ರಾಹುಲ್ ಗಾಂಧಿ ಟ್ವಿಟ್ಟರ್ ಖಾತೆಗೆ ಹ್ಯಾಕರ್ಸ್ ಕನ್ನ
ಎಐಸಿಸಿ ಉಪಾಧ್ಯಕ್ಷ ರಾಹುಲ್ ಗಾಂಧಿ ಅವರ ಅಧಿಕೃತ ಟ್ವಿಟ್ಟರ್ ಖಾತೆಗೆ ಹ್ಯಾಕರ್ಸ್ ಬುಧವಾರ ಕನ್ನ ಹಾಕಿದ್ದಾರೆ. ಹ್ಯಾಕ್ ಮಾಡಿದ ಮೇಲೆ ನಿಂದನಾತ್ಮಕ ಟ್ವೀಟ್ ಪೋಸ್ಟ್ ಮಾಡಿದ ಘಟನೆ ನಡೆದಿತ್ತು. ಬಳಿಕ ನಿಂದನಾತ್ಮಕ ಟ್ವೀಟ್ ಗಳನ್ನು ಡಿಲೀಟ್ ಆಗಿದೆ
ನವದೆಹಲಿ, ನವೆಂಬರ್ 30: ಎಐಸಿಸಿ ಉಪಾಧ್ಯಕ್ಷ ರಾಹುಲ್ ಗಾಂಧಿ ಅವರ ಅಧಿಕೃತ ಟ್ವಿಟ್ಟರ್ ಖಾತೆಗೆ ಹ್ಯಾಕರ್ಸ್ ಬುಧವಾರ ಕನ್ನ ಹಾಕಿದ್ದಾರೆ. ಹ್ಯಾಕ್ ಮಾಡಿದ ಮೇಲೆ ನಿಂದನಾತ್ಮಕ ಟ್ವೀಟ್ ಪೋಸ್ಟ್ ಮಾಡಿದ ಘಟನೆ ನಡೆದಿತ್ತು.
ರಾಹುಲ್ ಗಾಂಧಿ ಅವರ ಕುಟುಂಬದ ಬಗ್ಗೆ ಕೆಲ ನಿಂದನಾತ್ಮಕ ಟ್ವೀಟ್ ಮಾಡಲಾಗಿತ್ತು. ರಾಹುಲ್ ಗಾಂಧಿ ಟ್ವೀಟರ್ ಬಳಸಿ "ನನ್ನ ಕುಟುಂಬ ಭ್ರಷ್ಟ" ಎಂದು ಬರೆಯಲಾಗಿತ್ತು.
ಜತೆಗೆ 'We are legion' ಎಂದು ಬರೆಯಲಾಗಿತ್ತು. ಇದಾದ ಬಳಿಕ ನಿಂದನಾತ್ಮಕ ಟ್ವೀಟ್ ಗಳನ್ನು ಡಿಲೀಟ್ ಮಾಡಿ ಖಾತೆಯನ್ನು ಪುನಃ ಸಮಸ್ಥಿತಿಗೆ ತರಲಾಗಿದೆ.
ಮೈಕ್ರೋ ಬ್ಲಾಗಿಂಗ್ ತಾಣ ಟ್ವಿಟ್ಟರ್ ನಲ್ಲಿ ರಾಹುಲ್ ಗಾಂಧಿ(@OfficeofRG) ಸುಮಾರು 1.21 ಮಿಲಿಯನ್ ಫಾಲೋವರ್ಸ್ ಹೊಂದಿದ್ದಾರೆ.
ಟ್ವಿಟ್ಟರ್ ಫ್ರೊಫೈಲ್ ಫೋಟೋ ಕೂಡಾ ತೆಗೆದು ಹಾಕಲಾಗಿತ್ತು. ಈ ಬಗ್ಗೆ ಸೈಬರ್ ಪೊಲೀಸರಿಗೆ ದೂರು ನೀಡಲಾಗುವುದು ಎಂದು ಕಾಂಗ್ರೆಸ್ ನ ಪ್ರಣವ್ ಝಾ ಹೇಳಿದ್ದಾರೆ.
Hacking of@OfficeofRG proves lack of Digital safety around each one of us. Every digital info can be accessed, altered, morphed & modified.
— Randeep S Surjewala (@rssurjewala) November 30, 2016
ರಾಹುಲ್ ಗಾಂಧಿ ಖಾತೆ ಕನ್ನ ಹಾಕುತ್ತಾರೆ ಎಂದರೆ ಡಿಜಿಟಲ್ ಸುರಕ್ಷತೆ ಬಗ್ಗೆ ಯೋಚಿಸಬೇಕಿದೆ. ಎಲ್ಲಾ ಡಿಜಿಟಲ್ ಮಾಹಿತಿ ಕಳ್ಳರ ಪಾಲಾಗುತ್ತದೆ ಎಂದರೆ ಕಷ್ಟ ಎಂದು ರಣದೀಪ್ ಬರೆದಿದ್ದಾರೆ. (ಐಎಎನ್ಎಸ್)