ಫ್ರೆಂಚ್ ಸಿನಿಮಾದಲ್ಲಿ ಹೂಡಿಕೆ ಮಾಡಿದ್ದು ಸತ್ಯ ಎಂದು ಒಪ್ಪಿಕೊಂಡ ರಿಲಯನ್ಸ್
ನವದೆಹಲಿ, ಸೆಪ್ಟೆಂಬರ್ 27: ಫ್ರಾನ್ಸ್ನ ಮಾಜಿ ಅಧ್ಯಕ್ಷ ಫ್ರಾಂಕೊಯಿಸ್ ಒಲಾಂಡ್ ಅವರ ಪ್ರೇಯಸಿ ಜೂಲಿ ಗಯೆಟ್ ಅವರ ನಿರ್ಮಾಣದ ಫ್ರೆಂಚ್ ಸಿನಿಮಾ 'ಟೌಟ್ ಲಾ ಹೌಟ್'ಗೆ ಶೇ 15ರಷ್ಟು ಬಂಡವಾಳ ಹೂಡಿರುವುದು ನಿಜ ಎಂದು ಅನಿಲ್ ಅಂಬಾನಿ ಅವರ ರಿಲಯನ್ಸ್ ಎಂಟರ್ಟೈನ್ಮೆಂಟ್ ಹೇಳಿದೆ.
ತನ್ನ ಪಾಲುದಾರರಲ್ಲಿ ಒಂದಾದ ಫ್ರೆಂಚ್ ಹಣಕಾಸು ಸಂಸ್ಥೆ ವಿಸ್ವಿರೆಸ್ ಕ್ಯಾಪಿಟಲ್ ಮೂಲಕ ಸಿನಿಮಾದ ನಿರ್ಮಾಣಕ್ಕೆ ರಿಲಯನ್ಸ್ ಎಂಟರ್ಟೈನ್ಮೆಂಟ್ 1.48 ಮಿಲಿಯನ್ ಯುರೋಗಳನ್ನು ನೀಡಿದೆ ಎಂದು ಕಂಪೆನಿ ಹೇಳಿಕೆಯಲ್ಲಿ ಖಚಿತಪಡಿಸಿದೆ.
ವಿಸ್ವಿರೆಸ್ ಕ್ಯಾಪಿಟಲ್ಗೆ 2017ರ ಡಿಸೆಂಬರ್ 5ರಂದು ರಿಲಯನ್ಸ್ ಎಂಟರ್ಟೈನ್ಮೆಂಟ್ ಕೇವಲ 1.48 ಮಿಲಿಯನ್ ಯುರೊಗಳನ್ನು ಪಾವತಿಸಿದೆ. 2017ರ ಡಿಸೆಂಬರ್ 20ರಂದು ಸಿನಿಮಾ ಬಿಡುಗಡೆಯಾಗುವ ಎರಡು ವಾರಗಳ ಮುಂಚೆಯಷ್ಟೇ ನೀಡಲಾಗಿತ್ತು ಎಂದು ತಿಳಿಸಿದೆ.
ಸಿನಮಾವಲ್ಲದೆ ವಿಸ್ ವಿರೆಸ್ ಕ್ಯಾಪಿಟಲ್ನಲ್ಲಿ ಇಂಟರ್ ಅಲಿಯಾ ಇನ್ ಸುಲಾ ವೈನ್ಸ್ ಆಂಡ್ ಗ್ರೋವರ್ ವೈನ್ಯಾರ್ಡ್ಸ್ ನಲ್ಲಿಯೂ ಸಹಭಾಗಿ ಹೂಡಿಕೆ ಸೇರಿದಂತೆ ಕೆಲವು ಹೂಡಿಕೆ ಮಾಡಿದೆ.
ವಿಸ್ ವಿರೆಸ್ ಕ್ಯಾಪಿಟಲ್, ಭಾರತದ ನಂಟು ಹೊಂದಿರುವ ಸಿಂಗಪುರದ ಮೂಲದ, ಉದ್ಯಮಿ ಹಾಗೂ ಅಂಬಾನಿ ಅವರ ಸ್ನೇಹಿತರಾಗಿರುವ ರವಿ ವಿಶ್ವನಾಥನ್ ಅವರ ಒಡೆತನದ ಸಂಸ್ಥೆ.
Anil Ambani’s Reliance Entertainment has confirmed it financed 15% of the budget of Tout La-Haut, a French film produced by Julie Gayet, partner of France's then President Francois Hollande. It paid 1.48 million Euros through its partner, French financing firm Visvires Capital.
— George Thomas (@Georgthomas1947) 27 September 2018
ರಿಲಯನ್ಸ್ ಎಂಟರ್ಟೈನ್ಮೆಂಟ್ ಜೂಲಿ ಗಯೆಟ್ ಅವರೊಂದಿಗೆ ಅಥವಾ ಅವರ ಕಂಪೆನಿಯೊಂದಿಗೆ ಯಾವುದೇ ಒಪ್ಪಂದಕ್ಕೆ ಸಹಿ ಹಾಕಿಲ್ಲ. ಸಿನಿಮಾಕ್ಕೆ ಸಂಬಂಧಿಸಿದಂತೆ ರಿಲಯನ್ಸ್ ಎಂಟರ್ಟೈನ್ಮೆಂಟ್ ಅವರಿಗೆ ನೇರವಾಗಿ ಹಣ ನೀಡಿಲ್ಲ ಎಂದು ಹೇಳಿಕೆ ತಿಳಿಸಿದೆ.
ಲಡಾಕ್ನಲ್ಲಿನ ಕ್ಲಿಷ್ಟಕರ ಪರ್ವತ ಪ್ರದೇಶದಲ್ಲಿ ಇದೇ ಸಿನಿಮಾದ ಶೂಟಿಂಗ್ ಮಾಡಲು ಫ್ರೆಂಚ್ ನಿರ್ಮಾಪಕರಿಗೆ ಸಹಾಯ ಮಾಡಿದ್ದಕ್ಕೆ ಅವರಿಂದ 3 ಲಕ್ಷ ಯುರೋಗಳನ್ನು ಪಡೆದುಕೊಳ್ಳಲಾಗಿದೆ ಎಂದು ಕಂಪೆನಿ ವಿವರಿಸಿದೆ.
Click it and Unblock the Notifications
Sign in with Google