ಶಶಿಕಲಾ ವಿರುದ್ಧದ ಆನ್ ಲೈನ್ ಪಿಟಿಷನ್ ಗೆ ಒಂದೂವರೆ ಲಕ್ಷ ಸಹಿ
ತಮಿಳುನಾಡು ವಿಧಾನಸಭೆ ವಿಸರ್ಜಿಸಿ ಹಾಗೂ ಶಶಿಕಲಾ ಮುಖ್ಯಮಂತ್ರಿಯಾಗುವುದನ್ನು ತಡೆಯಿರಿ ಎಂಬರ್ಥದ ಈ ಆನ್ ಲೈನ್ ಜನಾಭಿಪ್ರಾಯ ಆಂದೋಲನಕ್ಕೆ ಈಗಾಗಲೇ 1,64,334 ಜನ ಸಹಿ ಹಾಕಿದ್ದಾರೆ.
ಎಐಡಿಎಂಕೆ ಪಕ್ಷದ ನಾಯಕಿ ಶಶಿಕಲಾ ಅವರು ತಮಿಳುನಾಡು ಮುಖ್ಯಮಂತ್ರಿಯಾಗಲಿರುವುದರ ವಿರುದ್ಧ ಸಲ್ಲಿಸಲಾಗಿದ್ದ ಆನ್ ಲೈನ್ ಅರ್ಜಿಗೆ ಸುಮಾರು ಒಂದೂವರೆ ಲಕ್ಷಕ್ಕೂ ಹೆಚ್ಚು ಜನ ಸಹಿ ಹಾಕಿ ಬೆಂಬಲ ಸೂಚಿಸಿದ್ದಾರೆ. ಈ ಅರ್ಜಿಯನ್ನು ಸಹಿ ಸಂಗ್ರಹ ಸಮೇತ ರಾಷ್ಟ್ರಪತಿ ಪ್ರಣವ್ ಮುಖರ್ಜಿಯವರಿಗೆ ಸಲ್ಲಿಸುವುದಾಗಿ ಈ ಅರ್ಜಿಯ ಮೂಲಕ ಆನ್ ಲೈನ್ ನಲ್ಲಿ ಜನಾಭಿಪ್ರಾಯ ಸಂಗ್ರಹಕ್ಕೆ ಮುಂದಾಗಿರುವ ತಮಿಳ್ ಅರಸನ್ ಹೇಳಿದ್ದಾರೆ.[ಶಶಿಕಲಾಗೆ ಮಂಗಳವಾರ ಸಿಎಂ ಪಟ್ಟಕ್ಕೇರುವ ಯೋಗವಿಲ್ಲ!]
ತಮ್ಮ ಈ ನಡೆಯನ್ನು ಸಮರ್ಥಿಸಿಕೊಂಡಿರುವ ಅವರು, ಹಣಕಾಸು ವಂಚನೆ ಪ್ರಕರಣಗಳನ್ನು ಎದುರಿಸುತ್ತಿರುವ ಶಶಿಕಲಾ ಅವರು ಎಂದಿಗೂ ತಮಿಳುನಾಡು ಮುಖ್ಯಮಂತ್ರಿ ಗಾದಿಗೆ ಏರಕೂಡದು ಎಂದು ಆಗ್ರಹಿಸಿದ್ದಾರೆ.[ಜಯಲಲಿತಾ ಹತ್ಯೆ ಮಾಡಲಾಗಿದೆ: ಪಾಂಡ್ಯನ್ ಆರೋಪ]
ತಮಿಳುನಾಡು ವಿಧಾನಸಭೆ ವಿಸರ್ಜಿಸಿ ಹಾಗೂ ಶಶಿಕಲಾ ಮುಖ್ಯಮಂತ್ರಿಯಾಗುವುದನ್ನು ತಡೆಯಿರಿ ಎಂಬರ್ಥದ ಈ ಆನ್ ಲೈನ್ ಜನಾಭಿಪ್ರಾಯ ಆಂದೋಲನಕ್ಕೆ ಈಗಾಗಲೇ 1,64,334 ಜನ ಸಹಿ ಹಾಕಿದ್ದಾರೆ.[ಜಯಾ ಚಿಕಿತ್ಸೆಗೆ 5.5 ಕೋಟಿ ಖರ್ಚು ಮತ್ತು ಇತರ 9 ಸಂಗತಿ]
ಏತನ್ಮಧ್ಯೆ, ಸಹಿ ಹಾಕುವುದರ ಜತೆಯಲ್ಲೇ ಕೆಲವರು ತಮ್ಮ ಅಭಿಪ್ರಾಯಗಳನ್ನೂ ದಾಖಲಿಸಿದ್ದು, ''ಶಶಿಕಲಾ ಅವರು ಮುಖ್ಯಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದರೆ, ಅದು ತಮಿಳುನಾಡಿನ ಇತಿಹಾಸದಲ್ಲಿ ಕಪ್ಪು ದಿನ ಆಗಲಿದೆ'' ಎಂದು ಬಣ್ಣಿಸಿದ್ದಾರೆ.