ಗೋವಾದಲ್ಲೂ ಶುರುವಾಯ್ತು ಮಾರಣಾಂತಿಕ ನಿಪಾಹ್ ವೈರಸ್ ಭೀತಿ

ಗೋವಾ, ಮೇ 28: ಕೇರಳ ಮೂಲದ ವ್ಯಕ್ತಿಯೊಬ್ಬರಿಗೆ ನಿಪಾಹ್ ವೈರಸ್ ಸೋಂಕು ತಗುಲಿದೆ ಎಂಬ ಶಂಕೆಯ ಮೇಲೆ ಗೋವಾದ ಮೆಡಿಕಲ್ ಕಾಲೇಜೊಂದರಲ್ಲಿ ಪ್ರತ್ಯೇಕ ವಾರ್ಡ್ ನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ನಿಪಾಹ್ ವೈರಸ್ ಲಕ್ಷಣಗಳು ಅವರಲ್ಲಿ ಕಂಡುಬಂದಿದ್ದು, ಈ ಕುರಿತು ಹೆಚ್ಚಿನ ತಪಾಸಣೆ ನಡೆಯುತ್ತಿದೆ. ಅವರು ನಿಪಾಹ್ ವೈರಸ್ ಸೋಂಕಿನಿಂದಲೇ ಬಳಲುತ್ತಿದ್ದಾರೆ ಎಂಬ ಕುರಿತು ಇನ್ನೂ ಖಚಿತ ಮಅಹಿತಿ ಲಭ್ಯವಾಗಿಲ್ಲ.

ಮಾರಣಾಂತಿಕ ನಿಪಾಹ್ ವೈರಸ್ ಸೋಂಕಿಗೆ ಕೇರಳಲ್ಲಿ ಈಗಾಗಲೇ 14 ನ ಮೃತರಾಗಿದ್ದು, ಮತ್ತಷ್ಟು ಜನರಿಗೆ ಈ ಸೋಂಕು ತಗುಲಿರಬಹುದೆಂಬ ಶಂಕೆ ವ್ಯಕ್ತವಾಗಿದೆ.

ಮಲೇಶಿಯಾದ ನಿಪಾಹ್ ಎಂಬ ಊರಿನಲ್ಲಿ ಮೊದಲ ಬಾರಿಗೆ ಈ ಸೋಂಕು ಕಂಡುಬಂದಿದ್ದರಿಂದ ಇದಕ್ಕೆ ಅದೇ ಊರಿನ ಹೆಸರು. ಒಂದು ರೀತಿಯ ಫ್ರೂಟ್ ಬ್ಯಾಟ್ಸ್ (ಬಾವಲಿ)ಗಳಿಂದ ಬರುವ ಈ ಕಾಯಿಲೆ ಆರಂಭವಾಗುವ ಹೊತ್ತಿನಲ್ಲಿ ಸಾಮಾನ್ಯ ಜ್ವರದಂತೆಯೇ ಕಂಡುಬರುತ್ತದೆ. ನಂತರ ರೋಗ ಉಲ್ಬಣಿಸಿ ರೋಗಿ ಮರಣಹೊಂದಬಹುದು. ಈ ಅಪಾಯಕಾರಿ ಕಾಯಿಲೆಗೆ ಇದುವೆರಗೆ ಯಾವುದೇ ಲಸಿಕೆ ಪತ್ತೆಯಾಗಿಲ್ಲ.

English summary

A native of Kerala has been kept in an isolated ward of GoaMedical College after he showed symptoms similar to that of Nipah Virus on Monday. Goa Health Minister Vishwajit Rane said that they will know the status of the patient only after the results of the tests.