ಜಾವೇದ್ ಅಖ್ತರ್‌ಗೆ ರಿಲೀಫ್: ಕಂಗನಾ ರಣಾವತ್ ದೂರಿನ ವಿಚಾರಣೆಗೆ ತಡೆ!

ಕ್ರಿಮಿನಲ್ ಬೆದರಿಕೆ ಆರೋಪಿಸಿ ನಟಿ ಕಂಗನಾ ರಣಾವತ್ ಅವರು ನೀಡಿದ ದೂರಿನಲ್ಲಿ ಗೀತರಚನೆಕಾರ ಜಾವೇದ್ ಅಖ್ತರ್‌ಗೆ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯ ನೀಡಿದ್ದ ಸಮನ್ಸ್ ಮತ್ತು ಕ್ರಿಮಿನಲ್ ಪ್ರಕ್ರಿಯೆಗಳಿಗೆ ಮುಂಬೈನ ಸೆಷನ್ಸ್ ನ್ಯಾಯಾಲಯವು ಗುರುವಾರ ತಡೆ ನೀಡಿದೆ.

ಸಮನ್ಸ್ ಜಾರಿ ಮಾಡಿದ ಆದೇಶವನ್ನು ಪ್ರಶ್ನಿಸಿ ಅಖ್ತರ್ ಅವರು ವಕೀಲ ಜೈ ಭಾರದ್ವಾಜ್ ಮೂಲಕ ಸಲ್ಲಿಸಿದ ಪರಿಷ್ಕರಣೆ ಅರ್ಜಿಯ ಮೇಲೆ ಸೆಷನ್ಸ್ ನ್ಯಾಯಾಧೀಶ ಎಝಡ್ ಖಾನ್ ಗುರುವಾರ ತೀರ್ಪು ಪ್ರಕಟಿಸಿದರು. ಅಖ್ತರ್ ಅವರ ವಕೀಲ ವೃಂದಾ ಗ್ರೋವರ್ ಅವರು ಸಮನ್ಸ್ ಆದೇಶಕ್ಕೆ ತಡೆ ನೀಡುವಂತೆ ನ್ಯಾಯಾಲಯವನ್ನು ಒತ್ತಾಯಿಸಿದರು.

ಅದರಂತೆ ಪರಿಷ್ಕರಣೆ ಅರ್ಜಿಯ ಅಂತಿಮ ನಿರ್ಧಾರಕ್ಕೆ ಬಾಕಿ ಇರುವ ಕ್ರಿಮಿನಲ್ ದೂರಿನ ವಿಚಾರಣೆಯನ್ನು ನ್ಯಾಯಾಧೀಶರು ತಡೆಹಿಡಿದರು. ಅವರು ಪರಿಷ್ಕರಣೆ ಅರ್ಜಿಯನ್ನು ಅರ್ಹತೆಯ ಮೇರೆಗೆ ಅಕ್ಟೋಬರ್ 18 ರಂದು ವಿಚಾರಣೆಗೆ ಇರಿಸಿದರು.

ಏನಿದು ಆರೋ?

ನಟ ಹೃತಿಕ್ ರೋಷನ್ ಅವರೊಂದಿಗಿನ ವಿವಾದವನ್ನು ಬಗೆಹರಿಸಲು ಅಖ್ತರ್ ಅವರು ನಟಿ ಕಂಗನಾ ರಣಾವತ್ ಅವರನ್ನು ಮಾರ್ಚ್ 2016 ರಲ್ಲಿ ಅವರ ಮನೆಗೆ ಆಹ್ವಾನಿಸಿದ್ದರು. ಈ ಸಭೆಯಲ್ಲಿ ಅಖ್ತರ್ ಬೆದರಿಕೆ ಮತ್ತು ಅವಮಾನದಂತಹ ಕೆಲವು ವಿಷಯಗಳನ್ನು ಹೇಳಿದ್ದಾರೆ ಎಂದು ಅವರು ಕಂಗನಾ ಆರೋಪಿಸಿದ್ದಾರೆ. ಈ ಆರೋಪದ ಮೇಲೆ ಕಂಗನಾ ಅವರು ಅಖ್ತರ್ ವಿರುದ್ಧ ಸೆಪ್ಟೆಂಬರ್ 16, 2021 ರಂದು ದೂರು ದಾಖಲಿಸಿದ್ದರು.

ಅಖ್ತರ್ ವಿರುದ್ಧದ ಆಕೆಯ ದೂರಿನಲ್ಲಿ ಕ್ರಿಮಿನಲ್ ಬೆದರಿಕೆ (ವಿಭಾಗ 506), ಸುಲಿಗೆ (ಸೆಕ್ಷನ್ 383), ಮತ್ತು ಭಾರತೀಯ ದಂಡ ಸಂಹಿತೆ (ಸೆಕ್ಷನ್ 509) ನಮ್ರತೆಗೆ ಘಾಸಿ ಅಪರಾಧಗಳನ್ನು ಉಲ್ಲೇಖಿಸಲಾಗಿದೆ. ಈ ವರ್ಷ ಜುಲೈ 24 ರಂದು ಅಂಧೇರಿಯ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯವು ಅಖ್ತರ್ ವಿರುದ್ಧದ ಆರೋಪವನ್ನು ಕೈಬಿಟ್ಟಿತು. ಆದರೆ ಐಪಿಸಿಯ ಸೆಕ್ಷನ್ 506 ಮತ್ತು 509 ರ ಅಡಿಯಲ್ಲಿ ಅಪರಾಧಕ್ಕೆ ಸಂಬಂಧಿಸಿದಂತೆ ನ್ಯಾಯಾಲಯಕ್ಕೆ ಹಾಜರಾಗುವಂತೆ ಸಮನ್ಸ್ ನೀಡಿತು.

ಇದರ ವಿರುದ್ಧ ಅಖ್ತರ್ ಸೆಷನ್ಸ್ ನ್ಯಾಯಾಲಯದ ಮೊರೆ ಹೋಗಿದ್ದರು. ಘಟನೆಯ ದಿನಾಂಕದಿಂದ 3 ವರ್ಷಗಳ ಮಿತಿ ಅವಧಿಯ ನಂತರ ದೂರು ದಾಖಲಿಸಲಾಗಿದೆ ಎಂದು ಅಖ್ತರ್ ಪರ ವಕೀಲರು ವಾದಿಸಿದರು.

ಅಖ್ತರ್ ಆಕ್ಷೇಪಾರ್ಹ ಹೇಳಿಕೆಗಳನ್ನು ನೀಡಿದ ಸಭೆಯು ಮಾರ್ಚ್ 2016 ರಲ್ಲಿ ನಡೆಯಿತು. ಆದರೆ ಐದು ವರ್ಷಗಳ ನಂತರ 2021 ರಲ್ಲಿ ದೂರು ದಾಖಲಿಸಲಾಗಿದೆ ಎಂದು ವಕೀಲ ಗ್ರೋವರ್ ಗಮನಸೆಳೆದರು. ಹಾಗಾದರೆ ಇಷ್ಟು ದಿನ ನಟಿ ಏನು ಮಾಡುತ್ತಿದ್ದರು ಎಂದು ವಕೀಲರು ವಾದಿಸಿದ್ದಾರೆ.

ಕಂಗನಾ ಮುಂದಿನ ಸಿನಿಮಾ

ಕಂಗನಾ ರಣಾವತ್ ಅವರು ಇತ್ತೀಚಿಗೆ 'ಎಮರ್ಜೆನ್ಸಿ'ಚಿತ್ರದ ಮೂಲಕ ಹೈಪ್ ಕ್ರಿಯೇಟ್ ಮಾಡಿದ್ದರು.ಚಂದ್ರಮುಖಿಯಾಗಿ ನಟಿ ಅಭಿಮಾನಿಗಳ ಮುಂದೆ ಬರೋದ್ದಕ್ಕೆ ಕೌಂಟ್ ಡೌನ್ ಶುರುವಾಗಿದೆ. ಸದ್ಯ ಮತ್ತೊಂದು ಕಂಗನಾ ಅಭಿನಯದ ಸಿನಿಮಾ ತೆರೆಗೆ ಸಿದ್ಧವಾಗಿದೆ. ಸೌತ್ ಸಿನಿ ದುನಿಯಾದ ಖ್ಯಾತ ನಿರ್ಮಾಣ ಸಂಸ್ಥೆ ಲೈಕಾ ಭತ್ತಳಿಕೆ ಮತ್ತೊಂದು ಪ್ಯಾನ್ ಇಂಡಿಯಾ ಸಿನಿಮಾ 'ಚಂದ್ರಮುಖಿ-2' ಬಿಡುಗಡೆಗೆ ಮುಹೂರ್ತ ಫಿಕ್ಸ್ ಆಗಿದೆ. ಖ್ಯಾತ ನಿರ್ದೇಶಕ, ನಟ ಹಾಗೂ ಸ್ಟಾರ್ ಕೊರಿಯೋಗ್ರಾಫರ್ ರಾಘವ್ ಲಾರೆನ್ಸ್ , ಬಾಲಿವುಡ್ ಬ್ಯೂಟಿ ಕಂಗನಾ ನಟನೆಯ ಈ ಚಿತ್ರ ಸೆಪ್ಟಂಬರ್ 19ರ ಗಣೇಶ್ ಚತುರ್ಥಿಗೆ ಸ್ಪೆಷಲ್ ಆಗಿ ವಿಶ್ವಾದ್ಯಂತ ತೆರೆಗಪ್ಪಳಿಸಲಿದೆ. ಖ್ಯಾತ ಹಿರಿಯ ನಿರ್ದೇಶಕ ಪಿ.ವಾಸು ನಿರ್ದೇಶನದ 65ನೇ ಚಿತ್ರ ಚಂದ್ರಮುಖ-2 ಚಿತ್ರವಾಗಿದೆ.

English summary

Mumbai court gives relief to Javed Akhtar, stays proceedings on Kangana Ranaut's complaint.