"ಸದ್ಯದಲ್ಲೇ 100 ರೂಪಾಯಿ ಗಡಿ ದಾಟಲಿದೆ ಪೆಟ್ರೋಲ್, ಡೀಸೆಲ್!"
Recommended Video
ಅಮರಾವತಿ, ಸೆಪ್ಟೆಂಬರ್ 04: ಸದ್ಯದಲ್ಲೇ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ 100 ರೂ. ಗಡಿ ದಾಟಲಿದೆ ಎಂದು ಆಂಧ್ರಪ್ರದೇಶ ಮುಖ್ಯಮಂತ್ರಿ ಚಂದ್ರಬಾಬು ನಾಯ್ಡು ಲೇವಡಿ ಮಾಡಿದ್ದಾರೆ.
ಆಂಧ್ರಪ್ರದೇಶದ ಅಮರಾವತಿಯಲ್ಲಿ ಸುದ್ದಿಗೋಷ್ಠಿಯೊಂದರಲ್ಲಿ ಮಾತನಾಡುತ್ತಿದದ್ದ ನಾಯ್ಡು, ಡಾಲರ್ ಎದುರು ರೂಪಾಯಿ ಮೌಲ್ಯವೂ ಪಾತಳಕ್ಕೆ ಕುಸಿದು, ಒಂದು ಡಾಲರ್ ಗೆ 100 ರೂ.ತೆರಬೇಕಾಗುತ್ತದೆ. ಹಾಗೆಯೇ ಪೆಟ್ರೋಲ್ ಮತ್ತು ಡೀಸೆಲ್ ದರ 100 ರೂ ಗಡಿ ದಾಟುತ್ತದೆ. ಕೇಂದ್ರ ಸರ್ಕಾರಕ್ಕೆ ಬೆಲೆ ಏರಿಕೆಯನ್ನು ನಿಯಂತ್ರಣಕ್ಕೆ ತರುವುದಕ್ಕೆ ಸಾಧ್ಯವಾಗಿಲ್ಲ. ಇದು ಸರ್ಕಾರದ ವೈಫಲ್ಯ ಎಂದು ಎನ್ ಡಿಎ ಸರ್ಕಾರವನ್ನು ತರಾಟೆಗೆ ತೆಗೆದುಕೊಂಡರು.
ಅಪನಗದೀಕರಣದಿಂದ ನಾವು ಏನನ್ನು ಸಾಧಿಸಿದ್ದೇವೆ? ಇಂದು ಬ್ಯಾಂಕುಗಳ ಸ್ಥಿತಿ ಏನಾಗಿದೆ ಎಂಬುದು ಗೊತ್ತಾಗುತ್ತಿದೆ. ದೊಡ್ಡ ಮೌಲ್ಯದ ನೋಟುಗಳನ್ನು ರದ್ದುಮಾಡಬೇಕು. 2000 ಮುಖಬೆಲೆಯ ನೋಟಿನ ಅಗತ್ಯ ಏನಿತ್ತು ಎಂದು ಅವರು ಪ್ರಶ್ನಿಸಿದ್ದಾರೆ.
ಸೆ.3ರಂದು ಬೆಂಗಳೂರಿನಲ್ಲಿ ಪೆಟ್ರೋಲ್ ಬೆಲೆ ಲೀಟರ್ ಗೆ 81.72 ರೂ.ದಾಖಲಾಗಿತ್ತು. ಡೀಸೆಲ್ ಬೆಲೆ ಲೀಟರ್ ಗೆ 73.44 ರೂ. ಇತ್ತು. ಮುಂಬೈಯಲ್ಲಿ ಡೀಸೆಲ್ ದರ ಲೀಟರ್ ಗೆ 75.54 ರೂ.ತಲುಪಿದ್ದರೆ, ಪೆಟ್ರೋಲ್ ದರ ಬರೋಬ್ಬರಿ 86.56 ರೂ.ತಲುಪಿತ್ತು.
Click it and Unblock the Notifications
Sign in with Google