'ನನ್ನ ಆಳ್ವಿಕೆಯಲ್ಲಿ ಯಾರಿಗೂ ಅನ್ಯಾಯವಾಗುವುದಿಲ್ಲ'- ಯುಪಿ ಸಿಎಂ ಯೋಗಿ ಆದಿತ್ಯನಾಥ್ ಭರವಸೆ

ಲಕ್ನೋ ಅಕ್ಟೋಬರ್ 5: ತಮ್ಮ ಆಡಳಿತದಲ್ಲಿ ಯಾವುದೇ ಅನ್ಯಾಯ ಆಗುವುದಿಲ್ಲ ಎಂದು ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಹೇಳಿದ್ದಾರೆ. ಜನರ ಅಹವಾಲು ಆಲಿಸಿದ ಬಳಿಕ ಈ ವಿಷಯ ಅವರು ತಿಳಿಸಿದರು.

ಉತ್ತರ ಪ್ರದೇಶದಲ್ಲಿ ಯೋಗಿ ಆದಿತ್ಯನಾಥ್ ಬಿಜೆಪಿ ಆಡಳಿತ ನಡೆಸುತ್ತಿದ್ದಾರೆ. ಈ ಹಿಂದೆ ರಾಜ್ಯದಲ್ಲಿ ಸತತ 6 ವರ್ಷ ಮುಖ್ಯಮಂತ್ರಿಯಾಗಿ ಯಾರೂ ಕೆಲಸ ಮಾಡಿಲ್ಲ. ಆದರೆ ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ಯೋಗಿ ಆದಿತ್ಯನಾಥ್ ಈ ದಾಖಲೆಯನ್ನು ಮುರಿದಿದ್ದಾರೆ. ಜನರ ಈ ಬೆಂಬಲವನ್ನು ಸಂಸತ್ ಚುನಾವಣೆಗೆ ವಿಸ್ತರಿಸಲು ಅವರು ನಿರಂತರವಾಗಿ ಅನೇಕ ಹೊಸ ಯೋಜನೆಗಳನ್ನು ಘೋಷಿಸುತ್ತಿದ್ದಾರೆ.

ನಿನ್ನೆ ಬೆಳಗ್ಗೆ ಗೋರಖನಾಥ ದೇಗುಲದ ಸಮುಚ್ಚಯದಲ್ಲಿ ಜನರನ್ನು ಭೇಟಿಯಾಗಿ ಅಹವಾಲುಗಳನ್ನು ಆಲಿಸಿ ಮನವಿಗಳನ್ನು ಸ್ವೀಕರಿಸಿ ಈ ವಿಷಯ ತಿಳಿಸಿದರು. ಜನರ ಸಮಸ್ಯೆಗಳನ್ನು ಗಂಭೀರವಾಗಿ ಸೂಕ್ಷ್ಮವಾಗಿ ಆಲಿಸಿ ಸಮಾಧಾನಕರ ಪರಿಹಾರ ನೀಡಬೇಕು. ವೈದ್ಯಕೀಯ, ಶೈಕ್ಷಣಿಕ ಅಗತ್ಯತೆಗಳಿಗಾಗಿ ಬಂದವರಿಗೆ ಆದ್ಯತೆ ನೀಡಿ ಪರಿಹರಿಸಬೇಕು. ಕೆಲವೊಮ್ಮೆ ಇದೇ ರೀತಿಯ ಬೇಡಿಕೆಗಳಿಂದ ಪದೇ ಪದೇ ಜನರು ಮನವಿ ಸಲ್ಲಿಸುತ್ತಾರೆ ಎಂದರು.

ಆದ್ದರಿಂದ ಅಧಿಕಾರಿಗಳು ಜನರ ಅಗತ್ಯವನ್ನು ಅರಿತು ಕೂಡಲೇ ಪರಿಹಾರ ನೀಡಬೇಕು. ಎಲ್ಲಾ ಸಂತ್ರಸ್ತರಿಗೆ ತಕ್ಷಣದ ನೆರವು ನೀಡಬೇಕು ಹಾಗೂ ಭೂ ಒತ್ತುವರಿ ಮಾಡಿಕೊಂಡಿರುವವರ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳಬೇಕು ಎಂದರು.

ಆರ್ಥಿಕತೆಯ ಗಾತ್ರದಲ್ಲಿ ಐದನೇ ಅತಿದೊಡ್ಡ ರಾಜ್ಯವಾದ ಉತ್ತರ ಪ್ರದೇಶವು ದೊಡ್ಡ ರಾಜ್ಯಗಳಿಗೆ ಹೋಲಿಸಿದರೆ 2017-18 ರಿಂದ 2021-22 ರ ಅವಧಿಯಲ್ಲಿ ಅತ್ಯಂತ ವೇಗದಲ್ಲಿ (ಶೇ 14.7) ಬೆಳೆದಿದೆ. 2027-28ರ ವೇಳೆಗೆ ರಾಜ್ಯವನ್ನು $1-ಟ್ರಿಲಿಯನ್ ಆರ್ಥಿಕತೆಯನ್ನಾಗಿ ಮಾಡುವ ಗುರಿಯನ್ನು ನಿಗದಿಪಡಿಸಲಾಗಿದೆ. ಕಳೆದ 2022-2023ರಲ್ಲಿ ರಾಜ್ಯದ ಆರ್ಥಿಕತೆಯು ಎರಡು ಗುರಿಯನ್ನು ಸಾಧಿಸಿದೆ.

ಕೈಗಾರಿಕಾ ಅಭಿವೃದ್ಧಿ ಮತ್ತು ಕೃಷಿಯಲ್ಲಿನ ಧನಾತ್ಮಕ ಬದಲಾವಣೆಯೇ ಇದಕ್ಕೆ ಪ್ರಮುಖ ಕಾರಣ. 2015-2016ರಲ್ಲಿ ಶೇ.36ರಷ್ಟಿದ್ದ ಬಡತನ ಶೇ.18ಕ್ಕೆ ಇಳಿದಿದೆ. ಇಂತಹ ಅಭಿವೃದ್ಧಿಯತ್ತ ಸಾಗುತ್ತಲೇ ಜನರ ಸಮಸ್ಯೆಗಳಿಗೆ ಸೂಕ್ತ ಪರಿಹಾರ ಕಂಡುಕೊಳ್ಳಬೇಕು. ಜನರ ಜೀವನೋಪಾಯ ಮತ್ತು ಆರ್ಥಿಕತೆ ಎರಡೂ ಸಮಾನವಾಗಿ ಬೆಳೆಯಬೇಕು ಎಂದರು.

ನೂತನ ಕೃಷಿ ಯೋಜನೆಗಳು

ಉತ್ತರ ಪ್ರದೇಶದಲ್ಲಿ ಕೃಷಿ ಆದಾಯ ಹೆಚ್ಚಿಸಲು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಹೊಸ ಯೋಜನೆಗಳನ್ನು ಆರಂಭಿಸಿದ್ದಾರೆ. ಈ ಯೋಜನೆಗಳ ಮೂಲಕ ಯುವಜನತೆಯೂ ಹೆಚ್ಚಿನ ಸಂಖ್ಯೆಯಲ್ಲಿ ಕೃಷಿಯತ್ತ ಮುಖ ಮಾಡುವಂತಾಗಲಿ ಎಂದು ಆಶಯ ವ್ಯಕ್ತಪಡಿಸಿದರು.

ಆ ಮೂಲಕ ನಿನ್ನೆ ಕೃಷಿಗೆ ಸಂಬಂಧಿಸಿದ ಹೊಸ ಯೋಜನೆಗಳಿಗೆ ಚಾಲನೆ ನೀಡಿದ್ದಾರೆ. ಈ ಯೋಜನೆಗಳನ್ನು ಉದ್ಘಾಟಿಸಿ ಮಾತನಾಡಿದ ಅವರು, ''ಕೃಷಿಯು ಅತ್ಯಂತ ಪ್ರಮುಖ ಉದ್ಯಮವಾಗಿದೆ. ಇದು ನಮ್ಮ ಬೆನ್ನೆಲುಬು, ರೈತರ ಜೀವನೋಪಾಯವನ್ನು ಉಳಿಸಲು ಮತ್ತು ರಾಷ್ಟ್ರೀಯ ಆರ್ಥಿಕತೆಯನ್ನು ಹೆಚ್ಚಿಸಲು ಪೂರ್ವ ಉತ್ತರ ಪ್ರದೇಶದ ರೈತರ ಕೃಷಿಯನ್ನು ಪುನರ್ರಚಿಸುವುದು ಅಗತ್ಯವಾಗಿದೆ. ಆ ಮೂಲಕ ಹೊಸ ಯೋಜನೆಗಳನ್ನು ಘೋಷಿಸಲಾಗಿದೆ'' ಎಂದು ಅವರು ಹೇಳಿದರು.

English summary

Uttar Pradesh Chief Minister Yogi Adityanath assured that no one will be treated unfairly during my rule.