ಪುನರ್ಜನ್ಮದ ಕಥೆ: ಅಜ್ಜಿಯನ್ನು ಹೆಂಡತಿ, ತಾಯಿಯನ್ನು ಮಗಳು ಎಂದ ಬಾಲಕ, ಸಾವಿಗೆ ಕಾರಣ ಕೂಡ ಹೇಳಿಬಿಟ್ಟ!

ಸಾಮಾನ್ಯವಾಗಿ ಮನೆಯಲ್ಲಿ ಮನಸ್ಸಿಗೆ ಹತ್ತಿರವಾದ ಹಿರಿಯರು ಅಗಲಿದ್ದರೆ ಅವರನ್ನು ನಾವು ನಮ್ಮ ಮಕ್ಕಳಲ್ಲಿ ಕಾಣುತ್ತೇವೆ. ಅದು ತಂದೆ-ತಾಯಿ ಯಾರೇ ಆಗಿರಲ್ಲಿ. ತಂದೆ-ತಾಯಿಯನ್ನು ಕಳೆದುಕೊಂಡ ಎಷ್ಟೋ ಜನ ತಮ್ಮ ಮಕ್ಕಳಲ್ಲಿ ಪೋಷಕರನ್ನು ಕಾಣುತ್ತಾರೆ. ಆದರೆ ನಿಜವಾಗಿಯೂ ಮಕ್ಕಳು ಅಗಲಿದ ವ್ಯಕ್ತಿಗಳಂತೆ ಮಾತನಾಡಲು ವರ್ತಿಸಲು ಆರಂಭಿಸಿದರೆ ಹೇಗೆ ಆಗಬೇಕು. ಹೀಗೊಮ್ಮೆ ಯೋಜನೆ ಮಾಡಲು ಕೂಡ ಎದೆ ಝಲ್ ಎನಿಸುತ್ತದೆ. ಇಂತಹದೊಂದು ಘಟನೆ ಉತ್ತರಪ್ರದೇಶದಲ್ಲಿ ನಡೆದಿದೆ.

ಪುನರ್ಜನ್ಮವನ್ನು ಹೆಚ್ಚಾಗಿ ಚರ್ಚಿಸಲಾಗುತ್ತದೆ. ಆದರೆ ಅದು ಇದೆಷ್ಟು ನಿಜ ಅಥವಾ ಸುಳ್ಳು ಎನ್ನುವ ಬಗ್ಗೆ ಈವರೆಗೆಗೂ ನಿಖರವಾಗಿಲ್ಲ. ಕೆಲವರು ಅದನ್ನು ನಂಬುತ್ತಾರೆ ಮತ್ತು ಕೆಲವರು ನಂಬುವುದಿಲ್ಲ. ಆದರೆ ಇದಕ್ಕೆ ಸಂಬಂಧಿಸಿದ ಅಚ್ಚರಿಯ ಪ್ರಕರಣವೊಂದು ಉತ್ತರ ಪ್ರದೇಶದ ಮೈನ್‌ಪುರಿಯಲ್ಲಿ ಬೆಳಕಿಗೆ ಬಂದಿದೆ.

ಜೂನ್ 15 ರಂದು, 8 ವರ್ಷದ ಬಾಲಕ ತನ್ನ ಅಜ್ಜಿಯ ಮನೆಗೆ ಬಂದಾಗ ಆಘಾತಕಾರಿ ಹೇಳಿಕೆಯನ್ನು ನೀಡಿದ್ದಾನೆ. ಮನೆಯವರು ಬೆರಗಾಗುವ ಹಾಗೆ ಮಾತನಾಡತೊಡಗಿದ್ದಾನೆ. ಆ ಹುಡುಗ ತನ್ನನ್ನು ಆರ್ಯನ್‌ನಿಂದ ಮನೋಜ್ ಮಿಶ್ರಾ ಎಂದು ಕರೆಯಲು ಪ್ರಾರಂಭಿಸಿದ್ದಾನೆ. ಬಾಲಕ ತನ್ನದು ಪುನರ್ಜನ್ಮ ಎಂದು ಹೇಳಿಕೊಂಡಿದ್ದಾನೆ. ಮಾತ್ರವಲ್ಲದೆ ಗ್ರಾಮದ ಎಲ್ಲಾ ಸದಸ್ಯರನ್ನು ಗುರುತಿಸುವ ಮೂಲಕ ಅಚ್ಚರಿ ಮೂಡಿಸಿದ್ದಾನೆ.

ಸಾಯುವ ಸಮಯದಲ್ಲಿ ಮಗಳು ಗರ್ಭಿಣಿಯಾಗಿದ್ದಳು

ಮನೋಜ್ ಮಿಶ್ರಾ ರತನ್‌ಪುರದ ನಿವಾಸಿ. 2015ರಲ್ಲಿ ಹೊಲಕ್ಕೆ ನೀರು ಹಾಯಿಸಲು ಹೋಗಿದ್ದರು. ಹೊಲಕ್ಕೆ ನೀರು ಹಾಕುತ್ತಿದ್ದಾಗ ಹಾವು ಕಚ್ಚಿದೆ. ಕುಟುಂಬಸ್ಥರು ಸಾಕಷ್ಟು ಚಿಕಿತ್ಸೆ ನೀಡಿದರೂ ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದರು. ಈ ಸಮಯದಲ್ಲಿ ಅವರ ಮಗಳು ಗರ್ಭಿಣಿಯಾಗಿದ್ದಳು. ಅವರ ಮರಣದ 20 ದಿನಗಳ ನಂತರ, ಮಗಳು ಗಂಡು ಮಗುವಿಗೆ ಜನ್ಮ ನೀಡಿದಳು. ಅವರಿಗೆ ಆರ್ಯನ್ ಎಂದು ಹೆಸರಿಸಲಾಯಿತು.

ಹೆಂಡತಿ ಅಜ್ಜಿಯನ್ನು ಕರೆದ ಮೊಮ್ಮಗ

4 ವರ್ಷಗಳ ನಂತರ ಆರ್ಯನ್ ರತನ್‌ಪುರ ಗ್ರಾಮದ ಹೆಸರನ್ನು ತೆಗೆದುಕೊಳ್ಳಲು ಪ್ರಾರಂಭಿಸಿದರು ಎಂದು ಹೇಳಲಾಗುತ್ತದೆ. ಆರ್ಯನ್‌ಗೆ ಈಗ 8 ವರ್ಷ. ಜೂನ್ 15 ರಂದು ಮೈನ್‌ಪುರಿ ಜಿಲ್ಲೆಯ ಮಂಗಲ್‌ಪುರ ಗ್ರಾಮದ ತನ್ನ ಅಜ್ಜಿಯ ಮನೆಗೆ ಹೋಗಿದ್ದನು. ಈ ವೇಳೆ ಆರ್ಯನ್ ಎಲ್ಲರನ್ನು ಅಚ್ಚರಿಗೊಳಿಸಿದ್ದಾನೆ. ಮಗ ಅಜ್ಜಿಯ ಪಾದ ಮುಟ್ಟಿ ನಮಸ್ಕರಿಸಲು ಹೇಳಿದಾಗ ಈ ವಿಚಾರಕ್ಕೆ ಕೋಪಕೊಂಡ ಆರ್ಯನ್ ಅಜ್ಜಿಯನ್ನು ತನ್ನ ಹೆಂಡತಿ ಎಂದು ಹೇಳಿದ್ದಾನೆ. 'ಇವಳು ನನ್ನ ಹೆಂಡತಿ, ನನ್ನ ಅಜ್ಜಿಯಲ್ಲ' ಎಂದು ಹೇಳಿದ್ದಾನೆ. ಇದನ್ನು ಬಾಲಕ ಎಲ್ಲರಿಗೂ ಹೇಳಲು ಪ್ರಾರಂಭಿಸಿದನು.

ಸಾವು ಹೇಗೆ ಸಂಭವಿಸಿತು ಎಂದು ಹೇಳಿದ ಬಾಲಕ

ಆರ್ಯನ್‌ನ ಈ ಹೇಳಿಕೆಯನ್ನು ಕೇಳಿ ಕುಟುಂಬಸ್ಥರು ಆಶ್ಚರ್ಯಚಕಿತರಾಗಿದ್ದಾರೆ. ನಂತರ ಜನರು ಅವನನ್ನು ಪ್ರಶ್ನಿಸಲು ಪ್ರಾರಂಭಿಸಿದರು. 8 ವರ್ಷದ ಮಗು ಈ ರೀತಿ ಹೇಗೆ ಮಾತನಾಡುತ್ತಿದೆ ಎಂದು ಕುಟುಂಬಸ್ಥರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಅವನನ್ನು ಮತ್ತಷ್ಟು ವಿಚಾರಿಸಿದಾಗ 8 ವರ್ಷಗಳ ಹಿಂದೆ ಹೊಲಕ್ಕೆ ನೀರು ಹಾಯಿಸುವಾಗ ಹಾವು ಕಚ್ಚಿತ್ತು ಎಂದು ತಿಳಿಸಿದ್ದಾನೆ. ಆಸ್ಪತ್ರೆಗೆ ಸಾಗಿಸುವ ಮಾರ್ಗಮಧ್ಯೆ ಮೃತಪಟ್ಟಿರುವುದಾಗಿಯೂ ಹೇಳಿಕೊಂಡಿದ್ದಾನೆ. ಅವರು ಪತ್ನಿ ಮತ್ತು ಇಬ್ಬರು ಪುತ್ರರನ್ನು ಅಗಲಿದ್ದಾರೆಂದು ಹೇಳಿದ್ದಾರೆ.

ಖಾತೆಗೆ ಜಮೆಯಾದ ಹಣವನ್ನು ಹೇಳಿದ ಬಾಲಕ

ಇದಾದ ನಂತರ ಜನರು ಅವನಿಗೆ ಪ್ರಶ್ನೆಗಳನ್ನು ಕೇಳುತ್ತಲೇ ಇದ್ದರು. ನಿಧಾನವಾಗಿ ಅವನು ತನ್ನ ಎಲ್ಲಾ ಕಥೆಯನ್ನು ಹೇಳಿದನು. ಆರ್ಯನ್ ತನ್ನ ತಾಯಿಗೆ ನೀನು ನನ್ನ ಮಗಳು, ನನ್ನ ತಾಯಿ ಅಲ್ಲ ಎಂದು ಹೇಳುವುದು ಮಾತ್ರವಲ್ಲದೆ, ತನ್ನ ಅಜ್ಜಿಯ ಮನೆಗೆ ಬಂದಾಗ ಅವನು ಅವಳನ್ನು ಹೆಸರು ಹೇಳಿ ಕರೆದನು. ಅವನು ತನ್ನ ಅಜ್ಜಿಗೆ ನೀನು ನನ್ನ ಹೆಂಡತಿ, ನನ್ನ ಮಕ್ಕಳು ಎಲ್ಲಿ? ಎಂದು ಕೇಳಿದ್ದಾನೆ. ತನ್ನ ತಾಯಿಯ ಚಿಕ್ಕಪ್ಪನಿಬ್ಬರನ್ನು ನೋಡಿದಾಗ ಮಗು ಅಳಲು ಪ್ರಾರಂಭಿಸಿತು. ಇದನ್ನು ನೋಡಿ ಮನೆಯವರೆಲ್ಲ ಬೆಚ್ಚಿಬಿದ್ದರು. ಅಷ್ಟೇ ಅಲ್ಲ ಮನೋಜ್ ಮಿಶ್ರಾ ಅವರ ಬ್ಯಾಂಕ್ ಖಾತೆಗೆ ಜಮೆಯಾದ ಹಣವನ್ನೂ ಆರ್ಯನ್ ಹೇಳಿದ್ದಾನೆ.

ಪುನರ್ಜನ್ಮವು ಕಾಲ್ಪನಿಕವೇ ಅಥವಾ ಅಲ್ಲವೇ?

ವಿಜ್ಞಾನದ ದೃಷ್ಟಿಯಲ್ಲಿ ಪುನರ್ಜನ್ಮದ ಸಿದ್ಧಾಂತ ಕೇವಲ ಒಂದು ಫ್ಯಾಂಟಸಿಯಾಗಿದೆ. ಆದರೆ ದೇಹ ಅಥವಾ ಜೀವನಕ್ಕೆ ಅಂತ್ಯವಿಲ್ಲ ಎಂದು ವಿಜ್ಞಾನವು ಇನ್ನೊಂದು ರೀತಿಯಲ್ಲಿ ನಂಬುತ್ತದೆ. ವಸ್ತು ಮತ್ತು ಶಕ್ತಿ ಎಂದಿಗೂ ನಾಶವಾಗದ ಕಾರಣ ಅದರ ರೂಪ ಬದಲಾಗುತ್ತಲೇ ಇರುತ್ತದೆ. ವಿವಿಧ ಅಂಶಗಳ (ಪಂಚತತ್ವ) ಸಂಯೋಜನೆಯಿಂದ ರೂಪುಗೊಂಡ ಜೀವಿಗಳು ಸಾವಿನ ಸಮಯದಲ್ಲಿ ನಾಶವಾಗುವಂತೆ ತೋರುತ್ತವೆ, ಆದರೆ ವಾಸ್ತವದಲ್ಲಿ ಅವು ಕಣ್ಮರೆಯಾಗುವುದಿಲ್ಲ. ಪುನರ್ಜನ್ಮವು ಕಾಲ್ಪನಿಕವಲ್ಲ ಎಂದು ಸಾಬೀತುಪಡಿಸುವುದು ಕಷ್ಟ, ಆದರೆ ಪುನರ್ಜನ್ಮವನ್ನು ನಂಬದ ಸಮಾಜದಲ್ಲಿ ಪಂಗಡಗಳು ಸಹ ಸಂಭವಿಸಿವೆ. ಅದೇ ರೀತಿ ಇದೀಗ 8 ವರ್ಷದ ಆರ್ಯನ್ ಅಥವಾ ಮನೋಜ್ ಮಿಶ್ರಾ ಪುನರ್ಜನ್ಮ ಪ್ರಕರಣ ಮುನ್ನೆಲೆಗೆ ಬಂದಿದ್ದು, ನಿಜಕ್ಕೂ ಅಚ್ಚರಿ ಮೂಡಿಸಿದೆ.

English summary

Story of Reincarnation: Boy calls grandmother as wife, mother as daughter, also tells the reason for death.