ಕೋವಿಡ್ ಹೆಚ್ಚಳ: 12 ವರ್ಷದೊಳಗಿನ ಮಕ್ಕಳಿಗೆ ಆಗಸ್ಟ್ 7ರವರೆಗೆ ರಜೆ

Published: Saturday, July 23, 2022, 12:26 [IST]

ಮಣಿಪುರ,ಜುಲೈ,23: ಮಣಿಪುರದಲ್ಲಿ ಕೋವಿಡ್-19 ಪ್ರಕರಣಗಳು ಹೆಚ್ಚಳವಾಗುತ್ತಿರುವ ಹಿನ್ನೆಲೆಯಲ್ಲಿ 12 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಿಗೆ (ಅಂದರೆ 7ನೇ ತರಗತಿಯವರೆಗೆ) ದೈಹಿಕ ತರಗತಿಗಳನ್ನು ನಡೆಸದಿರಲು ಶಿಕ್ಷಣ ಇಲಾಖೆ ಆದೇಶ ಹೊರಡಿಸಿದೆ.

12 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳ ಆರೋಗ್ಯ ಮತ್ತು ಮುನ್ನೆಚ್ಚರಿಕೆ ಕ್ರಮವಾಗಿ ಆಗಸ್ಟ್ 7 ರವರೆಗೆ ದೈಹಿಕ ತರಗತಿಗಳನ್ನು ನಡೆಸದಿರಲು ಶಿಕ್ಷಣ ಇಲಾಖೆ ಅಧಿಕಾರಿಗಳು ನಿರ್ಧರಿಸಿದ್ದಾರೆ.

ರಾಜ್ಯದಲ್ಲಿ ಹೆಚ್ಚಾಗುತ್ತಿರುವ ಕೋವಿಡ್ -19 ಪರಿಸ್ಥಿತಿಯನ್ನು ರಾಜ್ಯ ಸರ್ಕಾರ ಪರಿಗಣಿಸಿದ ನಂತರ ಶಿಕ್ಷಣ ಇಲಾಖೆ ಆಯುಕ್ತ ಎಚ್. ಜ್ಞಾನ್ ಪ್ರಕಾಶ್ ಅವರು ಈ ಸಂಬಂಧ ಆದೇಶ ಹೊರಡಿಸಿದ್ದಾರೆ. ಪ್ರಸ್ತುತ ಸನ್ನಿವೇಶದಲ್ಲಿ 12 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳು ಕೋವಿಡ್-19 ಸೋಂಕಿಗೆ ಒಳಗಾಗುವ ಸಾಧ್ಯತೆ ಹೆಚ್ಚಾಗಿದೆ. ಏಕೆಂದರೆ ಅವರು ಇನ್ನೂ ಲಸಿಕೆಯನ್ನು ಪಡೆಯುವುದಿಲ್ಲ ಎಂದು ತಿಳಿಸಿದ್ದಾರೆ.

ರಾಜ್ಯದಲ್ಲಿರುವ ಎಲ್ಲಾ ಶಾಲೆಗಳು (ಸರ್ಕಾರಿ/ ಸರ್ಕಾರಿ ಅನುದಾನಿತ/ಖಾಸಗಿ/ ಸಿಬಿಎಸ್‌ಇಗೆ ಸಂಯೋಜಿತವಾಗಿರುವ, ಇತ್ಯಾದಿ) ಹನ್ನೆರಡು ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಿಗೆ ಅಂದರೆ 7ನೇ ತರಗತಿಯವರೆಗೆ ದೈಹಿಕ ತರಗತಿಗಳನ್ನು ನಡೆಸಲಾಗುವುದಿಲ್ಲ. ಅಲ್ಲದೆ ಸಾರ್ವಜನಿಕ ಹಿತಾಸಕ್ತಿ ಹಿನ್ನೆಲೆಯಲ್ಲಿಈ ವಿದ್ಯಾರ್ಥಿಗಳಿಗೆ ಆಗಸ್ಟ್ 7 ರವರೆಗೆ ಶಾಲೆಗೆ ರಜೆ ನೀಡಲಾಗಿರುತ್ತದೆ ಎಂದು ಆದೇಶದಲ್ಲಿ ತಿಳಿಸಲಾಗಿದೆ.

ಕೋವಿಡ್ ನಿಯಮಾವಳಿ, ಕೋವಿಡ್-19 ಎಸ್‌ಒಪಿ (ಸ್ಟ್ಯಾಂಡರ್ಡ್ ಆಪರೇಟಿಂಗ್ ಪ್ರೊಸೀಜರ್) ಮತ್ತು ಸರ್ಕಾರವು ಕಾಲಕಾಲಕ್ಕೆ ಹೊರಡಿಸಿದ ಮಾರ್ಗಸೂಚಿಗಳನ್ನು ಅನುಮತಿ ನೀಡಲಾದ 8ನೇ ತರಗತಿಗಳು ಮತ್ತು ಅದಕ್ಕಿಂತ ಹೆಚ್ಚಿನ ತರಗತಿಗಳನ್ನು ನಡೆಸುವಾಗ ಸಂಬಂಧಪಟ್ಟ ಎಲ್ಲರೂ ಕಟ್ಟುನಿಟ್ಟಾಗಿ ಪಾಲಿಸಬೇಕು ಎಂದು ಆದೇಶದಲ್ಲಿ ತಿಳಿಸಲಾಗಿದೆ.

ಜುಲೈ 24 ರವರೆಗೆ ಶಾಲೆಗಳಿಗೆ ರಜೆ

ಜುಲೈ 12ರಂದು ಹೊರಡಿಸಿದ ಸರ್ಕಾರಿ ಆದೇಶದಲ್ಲಿ ಜೂನ್ 20ರಿಂದ ಜುಲೈ 15, 2022 ರವರೆಗೆ ಬೇಸಿಗೆ ರಜೆ ಹಿನ್ನೆಲೆಯಲ್ಲಿ ಶಾಲೆಗಳಿಗೆ ರಜೆ ನೀಡಲಾಗಿತ್ತು. ರಾಜ್ಯದಲ್ಲಿ ಕೋವಿಡ್-19 ಪಾಸಿಟಿವ್ ಪ್ರಕರಣಗಳ ಹೆಚ್ಚಳದ ನಂತರ ಜುಲೈ 24 ರವರೆಗೆ ಜುಲೈ 16 ರಂದು ಪುನರಾರಂಭವಾಗಬೇಕಿದ್ದ ಎಲ್ಲಾ ಸರ್ಕಾರಿ ಮತ್ತು ಸರ್ಕಾರಿ ಅನುದಾನಿತ ಶಾಲೆಗಳನ್ನು ಮುಚ್ಚಲು ಆದೇಶಿಸಲಾಗಿದೆ.

ಕೋವಿಡ್‌ ಪಾಸಿಟಿವ್‌ ದರ 8.4%

ಶುಕ್ರವಾರ ನೀಡಲಾದ ರಾಜ್ಯ ಕೋವಿಡ್ -19 ಸಾಮಾನ್ಯ ನಿಯಂತ್ರಣ ಕೊಠಡಿಯ ವರದಿಗಳ ಪ್ರಕಾರ, ಕಳೆದ 24 ಗಂಟೆಗಳಲ್ಲಿ 79 ಜನರು ಪಾಸಿಟಿವ್‌ ಆಗಿದ್ದಾರೆ. ಇದು ರಾಜ್ಯದ ಒಂದೇ ದಿನದ ಪಾಸಿಟಿವ್‌ ದರವನ್ನು 8.4% ಮೀರಿದೆ ಎಂದು ತಿಳಿಸಿದೆ. ರಾಜ್ಯದಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆ 644ಕ್ಕೆ ಏರಿದೆ. ಅವುಗಳಲ್ಲಿ, 453 ಮಂದಿ ಮನೆ ಪ್ರತ್ಯೇಕ ವಾಸದಲ್ಲಿದ್ದಾರೆ.

ಹೊಸ ಸಾವುಗಳು ವರದಿಯಾಗಿಲ್ಲ

ಮಂಗಳವಾರದ ವೇಳೆಗೆ ಮಣಿಪುರದಲ್ಲಿ ಚೇತರಿಸಿಕೊಂಡ ಪ್ರಕರಣಗಳ ಸಂಖ್ಯೆ 1,35,621 ಆಗಿದೆ. ಚೇತರಿಕೆ ಪ್ರಮಾಣ 98% ಆಗಿದೆ. ಮಣಿಪುರದಲ್ಲಿ ಒಟ್ಟಾರೆ ಕ್ಯಾಸೆಲೋಡ್ 1,38,389 ಆಗಿದೆ. ಯಾವುದೇ ಹೊಸ ಸಾವುಗಳು ವರದಿಯಾಗಿಲ್ಲವಾದರೂ, ವೈರಸ್ ರಾಜ್ಯವನ್ನು ಭಾದಿಸಿದಾಗಿನಿಂದ ಸಂಚಿತ ಸಾವಿನ ಸಂಖ್ಯೆ 2,124 ರಷ್ಟಿದೆ.

ಒಟ್ಟು 30,50,919 ಡೋಸ್‌ ಲಸಿಕೆ

ಲಸಿಕೆ ಕುರಿತು ಆರೋಗ್ಯ ಇಲಾಖೆಯ ಇತ್ತೀಚಿನ ಅಂಕಿ ಅಂಶಗಳ ಪ್ರಕಾರ, ಮಣಿಪುರದಲ್ಲಿ 16,06,824 ಮೊದಲ ಡೋಸ್, 12,28,032 ಎರಡನೇ ಡೋಸ್ ಮತ್ತು 1,66,063 ಬೂಸ್ಟರ್‌ ಡೋಸ್‌ಗಳನ್ನು ಒಳಗೊಂಡಂತೆ 30,50,919 ಡೋಸ್‌ಗಳನ್ನು ನೀಡಲಾಗಿದೆ. ಮಣಿಪುರದಲ್ಲಿ ಮೊದಲ ಕೋವಿಡ್ 19 ಪಾಸಿಟಿವ್ ಪ್ರಕರಣವು ಮಾರ್ಚ್ 24, 2020 ರಂದು ಪತ್ತೆಯಾಗಿತ್ತು. ಅದೇ ವರ್ಷ ಜುಲೈ 29 ರಂದು ಸಾಂಕ್ರಾಮಿಕ ರೋಗದಿಂದ ಮೊದಲ ಸಾವಿನ ಪ್ರಕರಣ ವರದಿಯಾಗಿದೆ.