ತೆರಿಗೆ ವಂಚನೆ ವಿಚಾರಣೆಗೆ ಹಾಜರಾದ ಸಾನಿಯಾ ಮಿರ್ಜಾ
ಸಾನಿಯಾ ಮಿರ್ಜಾ ಅವರಿಂದ ತೆರಿಗೆ ವಂಚನೆಯಾಗಿದೆಯೆಂದು ಫೆಬ್ರವರಿ 9ರಂದು ಸಮನ್ಸ್ ಜಾರಿಗೊಳಿಸಿದ್ದ ಹೈದರಾಬಾದ್ ನಲ್ಲಿರುವ ಸೇವಾ ತೆರಿಗೆ ಇಲಾಖೆ.
ಹೈದರಾಬಾದ್, ಫೆಬ್ರವರಿ 17: ಸೇವಾ ತೆರಿಗೆ ವಂಚನೆಯಾಗಿದೆಯೆಂದು ಹೇಳಿ ತಮಗೆ ನೋಟಿಸ್ ಜಾರಿಗೊಳಿಸಿದ್ದ ಕೇಂದ್ರೀಯ ಅಬಕಾರಿ ಹಾಗೂ ಸುಂಕ ಮಂಡಳಿಯ ಹೈದರಾಬಾದ್ ಶಾಖೆಗೆ ಸಾನಿಯಾ ಮಿರ್ಜಾ ಸ್ಪಷ್ಟನೆ ನೀಡಿದ್ದಾರೆ.
ತೆಲಂಗಾಣ ರಾಜ್ಯ ಸರ್ಕಾರದ ರಾಯಭಾರತ್ವಕ್ಕಾಗಿ ಸಾನಿಯಾ ಮಿರ್ಜಾ ಅವರು ಸುಮಾರು 1 ಕೋಟಿ ರು. ಹಣವನ್ನು ಪಡೆದಿದ್ದು ಅದರಲ್ಲಿ ಸೇವಾ ತೆರಿಗೆ ಕಟ್ಟಿಲ್ಲ ಎಂಬುದನ್ನು ಉಲ್ಲೇಖಿಸಿ, ಈ ಬಗ್ಗೆ ಉತ್ತರ ಕೊಡುವಂತೆ ಇತ್ತೀಚೆಗೆ ಇಲಾಖೆಯು ಮಿರ್ಜಾ ಅವರಿಗೆ ಸಮನ್ಸ್ ಜಾರಿಗೊಳಿಸಿತ್ತು.[ಸಾನಿಯಾ ಮಿರ್ಜಾಗೆ ತೆರಿಗೆ ಇಲಾಖೆ ನೋಟಿಸ್]
ಫೆ. 16ರಂದು ವಿಚಾರಣೆಗೆ ಹೈದರಾಬಾದ್ ನಲ್ಲಿರುವ ಇಲಾಖಾ ಕಚೇರಿಗೆ ಖುದ್ದಾಗಿ ಹಾಜರಾಗಿ ಅಥವಾ ಪ್ರತಿನಿಧಿಯೊಬ್ಬರ ಮೂಲಕ ಉತ್ತರಿಸುವಂತೆಯೂ ಸೂಚಿಸಲಾಗಿತ್ತು.[ಆಸ್ಟ್ರೇಲಿಯನ್ ಓಪನ್ ಮಿಶ್ರ ಡಬಲ್ಸ್ ಫೈನಲ್ ತಲುಪಿದ ಸಾನಿಯಾ ಮಿರ್ಜಾ]
ಈ ಹಿನ್ನೆಲೆಯಲ್ಲಿ, ಗುರುವಾರ (ಫೆ. 16) ವಿಚಾರಣೆಗೆ ಬಂದಿದ್ದ ಸಾನಿಯಾ ಮಿರ್ಜಾ ಅವರ ಅಕೌಂಟಂಟ್, ತೆಲಂಗಾಣ ಸರ್ಕಾರದಿಂದ 1 ಕೋಟಿ ರು. ಪಡೆದಿರುವುದು ರಾಯಭಾರತ್ವಕ್ಕಾಗಿ ಅಲ್ಲ. ಬದಲಿಗೆ, ರಾಜ್ಯದ ಟೆನಿಸ್ ಆಟಗಾರರಿಗೆ ತರಬೇತಿ ನೀಡಲು ನೀಡಲಾದ ಸಂಭಾವನೆ ಎಂದು ವಿವರಿಸಿದ್ದಾರೆಂದು ಮೂಲಗಳು ತಿಳಿಸಿವೆ.
Click it and Unblock the Notifications
Sign in with Google