ ನೋಡಿದ್ದೇವೆಯೇ?" ಎಂಬ ಶೀರ್ಷಿಕೆಯನ್ನು ಮದರ್ ಬೋರ್ಡ್ ನಿಯತಕಾಲಿಕೆಯು ಈ ಲೇಖನಕ್ಕೆ ನೀಡಿದೆ.
ಕಳೆದ ವರ್ಷ ಆಪಲ್ ನ ಸಿಇಒ ಟಿಮ್ ಕುಕ್ ಆಮ್ ಸ್ಟರ್ ಡ್ಯಾಮ್ ನ ವಸ್ತುಸಂಗ್ರಹಾಲಯಕ್ಕೆ ಭೇಟಿ ನೀಡಿದ್ದರು. ಆ ವೇಳೆ ಹದಿನೇಳನೇ ಶತಮಾನದ ಚಿತ್ರವೊಂದನ್ನು ನೋಡಿ ಅಚ್ಚರಿಗೆ ಒಳಗಾಗಿದ್ದರು. ಆ ಚಿತ್ರದಲ್ಲಿ ಮಹಿಳೆಯೊಬ್ಬರು ಐಫೋನ್ ನಂತೆ ಕಾಣುವಂಥದನ್ನು ಕೈಯಲ್ಲಿ ಹಿಡಿದಿದ್ದರು.
ಆಗ ಟಿಮ್ ಕುಕ್ ಜತೆಗಿದ್ದ ನೀಲಿ ಕ್ರೋಸ್, ಐಫೋನ್ ಆವಿಷ್ಕಾರ ಆಗಿದ್ದು ಎಲ್ಲಿ ಮತ್ತು ಯಾವಾಗ ಎಂದು ಗೊತ್ತಾಯಿತಾ ಎಂಬುದಾಗಿ ಪ್ರಶ್ನಿಸಿದ್ದರು ಎಂದು ಯುನೈಟೆಡ್ ಕಿಂಗ್ ಡಮ್ ನ ಡೈಲಿ ಸ್ಟಾರ್ ವರದಿ ಮಾಡಿತ್ತು.
Click it and Unblock the Notifications
Sign in with Google