ಆಜಾನ್ ಮೊಳಗಿದಾಗ ಮೋದಿಯ ಮೌನಕ್ಕೆ ಟೀಕೆಯೇಕೆ?

Updated: Friday, December 1, 2017, 9:49 [IST]

ನವಸಾರಿ(ಗುಜರಾತ್), ನವೆಂಬರ್ 30: ಒಂದಲ್ಲ ಒಂದು ಕಾರಣಕ್ಕೆ ಸದಾ ಸುದ್ದಿಯಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ ಇದೀಗ ಆಜಾನ್ ಕಾರಣಕ್ಕೆ ಸುದ್ದಿಯಾಗಿದ್ದಾರೆ. ಗುಜರಾತಿನ ನವರಾಸಿಯಲ್ಲಿ ಚುನಾವಣಾ ಪ್ರಚಾರ ಸಭೆಯೊಂದನ್ನು ಉದ್ದೇಶಿಸಿ ಮಾತನಾಡುತ್ತಿದ್ದ ಮೋದಿ, ಆಜಾನ್ (ಮುಸ್ಲಿಮರ ಪ್ರಾರ್ಥನೆ) ಕೇಳುತ್ತಿದ್ದಂತೆಯೇ ಮಾತನ್ನು ಅರ್ಧಕ್ಕೇ ನಿಲ್ಲಿಸಿ ಆಜಾನ್ ಮುಗಿಯುವವರೆಗೂ ಕಾದರು.

ಇದಕ್ಕೂ ಮೊದಲೂ ಒಮ್ಮೆ, ಪಶ್ಚಿಮ ಬಂಗಾಳದ ಖಾರಗ್ಪುರದಲ್ಲಿಯೂ ಮಾತನಾಡುತ್ತಿದ್ದ ಮೋದಿ, ಆಜಾನ್ ಕೇಳುತ್ತಿದ್ದಂತೆಯೇ ತಮ್ಮ ಮಾತನ್ನು ನಿಲ್ಲಿಸಿ, ಪ್ರಾರ್ಥನೆಗೆ ಗೌರವ ಸಲ್ಲಿಸಿದ್ದರು.

ಗುಜರಾತಿನಲ್ಲಿ ಡಿಸೆಂಬರ್ 9 ಮತ್ತು 14 ರಂದು ನಡೆಯಲಿರುವ ವಿಧಾನಸಭಾ ಚುನಾವಣೆಯ ಪ್ರಚಾರಕ್ಕಾಗಿ ದಿನದಿನವೂ ಬೇರೆ ಬೇರೆ ಕ್ಷೇತ್ರಗಳಲ್ಲಿ ಸಾರ್ವಜನಿಕ ಸಭೆಯಲ್ಲಿ ಭಾಗವಹಿಸುತ್ತಿರುವ ಮೋದಿ, ಇಂದು(ನ.30) ಆಜಾನ್ ಕೇಳುತ್ತ ಮೌನವಾಗಿದ್ದು ಹಲವು ಟೀಕೆಗಳನ್ನೂ ಹುಟ್ಟುಹಾಕಿದೆ.

ಕೆಲವರು ಪ್ರಧಾನಿ ಮೋದಿಯವರು ಸರ್ವಮತಗಳನ್ನೂ ಗೌರವಿಸುತ್ತಾರೆ, ಅವರು ಜಾತ್ಯಾತೀತರು ಎಂದು ಹೊಗಳಿದ್ದರೆ, ಮತ್ತಷ್ಟು ಜನ, ಇವೆಲ್ಲ ಚುನಾವಣೆಯ ಗಿಮಿಕ್ ಎಂದಿದ್ದಾರೆ. ಒಟ್ಟಿನಲ್ಲಿ ಪ್ರಧಾನಿಯ ಪ್ರತಿಯೊಂದು ನಡೆಯೂ ಸುದ್ದಿಯಾಗುವುದಂತೂ ಸತ್ಯ!

By this gesture, he probably gained 1-2 M votes but lost thousands of H votes
— Mohan Ramchandani (@mohan_melody) November 30, 2017

ಸಾವಿರ ಹಿಂದುಗಳ ಮತ ಕಳೆದುಕೊಂಡಿದ್ದಾರೆ!

ಆಜಾನ್ ಗೆ ಗೌರವ ನೀಡುವ ಮೂಲಕ ನರೇಂದ್ರ ಮೋದಿ ಒಂದು ಅಥವಾ ಎರಡು ಮುಸ್ಲಿಂ ಮತ ಪಡೆಯಬಹುದು. ಆದರೆ ಆ ನಡೆಯಿಂದ ಅವರು ಸಾವಿರಾರು ಹಿಂದುಗಳ ಮತಕಳೆದುಕೊಂಡಿದ್ದಾರೆ ಎಂದು ಮೋಹನ್ ರಾಮ್ಚಂದಾನಿ ಎಂಬುವವರು ಟ್ವೀಟ್ ಮಾಡಿದ್ದಾರೆ.

That's show we as Hindu respect all the religion. The work done by our PM is great. Aur ese hi kahte Hai Pyar se Marna.
— ram prakash Singh (@csinghrathaur) November 30, 2017

ಮೋದಿ ಗೌರವ ಹುಟ್ಟುವಂಥ ಕೆಲಸ ಮಾಡಿದ್ದಾರೆ

ಮೋದಿಯವರ ಈ ನಡೆಯಿಂದ, ಹಿಂದುಗಳು ಎಲ್ಲಾ ಮತಗಳನ್ನೂ ಗೌರವಿಸುತ್ತಾರೆ ಎಂಬುದು ಸಾಬೀತಾಗಿದೆ. ಈ ನಡೆಯಿಂದ ಮೋದಿಯವರ ಮೇಲೆ ಗೌರವ ಹೆಚ್ಚಾಗಿದೆ ಎಂದು ರಾಮ್ ಪ್ರಕಾಶ್ ಸಿಂಗ್ ಎಂಬುವವರು ಮೋದಿ ನಡೆಯನ್ನು ಬೆಂಬಲಿಸಿದ್ದಾರೆ.

So we found the secret to keep his mouth shut!!! Eureka 🕺🕺. Now onwards just play Azaan as soon he starts speeches
— akshay (@akshay__gupta) November 30, 2017

ಮೋದಿ ಬಾಯಿಮುಚ್ಚಿಸೋಕೆ ಹೊಸ ದಾರಿ ಸಿಕ್ಕಿತು!

ಅಂದರೆ ಮೋದಿಯವರ ಬಾಯಿಮುಚ್ಚಿಸುವುದಕ್ಕೆ ನಮಗೊಂದು ದಾರಿ ಸಿಕ್ಕಿತು! ಇಂದಿನಿಂದ ಅವರು ಮಾತು ಶುರುಮಾಡುತ್ತಿದ್ದಂತೆಯೇ ಆಜಾನ್ ಶುರುಮಾಡೋಣ ಎಂದು ಅಕ್ಷಯ್ ಎನ್ನುವವರು ಟ್ವೀಟ್ ಮಾಡಿದ್ದಾರೆ.

He might have thought to talk about development in the last 22 years but alas there wasn't any!!
So back to rhetorics "Bhaio Behno" 😂😂
— Sandeep Nair (@scoopnsmoothie) November 30, 2017

ಮೌನವಾಗಿದ್ದುದಕ್ಕೆ ಕಾರಣ ಬೇರೆಯೇ ಇದೆ!

ಮೋದಿ ಮೌನವಾಗಿದ್ದುದು ಆಜಾನ್ ಗೆ ಗೌರವ ನೀಡುವುದಕ್ಕಲ್ಲ. ಬಹುಶಃ 22 ವರ್ಷಗಳ ಅಭಿವೃದ್ಧಿ ಕಾರ್ಯವನ್ನು ಹೇಳಿ ಎಂದು ಜನ ದುಂಬಾಲು ಬಿದ್ದಿರಬೇಕು, ಆಗ ಹೇಳುವುದಕ್ಕೆ ಏನೂ ಇಲ್ಲ ಎಂಬುದು ನೆನಪಾಗಿ ಮೌನವಾಗಿದ್ದರು ಅನ್ನಿಸುತ್ತೆ ಎಂದು ಸಂದೀಪ್ ನಾಯರ್ ಎಂಬುವವರು ಟ್ವೀಟ್ ಮಾಡಿದ್ದಾರೆ.