ಗುಜರಾತ್-ಮುಂಬೈ ರೈಲಿನಲ್ಲಿ ರೈಲ್ವೇ ರಕ್ಷಣಾ ಪಡೆ ಯೋಧನಿಂದ ಗುಂಡಿನ ದಾಳಿ, 4 ಮಂದಿ ಸಾವು!
ಗುಜರಾತ್ನಿಂದ ಮುಂಬೈಗೆ ತೆರಳುತ್ತಿದ್ದ ರೈಲಿನಲ್ಲಿ ರೈಲ್ವೇ ಸಂರಕ್ಷಣಾ ಪಡೆ (ಆರ್ಪಿಎಫ್) ಯೋಧ ನಾಲ್ವರನ್ನು ಗುಂಡಿಕ್ಕಿ ಕೊಂದಿದ್ದಾನೆ. ಬಲಿಯಾದವರಲ್ಲಿ ಮೂವರು ಪ್ರಯಾಣಿಕರು ಮತ್ತು ಆರ್ಪಿಎಫ್ ಸಹಾಯಕ ಸಬ್-ಇನ್ಸ್ಪೆಕ್ಟರ್ (ಎಎಸ್ಐ) ಸೇರಿದ್ದಾರೆ.
ರೈಲ್ವೆ ಸಂರಕ್ಷಣಾ ಪಡೆಯ ಕಾನ್ಸ್ಟೆಬಲ್ ಚೇತನ್ ಎಂಬುವವರು ನಾಲ್ವರ ಮೇಲೆ ಗುಂಡು ಹಾರಿಸಿದ್ದಾರೆ. ಸೋಮವಾರ ಮುಂಜಾನೆ 5 ಗಂಟೆ ಸುಮಾರಿಗೆ ವಾಪಿಯಿಂದ ಬೊರಿವಲಿಯಿಂದ ಮೀರಾ ರೋಡ್ ನಿಲ್ದಾಣದ ನಡುವೆ ಈ ಘಟನೆ ನಡೆದಿದೆ. ಆರೋಪಿ ಕಾನ್ಸ್ಟೆಬಲ್ನನ್ನು ಮುಂಬೈ ರೈಲ್ವೇ ಪೊಲೀಸರು ಬಂಧಿಸಿದ್ದಾರೆ.ಘಟನೆಗೆ ಕಾರಣವೇನು ಎನ್ನುವ ಬಗ್ಗೆ ಇನ್ನೂ ತಿಳಿದು ಬಂದಿಲ್ಲ.
ಜೈಪುರ ಎಕ್ಸ್ಪ್ರೆಸ್ನ (ರೈಲು ಸಂಖ್ಯೆ 12956) B5 ಕೋಚ್ನಲ್ಲಿ ಈ ಘಟನೆ ನಡೆದಿದೆ.ಪೊಲೀಸರ ಹೇಳಿಕೆಯ ಪ್ರಕಾರ, "ರೈಲು ಸಂಖ್ಯೆ 12956 ರಲ್ಲಿ 31.7.23 ರಂದು ಬೆಳಿಗ್ಗೆ 5.23 ಕ್ಕೆ ಬಿ 5 ಕೋಚ್ನಲ್ಲಿ ಗುಂಡಿನ ದಾಳಿ ನಡೆದಿದೆ ಎಂದು ವರದಿಯಾಗಿದೆ. ಬೆಂಗಾವಲು ಕರ್ತವ್ಯದಲ್ಲಿದ್ದ ಸಿ.ಟಿ.ಚೇತನ್ ಅವರು ಎಸ್ಕಾರ್ಟ್ ಪ್ರಭಾರಿ ಎಎಸ್ಐ ಟಿಕಾ ರಾಮ್ ಮೇಲೆ ಗುಂಡು ಹಾರಿಸಿರುವುದು ದೃಢಪಟ್ಟಿದೆ. ರೈಲು BVI ಗೆ ಆಗಮಿಸಿದೆ ಮತ್ತು ಮುಂಗಡ ಮಾಹಿತಿಯ ಪ್ರಕಾರ, ASI ಜೊತೆಗೆ 3 ನಾಗರಿಕರ ಸಾವುನೋವುಗಳು ವರದಿಯಾಗಿದೆ. ಕಾನ್ಸ್ಟೆಬಲ್ ಸಿಕ್ಕಿಬಿದ್ದಿದ್ದಾನೆ'.
'ವಿವರವಾದ ವರದಿಯನ್ನು ನೀಡಲು ಡಿಸಿಪಿ ಉತ್ತರ ಜಿಆರ್ಪಿಗೆ ಮಾಹಿತಿ ನೀಡಲಾಗಿದೆ" ಎಂದು ಪೊಲೀಸ್ ಹೇಳಿಕೆ ಸೇರಿಸಲಾಗಿದೆ. ಹೆಚ್ಚಿನ ಮಾಹಿತಿಯನ್ನು ನಿರೀಕ್ಷಿಸಲಾಗಿದೆ.
Click it and Unblock the Notifications
Sign in with Google