ವಿದ್ಯಾರ್ಥಿನಿ ಜತೆಗೆ ಆಕ್ಷೇಪಾರ್ಹ ರೀತಿ ಫೋಟೋ ತೆಗೆಸಿಕೊಂಡ ಶಿಕ್ಷಕ
ಗುವಾಹತಿ, ಆಗಸ್ಟ್ 7: ವಿದ್ಯಾರ್ಥಿನಿಯೊಂದಿಗಿನ ಆಕ್ಷೇಪಾರ್ಹ ರೀತಿಯ ಫೋಟೋವನ್ನು ಆನ್ ಲೈನ್ ನಲ್ಲಿ ಹಾಕಿದ ಶಿಕ್ಷಕನನ್ನು ಪೊಲೀಸರು ಭಾನುವಾರ ಬಂಧಿಸಿದ್ದಾರೆ. ಫೈಜುದ್ದೀನ್ ಲಸ್ಕರ್ ಬಂಧಿತ. ವಿದ್ಯಾರ್ಥಿನಿಯ ಎದೆಯನ್ನು ಬಳಸಿ ಆತನ ಕೈಗಳು ಇವೆ.
ಡೆತ್ ನೋಟ್ ಬರೆಯುವ ಹೋಂವರ್ಕ್ ನೀಡಿದ ಶಿಕ್ಷಕಿ!
ಅಸ್ಸಾಂನ ಹೈಲಾಕಂಡಿ ಜಿಲ್ಲೆಯ ಮಾಡೆಲ್ ಹೈಸ್ಕೂಲ್ ನ ಶಿಕ್ಷಕನಾಗಿರುವ ಆತ ವಿದ್ಯಾರ್ಥಿನಿಯರ ಜತೆಗೆ ಆಕ್ಷೇಪಾರ್ಹ ಭಂಗಿಯ ಫೋಟೋಗಳನ್ನು ತೆಗೆದುಕೊಂಡಿದ್ದಾನೆ. ಆ ನಂತರ ಅವುಗಳನ್ನು ಆನ್ ಲೈನ್ ನಲ್ಲಿ ಹಾಕಿದ್ದಾನೆ.
ಈ ಶಿಕ್ಷಕನ ಅಸಭ್ಯ ವರ್ತನೆಗೆ ಅಸ್ಸಾಂನಲ್ಲಿ ವಿರೋಧ ಪಕ್ಷಗಳು ಆಕ್ಷೇಪ ವ್ಯಕ್ತಪಡಿಸಿವೆ. ಆತನ ವಿರುದ್ಧ ಸರಕಾರವು ಕಠಿಣ ಕ್ರಮ ತೆಗೆದುಕೊಳ್ಳಬೇಕು ಎಂದು ಒತ್ತಾಯಿಸಿವೆ.
"ಈ ರೀತಿಯ ನಡವಳಿಕೆ ಸಹಿಸುವುದಕ್ಕೆ ಸಾಧ್ಯವೇ ಇಲ್ಲ. ಈ ಪ್ರಕರಣದ ಬಗ್ಗೆ ಸರಕಾರವಾಗಲೀ, ಶಿಕ್ಷಣ ಇಲಾಖೆಯಾಗಲೀ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಇದು ಹೆಣ್ಣುಮಕ್ಕಳ ಶಿಕ್ಷಣವನ್ನೇ ನಿರುತ್ತೇಜನಗೊಳಿಸುತ್ತದೆ. ಈ ಬಗ್ಗೆ ಕೇಂದ್ರ ಕೂಡ ಪ್ರತಿಕ್ರಿಯೆ ನೀಡಿಲ್ಲ. ಭೇಟಿ ಬಚಾವೋ ಭೇಟಿ ಪಡಾವೋ ಅನ್ನೋದು ಬರೀ ಘೋಷವಾಕ್ಯ ಅನ್ನಿಸುತ್ತದೆ" ಎಂದು ವಿರೋಧ ಪಕ್ಷದ ಮುಖಂಡರಾದ ದೇಬಬ್ರತ ಸೈಕಿಯಾ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಆದರೆ, ಈ ಫೋಟೋವನ್ನು ತೆಗೆದವರು ಯಾರು ಎಂದು ಗೊತ್ತಾಗಿಲ್ಲ. ಶಾಲೆ ಆವರಣದಲ್ಲೇ ಫೋಟೋ ತೆಗೆದಿದ್ದು, ವಿದ್ಯಾರ್ಥಿನಿ ಜತೆಗೆ ಶಿಕ್ಷಕ ಫೋಟೋ ತೆಗೆಸಿಕೊಂಡಿದ್ದಾನೆ.