ಅವಿಶ್ವಾಸ ನಿರ್ಣಯ : ಲೋಕಸಭೆಯಲ್ಲಿ 12 ಗಂಟೆ ನಡೆದ ಚರ್ಚೆಯ ಮುಖ್ಯಾಂಶ

By Mahesh

Updated: Friday, July 20, 2018, 23:46 [IST]

ನವದೆಹಲಿ, ಜುಲೈ 20: ಸಂಸತ್ತಿನ ಮುಂಗಾರು ಅಧಿವೇಶನದಲ್ಲಿ ಮಂಡಿಸಲಾಗಿರುವ ಅವಿಶ್ವಾಸ ಗೊತ್ತುವಳಿ ಕುರಿತಂತೆ ಶುಕ್ರವಾರ ಮಧ್ಯಾಹ್ನ ಚರ್ಚೆ, ಭಾಷಣ ನಡೆಯಲಿದೆ. ಅವಿಶ್ವಾಸ ನಿರ್ಣಯ ಮಂಡನೆ ಮೂಲಕ ವಿಪಕ್ಷಗಳು, ಆಡಳಿತಾರೂಢ ಎನ್ಡಿಎ ಸರ್ಕಾರ ಬೀಳಿಸಲು ಸಾಧ್ಯವಿಲ್ಲದಿದ್ದರೂ ಇದು ಪ್ರತಿಷ್ಠೆಯ ನಿರ್ಣಯವಾಗಿದೆ. ರಾಹುಲ್ ಗಾಂಧಿ ಅವರ ಜೂಮ್ಲಾ, ಅಪ್ಪುಗೆ, ಕಣ್ ಮಿಟುಕು ನಡೆ ನಂತರ ಪ್ರಧಾನಿ ಮೋದಿ ಅವರ ಪ್ರತಿಕ್ರಿಯೆಗಾಗಿ ಎಲ್ಲರೂ ಕಾದಿದ್ದಾರೆ.

ಲೋಕಸಭೆಯಲ್ಲಿ ಎನ್‌ಡಿಎ ಮೈತ್ರಿಕೂಟ 314 ಸದಸ್ಯ ಬಲ ಹೊಂದಿದೆ. ಬಹುಮತ ಸಾಬೀತು ಪಡಿಸಲು ಮ್ಯಾಜಿಕ್ ನಂಬರ್ 268. 'ಬಿಜೆಪಿ ಕೇವಲ ಎನ್‌ಡಿಎ ಮೈತ್ರಿಕೂಟದ ಮತಗಳು ಮಾತ್ರವಲ್ಲ, ಬೇರೆ ಪಕ್ಷಗಳಿಂದಲೂ ಮತಗಳನ್ನು ಪಡೆಯಲಿದೆ' ಎಂದು ಕೇಂದ್ರ ಸಚಿವ ಅನಂತ್ ಕುಮಾರ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

Monsoon Session Live Updates No Confidence opposition Parliament

ಟಿಡಿಪಿ ಸಂಸದ ಕೆ.ಶ್ರೀನಿವಾಸ್ ಮಂಡಿಸಿದ ಅವಿಶ್ವಾಸ ನಿರ್ಣಯವನ್ನು ಸ್ಪೀಕರ್ ಸುಮಿತ್ರಾ ಮಹಾಜನ್ ಅಂಗೀಕರಿಸಿದ್ದಾರೆ. ಸದನದಲ್ಲಿ ಬಿಜೆಪಿ ಅವಿಶ್ವಾಸ ನಿರ್ಣಯದಲ್ಲಿ ಜಯಗಳಿಸುವ ಉತ್ಸಾಹದಲ್ಲಿದೆ.

ಅವಿಶ್ವಾಸ ನಿರ್ಣಯದ ಪರ ಮಾತನಾಡಲು ಬಿಜೆಪಿಗೆ 3 ಗಂಟೆ 33 ನಿಮಿಷದ ಅವಕಾಶ ನೀಡಲಾಗಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ಕೊನೆಯಲ್ಲಿ ಮಾತನಾಡಿದರು.

Jul 20, 2018, 11:11 pm IST

ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ವಿಶ್ವಾಸ ಮತದಲ್ಲಿ ಗೆಲುವು ಸಾಧಿಸಿದೆ. ಸರ್ಕಾರದ ಪರವಾಗಿ325 ಮತ, ವಿರುದ್ಧವಾಗಿ 126 ಮತಗಳು ಚಲಾವಣೆಯಾದವು.

Jul 20, 2018, 11:00 pm IST

ಅವಿಶ್ವಾಸ ನಿರ್ಣಯವನ್ನು ಮತಕ್ಕೆ ಹಾಕಿದ ಸ್ಪೀಕರ್ ಸುಮಿತ್ರಾ ಮಹಾಜನ್.

Jul 20, 2018, 10:56 pm IST

ನರೇಂದ್ರ ಮೋದಿ ಉತ್ತಮ ನಟರು. ಅವರಿಗೆ ಉತ್ತಮ ನಟ ಪ್ರಶಸ್ತಿ ನೀಡಬೇಕು. ಒಂದೂವರೆಗಂಟೆ ಬ್ಲಾಕ್ ಬಾಸ್ಟರ್ ಬಾಲಿವುಡ್ ಸಿನಿಮಾ ನೋಡಿದಂತೆ ಆಯಿತು : ಡಿಟಿಪಿ ಸಂಸದ ಶ್ರೀನಿವಾಸ್ ಅವರಿಂದ ಮೋದಿ ಭಾಷಣಕ್ಕೆ ಟೀಕೆ

Jul 20, 2018, 10:50 pm IST

ಸಂಸತ್‌ನಲ್ಲಿ ಭಾಷಣ ಮುಗಿಸಿದ ಪ್ರಧಾನಿ ನರೇಂದ್ರ ಮೋದಿ

Jul 20, 2018, 10:45 pm IST

ನರೇಂದ್ರ ಮೋದಿ ಅವರಿಗೆ ಪ್ರಶ್ನೆ ಕೇಳಿದ ಕೆಪಿಸಿಸಿ ಕಾರ್ಯಾಧ್ಯಕ್ಷ ಈಶ್ವರ ಖಂಡ್ರೆ

The @PMOIndia must explain why the contract was taken away from HAL at the cost of #karnataka youths and to given a businessman who has never made an aeroplane in his life. #ModiLiesInParliament
— Eshwar Khandre (@eshwar_khandre) July 20, 2018

Jul 20, 2018, 10:41 pm IST

ಭಾರತ ಮಾಲಾ ಯೋಜನೆಯಡಿ ರಸ್ತೆಗಳ ಅಭಿವೃದ್ಧಿ ಮಾಡಲಾಗಿದೆ. ರೈಲು, ಮೆಟ್ರೋ ರೈಲುಗಳ ಸೇವೆಯನ್ನು ಅಭಿವೃದ್ಧಿ ಮಾಡಲಾಗುತ್ತಿದೆ.

Jul 20, 2018, 10:36 pm IST

ಬ್ಯಾಂಕುಗಳ ಸಾಲ ತೀರಿಸದವರ ವಿರುದ್ಧ ನಾವು ಕಾನೂನು ಕ್ರಮ ಕೈಗೊಳ್ಳುತ್ತೇವೆ ಎಂದು ಮೋದಿ ಲೋಕಸಭೆಯಲ್ಲಿ ಭರವಸೆ ನೀಡಿದರು.

Jul 20, 2018, 10:30 pm IST

ನಮಗೆ ದೇಶದ ಅರ್ಥ ವ್ಯವಸ್ಥೆ ಬಗ್ಗೆ ಶ್ವೇತ ಪತ್ರ ಹೊರಡಿಸುವ ಮನಸ್ಸು ಇತ್ತು. ಆದರೆ, ದೇಶದ ಆರ್ಥಿಕ ಪರಿಸ್ಥಿತಿ ಯಾವ ಮಟ್ಟದಲ್ಲಿತ್ತು ಎಂಬುದು ಎಲ್ಲರಿಗೂ ತಿಳಿದಿದೆ.

Jul 20, 2018, 10:25 pm IST

ಈ ಸದನದ ಮೂಲಕ ನಾನು ಆಂಧ್ರಪ್ರದೇಶದ ಜನರಿಗೆ ಭರವಸೆ ನೀಡುತ್ತೇನೆ. ರಾಜಧಾನಿ ನಿರ್ಮಾಣ, ರೈತರ ಸಮಸ್ಯೆಗಳಿಗೆ ಕೇಂದ್ರದ ಎನ್‌ಡಿಎ ಸರ್ಕಾರ ಸಹಕಾರ ನೀಡಲಿದೆ. ರಾಜ್ಯದ ಎಲ್ಲಾ ಜನತೆಯ ಬೇಡಿಕೆಯನ್ನು ಸರ್ಕಾರ ಗೌರವಿಸುತ್ತದೆ.

Jul 20, 2018, 10:21 pm IST

Jul 20, 2018, 10:17 pm IST

ಮೋದಿ ಮತ್ತು ರಾಹುಲ್ ಗಾಂಧಿ ಕಣ್ಣೋಟದ ಆಟ..

Aaj poora desh dekh raha tha TV pe aankhon ka khel, kaise aankhen kholi jaa rahi hain, kaise bandh ki jaa rahi hain: PM Modi in Lok Sabha pic.twitter.com/aZlsPGdIGa
— ANI (@ANI) July 20, 2018

Jul 20, 2018, 10:14 pm IST

ಅಟಲ್ ಬಿಹಾರಿ ವಾಜಪೇಯಿ ಅವರು ಮೂರು ರಾಜ್ಯಗಳನ್ನು ರಚನೆ ಮಾಡಿದರು. ಶಾಂತಿ ಸುವ್ಯವಸ್ಥೆಯಿಂದ ರಾಜ್ಯಗಳು ಪ್ರಗತಿ ಹೊಂದುತ್ತಿವೆ. ಆದರೆ, ರಾಜಕೀಯ ಲಾಭಕ್ಕಾಗಿ ಆಂಧ್ರಪ್ರದೇಶ, ತೆಲಂಗಾಣ ರಚನೆ ಮಾಡಲಾಯಿತು

Jul 20, 2018, 10:11 pm IST

ಕಾಂಗ್ರೆಸ್ ಮುಳುಗಿದೆ. ಅವರ ಜೊತೆ ಹೋಗುವವರು ಮುಳುಗುತ್ತಾರೆ ಎಂದು ಮೋದಿ ಲೇವಡಿ ಮಾಡಿದರು.

Jul 20, 2018, 10:07 pm IST

ಕಾಂಗ್ರೆಸ್‌ ಮಂತ್ರ ಒಂದೇ ಅಧಿಕಾರದಲ್ಲಿ ನಾವಿರಬೇಕು. ಇಲ್ಲವಾದಲ್ಲಿ ಬೇರೆಯವರು ಇರಬಾರದು ಎಂದು ಅಪಪ್ರಚಾರ ಮಾಡುತ್ತದೆ.

Jul 20, 2018, 10:05 pm IST

ನಿಮ್ಮ ಕಣ್ಣಿನ ಆಟವನ್ನು ಇಡೀ ದೇಶ ಟಿವಿಯಲ್ಲಿ ನೋಡುತ್ತಿದೆ ಎಂದು ಮೋದಿ ಲೇವಡಿ ಮಾಡಿದರು

Jul 20, 2018, 10:04 pm IST

ದೇವೇಗೌಡರನ್ನು ಅವಮಾನಿಸಿ ಸರ್ಕಾರವನ್ನು ಉರುಳಿಸಲಾಯಿತು. ನಂತರ ಐ.ಕೆ.ಗುಜ್ರಾಲ್ ಸರ್ಕಾರವನ್ನು ಉರುಳಿಸಲಾಯಿತು. ಕಾಂಗ್ರೆಸ್‌ ತನ್ನ ಸರ್ಕಾರವನ್ನು ಉಳಿಸಿಕೊಳ್ಳಲು ವೋಟಿಗಾಗಿ ನೋಟು ಹಗರಣ ನಡೆಸಿತು.

Jul 20, 2018, 10:01 pm IST

Jul 20, 2018, 10:00 pm IST

Jul 20, 2018, 9:58 pm IST

ರೆಫಲ್ ಯುದ್ಧ ವಿಮಾನದ ಬಗ್ಗೆ ಆರೋಪ ಮಾಡಲಾಗಿದೆ. ಎರಡೂ ದೇಶಗಳು ಈ ಕುರಿತು ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿವೆ. ಇಂತಹ ಆರೋಪಗಳನ್ನು ನಾವು ಒಪ್ಪಲ್ಲ.

Jul 20, 2018, 9:56 pm IST

ನರೇಂದ್ರ ಮೋದಿ ಅವರ ಮೇಲೆ ಆರೋಪ ಮಾಡಿ. ಆದರೆ, ದೇಶದ ಗಡಿಯಲ್ಲಿ ಪಹರೆ ಕಾಯುತ್ತಿರುವ ಯೋಧನ ಮೇಲೆ ಆರೋಪ ಮಾಡಬೇಡಿ. ಸರ್ಜಿಕಲ್ ಸ್ಟ್ರೈಟ್ ಬಗ್ಗೆ ಆರೋಪ ಮಾಡಿದರೆ ಯೋಧನಿಗೆ ಅಗೌರವ ತೋರಿಸಿದಂತೆ

Jul 20, 2018, 9:53 pm IST

ಮುದ್ರಾ ಯೋಜನೆಯಡಿ ನಿರುದ್ಯೋಗಿಗಳಿಗೆ ಸಾಲ ಸೌಲಭ್ಯ ನೀಡಲಾಗಿದೆ. ಭಾರತದಲ್ಲಿ ಮೊಬೈಲ್ ತಯಾರಿಸುವ 120 ಕಂಪನಿಗಳಿವೆ

Jul 20, 2018, 9:49 pm IST

ಭೀಮ್ ಅಪ್ಲಕೇಶನ್ ಮೂಲಕ 41 ಸಾವಿರ ಕೋಟಿ ರೂ. ವ್ಯವಹಾರ ನಡೆಯುತ್ತಿದೆ. ಆದರೆ, ವಿಪಕ್ಷಗಳಿಗೆ ಆರ್‌ಬಿಐ ಮತ್ತು ಡಿಜಿಟಲ್ ಇಂಡಿಯಾದ ಮೇಲೆ ವಿಶ್ವಾಸವಿಲ್ಲ

Jul 20, 2018, 9:48 pm IST

ಸ್ವಚ್ಛ ಭಾರತ್, ಅಂತರಾಷ್ಟ್ರೀಯ ಯೋಗ ದಿನ, ದೇಶದ ಮುಖ್ಯ ನ್ಯಾಯಮೂರ್ತಿ, ಚುನಾವಣಾ ಆಯೋಗ, ಇವಿಎಂ ಮೇಲೆ ವಿಶ್ವಾಸವಿಲ್ಲ. ಏಕೆಂದರೆ ಅವರಿಗೆ ಅವರ ಮೇಲೆಯೇ ವಿಶ್ವಾಸವಿಲ್ಲ : ಮೋದಿ

Jul 20, 2018, 9:45 pm IST

ಇದು ಜನಪರ ಸರ್ಕಾರ, ಆಯ್ಯುಷ್‌ಮಾನ್ ಭಾರತ್ ಯೋಜನೆಯನ್ನು ಜಾರಿಗೆ ತಂದು ಜನರಿಗೆ ಉತ್ತಮ ಆರೋಗ್ಯ ಸೇವೆಯನ್ನು ನೀಡುತ್ತಿದ್ದೇವೆ

Jul 20, 2018, 9:43 pm IST

ಪ್ರಧಾನ ಮಂತ್ರಿ ಫಸಲ್ ಭೀಮಾ ಯೋಜನೆಯಡಿ ರೈತರನ್ನು ಸರಕಾರ ವಿಶ್ವಾಸಕ್ಕೆ ತೆಗೆದುಕೊಂಡಿದೆ. ರೈತರಿಂದ ಪಡೆದುಕೊಂಡ ಮೂರುಪಟ್ಟನ್ನು ಅವರಿಗೆ ವಾಪಸ್ ನೀಡಲಾಗಿದೆ.

Jul 20, 2018, 9:42 pm IST

ಬಡವರಿಗಾಗಿ ನಾವು ಬ್ಯಾಂಕ್ ಬಾಗಿಲು ತೆರೆದವು. ನಮ್ಮದು ಕೆಲಸ ಮಾಡುವ ಸರ್ಕಾರ ಆದರೂ ವಿಪಕ್ಷಗಳಿಗೆ ನಮ್ಮ ಮೇಲೆ ವಿಶ್ವಾಸವಿಲ್ಲ

Jul 20, 2018, 9:38 pm IST

18 ಸಾವಿರ ಹಳ್ಳಿಗಳಿಗೆ ಸರ್ಕಾರ ವಿದ್ಯುತ್ ವ್ಯವಸ್ಥೆ ಮಾಡಿದೆ. 70 ವರ್ಷಗಳಿಂದ ದೇಶದ ಈಶಾನ್ಯ ಭಾಗದ ಈ ಹಳ್ಳಿಗಳು ಕತ್ತಲಲ್ಲಿ ಇದ್ದವು : ಮೋದಿ

Jul 20, 2018, 9:36 pm IST

ಟಿಡಿಪಿ ಸಂಸದರಿಂದ ಭಾರೀ ಗದ್ದಲ. ವಿ ವಾಂಟ್ ಜಸ್ಟೀಸ್ ಎಂದು ಸದನದ ಬಾವಿಗಿಳಿದು ಪ್ರತಿಭಟನೆ ನಡೆಸುತ್ತಿರುವ ಸಂಸದರು

Jul 20, 2018, 9:35 pm IST

ಸಬ್ ಕೇ ಸಾತ್ ಸಬ್‌ ಕೆ ವಿಕಾಸ್ ಎಂಬ ಘೋಷಣೆಯೊಂದಿಗೆ ನಾವು ಸರ್ಕಾರವನ್ನು ರಚನೆ ಮಾಡಿದೆವು

Jul 20, 2018, 9:34 pm IST

ಮುಂದಿನ ಚುನಾವಣೆ ಬಳಿಕ ರಾಹುಲ್ ಗಾಂಧಿ ಪ್ರಧಾನಿಯಾಗುವರೋ? ಇಲ್ಲವೋ? ಎಂಬುದನ್ನು ಜನರು ತೀರ್ಮಾನಿಸಬೇಕು. ಆದರೆ, ರಾಹುಲ್ ಪ್ರಧಾನಿಯಾಗಲು ಆತುರಕ್ಕೆ ಬಿದ್ದಿದ್ದಾರೆ.

8:03 AM, 20 Jul

ಆಂಧ್ರಪ್ರದೇಶಕ್ಕೆ ವಿಶೇಷ ಸ್ಥಾನಮಾನ ಸಿಕ್ಕಿಲ್ಲ ಎಂದು ತೆಲುಗುದೇಶಂ ಪಾರ್ಟಿ ಮುನಿಸಿಕೊಂಡು ಎನ್ಡಿಎ ಜತೆ ಸಖ್ಯ ಕಳೆದುಕೊಂಡಿದೆ. ಹೀಗಾಗಿ, ಟಿಡಿಪಿ ಸಂಸದ ಕೆ.ಶ್ರೀನಿವಾಸ್ ಮಂಡಿಸಿದ್ದರು. ಅವಿಶ್ವಾಸ ನಿರ್ಣಯವನ್ನು ಸ್ಪೀಕರ್ ಸುಮಿತ್ರಾ ಮಹಾಜನ್ ಅಂಗೀಕರಿಸಿದ್ದಾರೆ.

8:28 AM, 20 Jul

ಅವಿಶ್ವಾಸ ನಿರ್ಣಯದ ಪರ ಮಾತನಾಡಲು ಬಿಜೆಪಿಗೆ 3 ಗಂಟೆ 33 ನಿಮಿಷದ ಅವಕಾಶ ನೀಡಲಾಗಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ಮೊದಲು ಮಾತನಾಡಲಿದ್ದಾರೆ. ಬಳಿಕ ವಿವಿಧ ಕೇಂದ್ರ ಸಚಿವರು ಮಾತನಾಡುತ್ತಾರೆ.

8:59 AM, 20 Jul

535 ಸದಸ್ಯ ಬಲದ ಲೋಕಸಭೆಯಲ್ಲಿ ಎನ್‌ಡಿಎ ಮೈತ್ರಿಕೂಟ 314 ಸದಸ್ಯ ಬಲ ಹೊಂದಿದೆ. ಬಿಜೆಪಿ ಪಕ್ಷವೇ 274 ಸದಸ್ಯರನ್ನು ಹೊಂದಿದೆ. ಬಹುಮತ ಸಾಬೀತು ಮಾಡಲು 268 ಸದಸ್ಯ ಬಲ ಸಾಕು.

9:10 AM, 20 Jul

ಅವಿಶ್ವಾಸ ನಿರ್ಣಯಕ್ಕೆ ಡಿಎಂಕೆಯು ಟಿಡಿಪಿಗೆ ಬೆಂಬಲ ನೀಡಲಿದೆ. ಅವಿಶ್ವಾಸ ನಿರ್ಣಯಕ್ಕೆ ಬೆಂಬಲ ನೀಡುವಂತೆ ನಾವು ಎಐಎಡಿಎಂಕೆ ಗೂ ಮನವಿ ಮಾಡುತ್ತೇವೆ- ಎಂ.ಕೆ.ಸ್ಟಾಲಿನ್, ಡಿಎಂಕೆ ಕಾರ್ಯಾಧ್ಯಕ್ಷ

In spite of having no option to vote for #NoConfidenceMotion in Parliament, DMK supports the no confidence motion brought by TDP. We request AIADMK also to support no confidence motion in Parliament: MK Stalin, DMK Working President. (file pic) pic.twitter.com/mKnjXUQKY2
— ANI (@ANI) July 19, 2018

9:27 AM, 20 Jul

ನಾಲ್ಕು ವರ್ಷವಾದರೂ ಲೋಕ್ ಪಾಲ್ ಅನ್ನು ಇನ್ನೂ ಜಾರಿಗೆ ತರಲಾಗಿಲ್ಲ. ಅವಿಶ್ವಾಸ ನಿರ್ಣಯಕ್ಕೆ ಇದೊಂದು ಕಾರಣ. ಅವಿಶ್ವಾಸ ನಿರ್ಣಯಕ್ಕೆ ಸಂಖ್ಯೆಗಳು ಮುಖ್ಯವಲ್ಲ. ಇದು ಮೋದಿ ಸರ್ಕಾರ ಕೊಟ್ಟ ಮಾತಿಗೆ ತಪ್ಪಿದ್ದರ ಕುರಿತು ಮಂಡನೆಯಾಗುತ್ತಿರುವ ಅವಿಶ್ವಾಸ. ನಮಗೆ ಸಂಖ್ಯೆಗಿಂತ ಇದೇ ಮುಖ್ಯ- ಕಾಂಗ್ರೆಸ್

9:33 AM, 20 Jul

ಕಾಂಗ್ರೆಸ್ಸಿನಿಂದ ರಾಹುಲ್ ಗಾಂಧಿಯವರು ಅವಿಶ್ವಾಸ ನಿರ್ಣಯದ ಬಗ್ಗೆ ಮಾತನಾಡಲಿರುವುದರಿಂದ ಇಂದು ಸಂಸತ್ತಿನಲ್ಲಿ ಭೂಕಂಪವಾಗುವ ಸಾಧ್ಯತೆ ಇದೆ. ಅವರೇ ಒಮ್ಮೆ ಹೇಳಿದ್ದರು, 'ನಾನು ಸಂಸತ್ತಿನಲ್ಲಿ ಮಾತನಾಡಿದರೆ ಭೂಕಂಪವಾಗುತ್ತೆ' ಅಂತ. ಆದ್ದರಿಂದ ಎಲ್ಲರೂ ಭೂಕಂಪ ಎದುರಿಸಲು ಸಿದ್ಧರಾಗಿ ಎಂದು ಬಿಗೆಪಿ ಸಂಸದ ಪ್ರಲ್ಹಾದ್ ಟ್ವೀಟ್ ಮಾಡಿದ್ದಾರೆ.

dear friends, earthquake is expected in parliament today as @RahulGandhi of @INCIndia is expected to speak on #noconfidencemotion. you remember once he said ‘अगर मैं Parliament में बोलूँगा तो भूकम्प आ जाएगा’ so be prepared and tweet with Hashtag: #BhookampAaneWalaHai @BJP4India pic.twitter.com/xoLHVTbL6r
— Pralhad Joshi (@JoshiPralhad) July 20, 2018

9:37 AM, 20 Jul

ಉದ್ಧವ್ ಠಾಕ್ರೆ ಅವರ ನಿರ್ದೇಶನದ ಮೇಲೆ ನಾವ್ಯಾರೂ ಅವಿಶ್ವಾಸ ನಿರ್ಣಯವನ್ನು ಬೆಂಬಲಿಸುತ್ತಿಲ್ಲ. ಸಂಸತ್ತಿನಲ್ಲಿ ಏನಾಗಲಿದೆ ಎಂಬುದನ್ನು ನೋಡುತ್ತೇವೆ. ನಮ್ಮನ್ನು ಲೋಕಸಭೆಯಲ್ಲಿ ಹಾಜರಿರುವಂತೆ ಕೇಳಲಾಗಿದೆ. ಹಾಜರಿರುತ್ತೇವೆ ಅಷ್ಟೆ- ಅರವಿಂದ್, ಶಿವಸೇನಾ ಸಂಸದ

9:56 AM, 20 Jul

"ನಮ್ಮ ಸಂಸದೀಯ ಪ್ರಜಾಪ್ರಭುತ್ವದಲ್ಲಿ ಇದೊಂದು ಮಹತ್ವದ ದಿನ. ನನ್ನ ಸಹೋದ್ಯೋಗಿಗಳು ರಚನಾತ್ಮಕ, ಸಮಗ್ರ ಚರ್ಚೆ ನಡೆಸುತ್ತಾರೆ ಎಂಬ ನಂಬಿಕೆ ನನಗಿದೆ. ಯಾವುದೇ ಅಡ್ಡಿಯಿಲ್ಲದೆ ಈ ಚರ್ಚೆ ಸಾಗಲಿ. ಇದು ನಮ್ಮ ಜನರಿಗೆ ಮತ್ತು ಈ ಸಂವಿಧಾನದ ರಚನಕಾರರಿಗೆ ನಾವು ನೀಡುವ ಆಣೆಯಾಗಿರಲಿ. ಭಾರತ ನಮ್ಮನ್ನು ಸೂಕ್ಷ್ಮವಾಗಿ ಗಮನಿಸುತ್ತಿರುತ್ತದೆ"- ನರೇಂದ್ರ ಮೋದಿ, ಪ್ರಧಾನಿ

Today is an important day in our Parliamentary democracy. I am sure my fellow MP colleagues will rise to the occasion and ensure a constructive, comprehensive & disruption free debate. We owe this to the people & the makers of our Constitution. India will be watching us closely.
— Narendra Modi (@narendramodi) July 20, 2018

10:15 AM, 20 Jul

"ಚರ್ಚೆ 11 ಗಂಟೆಗೆ ಆರಂಭವಾಗಲಿದೆ. ಶಿವಸೇನೆಯ ನಿಲುವೇನು ಎಂಬುದನ್ನು ತಿಳಿಯಲು ದೇಶ ಕಾತರದಿಂದಿದೆ. ನಮ್ಮ ಪಕ್ಷ ಸರಿಯಾದ ನಿರ್ಧಾರ ತೆಗೆದುಕೊಳ್ಳಲಿದೆ. 10:30- 11:00 ಗಂಟೆಯ ಸಮಯದಲ್ಲಿ ಪಕ್ಷವು ತನ್ನ ನಿರ್ಧಾರವನ್ನು ತಿಳಿಸಲಿದೆ"- ಸಂಜಯ್ ರೌತ್, ಶಿವಸೇನಾ ಮುಖಂಡ

10:27 AM, 20 Jul

ರಾಜನಾಥ್ ಸಿಂಗ್, ರಾಕೇಶ್ ಸಿಂಗ್, ವೀರೇಂದ್ರ ಸಿಂಗ್ ಮಸ್ತ್ ಹಾಗೂ ಅರ್ಜುನ್ ರಾಮ್ ಮೇಘವಾಲ್ ಅವರು ಎನ್ಡಿಎ ಸರ್ಕಾರದ ಪರವಾಗಿ ಮಾತನಾಡಲಿದ್ದಾರೆ.

10:32 AM, 20 Jul

ಎನ್ಡಿಎ ಬೆಂಬಲಿಸುವ ಬಗ್ಗೆ ಎಐಎಡಿಎಂಕೆ ಇನ್ನೂ ಸ್ಪಷ್ಟ ನಿಲುವು ತಳೆದಿಲ್ಲ. 37 ಸದಸ್ಯ ಬಲ ಹೊಂದಿರುವ ಎಐಎಡಿಎಂಕೆಯಲ್ಲಿ ಒಮ್ಮತ ಮೂಡಿಲ್ಲ. ಹಿರಿಯ ನಾಯಕರು ತಟಸ್ಥವಾಗಿ ಉಳಿಯುವ ಸಾಧ್ಯವಿದೆ. ಪಳನಸ್ವಾಮಿ ಬಣದವರು ಮೋದಿ ಪರ ನಿಲ್ಲುವ ಸಾಧ್ಯತೆ ಇದೆ.

10:39 AM, 20 Jul

ಅವಿಶ್ವಾಸ ನಿರ್ಣಯ ಗೊತ್ತುವಳಿ ಚರ್ಚೆಗೂ ಮುನ್ನ ಸಂಸತ್ತಿನ ಮುಂದೆ ಬಿಜೆಪಿ ಅಧ್ಯಕ್ಷ ಅಮಿತ್ ಶಾ

BJP President Amit Shah arrives in Parliament ahead of #NoConfidenceMotion in Lok Sabha pic.twitter.com/GjUrqmDJhE
— ANI (@ANI) July 20, 2018

10:44 AM, 20 Jul

ವಿರೋಧ ಪಕ್ಷ ಯುಪಿಎ 222 ಸದಸ್ಯ ಬಲ ಹೊಂದಿದೆ. ಇವುಗಳಲ್ಲಿ ಎಐಎಡಿಎಂಕೆಯ 37, ಟಿಎಂಸಿಯ 34, ಬಿಜೆಡಿ 20, ಟಿಡಿಪಿ 16 ಮತ್ತು ಟಿಆರ್‌ಎಸ್ 11 ಸದಸ್ಯರನ್ನು ಹೊಂದಿವೆ.

10:48 AM, 20 Jul

ಅವಿಶ್ವಾಸ ಗೊತ್ತವಳಿ ಗೊತ್ತು ನಿರ್ಣಯದ ಬಗ್ಗೆ ಮಾತನಾಡಲು 38 ನಿಮಿಷಗಳನ್ನು ನೀಡಲಾಗಿದೆ. ರಾಹುಲ್ ಗಾಂಧಿ ಅವರು ಪಕ್ಷದ ಪರವಾಗಿ ಮೊದಲು ಮಾತನಾಡಲಿದ್ದಾರೆ. ಬಳಿಕ ಲೋಕಸಭೆ ಕಾಂಗ್ರೆಸ್ ನಾಯಕ ಮಲ್ಲಿಕಾರ್ಜುನ ಖರ್ಗೆ, ಜ್ಯೋತಿರಾಧಿತ್ಯ ಸಿಂಧ್ಯಾ ಕಲಾಪದಲ್ಲಿ ಮಾತನಾಡಲಿದ್ದಾರೆ.

10:49 AM, 20 Jul

ಶಿವಸೇನಾ ಸಂಸದೀಯ ಸಭೆ ಆರಂಭ, ಅಮಿತ್ ದೇಸಾಯಿ, ಅರವಿಂದ್ ಸಾವಂತ್. ಅನಂತ್ ಗೀತೆ ಸೇರಿದಂತೆ ಎಲ್ಲಾ ಸಂಸದರು ಭಾಗಿ

10:54 AM, 20 Jul

ಅವಿಶ್ವಾಸ ನಿರ್ಣಯ ಗೊತ್ತುವಳಿ ಮಂಡಿಸಿರುವ ತೆಲುಗು ದೇಶಂ ಪಾರ್ಟಿ (ಟಿಡಿಪಿ)ಗೆ ಮುಖಭಂಗ, ಎನ್ಡಿಎ ಪರ ಮತ ಹಾಕುವುದಾಗಿ ಹೇಳಿರುವ ಟಿಡಿಪಿ ಸಂಸದ ದಿವಾಕರ್ ರೆಡ್ಡಿ

10:55 AM, 20 Jul

ಶುಕ್ರವಾರ 12 ಗಂಟೆ ನಂತರ ಗೊತ್ತುವಳಿ ಮೇಲೆ ಚರ್ಚೆ ಆರಂಭವಾಗಲಿದೆ. ಸಂಜೆ 6 ಗಂಟೆಗೆ ಪ್ರಧಾನಿ ಮೋದಿ ಅವರು ಭಾಷಣ ಮಾಡಲಿದ್ದಾರೆ. ನಂತರ ಮತದಾನದ ನಿರೀಕ್ಷೆಯಿದೆ.

10:59 AM, 20 Jul

ಅವಿಶ್ವಾಸ ನಿರ್ಣಯದ ಬಿಸಿಬಿಸಿ ಚರ್ಚೆಗೂ ಮುನ್ನ ತಂಪೆರೆದ ಮಳೆರಾಯ. ದೆಹಲಿಯ ಸಂಸತ್ ಭವನದ ಹಾದಿಯಲ್ಲಿ ಸಂಸದರಿಗೆ ಮಳೆಯ ಸ್ವಾಗತ

Delhi: Rain lashes parts of the national capital; #visuals from Parliament street pic.twitter.com/QAPbYzCx6Z
— ANI (@ANI) July 20, 2018

11:00 AM, 20 Jul

ಸತತ 8 ಗಂಟೆಗಳ ಕಾಲ ಚರ್ಚೆ ನಡೆಯಲಿದ್ದು, ನಿಗದಿತ ಕಾರ್ಯಕ್ರಮ ಪಟ್ಟಿಯಲ್ಲಿ ಭೋಜನ ವಿರಾಮಕ್ಕೂ ಅವಕಾಶ ನೀಡಿಲ್ಲ. ಶೂನ್ಯವೇಳೆ ಮತ್ತು ಪ್ರಶ್ನೋತ್ತರ ವೇಳೆ ಕೂಡಾ ರದ್ದಾಗಿದೆ.

11:09 AM, 20 Jul

ಮುಂಗಾರು ಅಧಿವೇಶನ ಸಂಸತ್ತಿನಲ್ಲಿ ಅವಿಶ್ವಾಸ ನಿರ್ಣಯ ಗೊತ್ತುವಳಿ ಚರ್ಚೆ

Lok Sabha proceedings begin for the day. #NoConfidenceMotion #MonsoonSession pic.twitter.com/0tFSvB7L5j
— ANI (@ANI) July 20, 2018

11:14 AM, 20 Jul

ಟಿಡಿಪಿ ಸಂಸದ ಕೆ.ಶ್ರೀನಿವಾಸ್ ಪರ ವಾಗಿ ಜಯದೇವ್ ಅವರು ಅವಿಶ್ವಾಸ ನಿರ್ಣಯ ಗೊತ್ತುವಳಿ ಮಂಡಿಸುತ್ತಿದ್ದಾರೆ.

11:17 AM, 20 Jul

19 ಬಿಜೆಡಿ ಸಂಸದರು ಮತದಾನ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳದಿರಲು ನಿರ್ಧಾರ, ಮೋದಿ ಸರ್ಕಾರದಿಂದ ಯಾವುದೇ ಅನುದಾನ ಸಿಕ್ಕಿಲ್ಲ ಎಂದು ಹೇಳುತ್ತಾ, ಸದನದಿಂದ ಹೊರಕ್ಕೆ ನಡೆದಿದ್ದಾರೆ.

Biju Janata Dal (BJD) walks out of the Lok Sabha ahead of #NoConfidenceMotion pic.twitter.com/0fKHuRZGju
— ANI (@ANI) July 20, 2018

11:19 AM, 20 Jul

ಮೊದಲ ಬಾರಿ ಸಂಸದ ಜಯದೇವ ಗಲ್ಲ ಅವರಿಂದ ಅವಿಶ್ವಾಸ ನಿರ್ಣಯ ಗೊತ್ತುವಳಿ ಮಂಡನೆ, ನಾಲ್ಕು ಕಾರಣಗಳನ್ನು ನೀಡಿ, ಇದು ಧರ್ಮ ಯುದ್ಧ ಎಂದು ಕರೆದಿದ್ದಾರೆ.

The saga of Andhra Pradesh during this Modi-Shah regime is a saga of empty promises: Jayadev Galla,TDP in Lok Sabha #NoConfidenceMotion pic.twitter.com/OmlGBHjFkd
— ANI (@ANI) July 20, 2018

11:29 AM, 20 Jul

ಅವಿಶ್ವಾಸ ನಿರ್ಣಯ ಗೊತ್ತುವಳಿ ಚರ್ಚೆಯಿಂದ ಶಿವಸೇನಾ ಸಂಸದರು ದೂರ ಉಳಿಯಲಿದ್ದಾರೆ. ಮಹತ್ವದ ಸಂಸತ್ ಕಲಾಪಕ್ಕೆ ಗೈರು ಹಾಜರಾಗಲು ಸಂಸದೀಯ ಸಭೆಯಲ್ಲಿ ನಿರ್ಧರಿಸಲಾಗಿದೆ. ಕಲಾಪ ಆರಂಭವಾದರೂ ಸಭೆ ಮುಂದುವರೆಸಿದ್ದ ಶಿವಸೇನಾ ಸಂಸದರು

Shiv Sena Parliamentary party meeting continues in Parliament building. The MPs haven't reached Lok Sabha yet for discussion on #NoConfidenceMotion. pic.twitter.com/9hTFVFb5vg
— ANI (@ANI) July 20, 2018

11:39 AM, 20 Jul

ಬಳ್ಳಾರಿಯ ಗಾಲಿ ಜನಾರ್ದನ ರೆಡ್ಡಿ ಅವರಿಗೆ ಬಿಜೆಪಿ ಪರೋಕ್ಷ ಬೆಂಬಲ ನೀಡಿದೆ. ಚುನಾವಣೆಯಲ್ಲಿ ಮಹತ್ವದ ಪಾತ್ರ ವಹಿಸಿದ್ದಾರೆ. ಈ ಮೂಲಕ ಭ್ರಷ್ಟಾಚಾರಕ್ಕೆ ಮೋದಿ ಸರ್ಕಾರ ಬೆಂಬಲ ನೀಡುತ್ತಿದೆ ಎಂದು ಜಯದೇವ್ ರಿಂದ ಆರೋಪ

11:48 AM, 20 Jul

ಸಂಸತ್ತಿನ ಹಾಜರಾತಿ ಕಡತಕ್ಕೆ ಸಹಿ ಹಾಕುತ್ತಿಲ್ಲ, ಶಿವಸೇನಾ ಸಂಸದರು ಕಲಾಪದಲ್ಲಿ ಪಾಲ್ಗೊಳ್ಳುತ್ತಿಲ್ಲ ಎಂದ್ ಲೋಕಸಭಾ ಸದಸ್ಯ ಆನಂದರಾವ್ ಅದ್ಸುಲ್.

11:52 AM, 20 Jul

ನಾವು ಸರ್ಕಾರದ ಜತೆಗಿದ್ದೇವೆ. ಮತದಾನವಾದರೆ, ಮೋದಿ ಸರ್ಕಾರದ ಪರ ಮತ ಹಾಕುತ್ತೇವೆ ಎಂದ ಜೆಡಿಯು ಮುಖ್ಯಸ್ಥ, ಬಿಹಾರ ಸಿಎಂ ನಿತೀಶ್ ಕುಮಾರ್

Hum log sarkar ke saath hain: Bihar CM Nitish Kumar on being asked JDU's stand on #NoConfidenceMotion in Lok Sabha pic.twitter.com/bOureLgzCL
— ANI (@ANI) July 20, 2018

12:22 PM, 20 Jul

ಟಿಡಿಪಿ ಸಂಸದ ಜಯದೇವ್ ಗಲ್ಲ ಅವರು ಅವಿಶ್ವಾಸ ನಿರ್ಣಯದ ವೇಳೆ ಪ್ರಧಾನಿ ನರೇಂದ್ರ ಮೋದಿ ಅವರನ್ನು 'ಮೋಸಗಾಡು'(ಮೋಸಗಾರ) ಎಂದು ಕರೆದಿದ್ದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ ಸಚಿವೆ ನಿರ್ಮಲಾ ಸೀತಾರಾಮನ್, ಕಲಾಪದ ಕಡತದಿಂದ ಪದವನ್ನು ತೆಗೆದು ಹಾಕುವಂತೆ ಸ್ಪೀಕರ್ ಸುಮಿತ್ರಾ ಮಹಾಜನ್ ಅವರಲ್ಲಿ ಮನವಿ ಮಾಡಿಕೊಂಡರು.

Uproar in Lok Sabha after BJP MPs protest over 'offensive' word used by a TDP MP for PM Modi. Defence Minister Nirmala Sitharaman demands that the word be expunged from records #NoConfidenceMotion pic.twitter.com/RJOx7NXU5v
— ANI (@ANI) July 20, 2018

12:23 PM, 20 Jul

ಟಿಡಿಪಿ ಸಂಸದ ಜಯದೇವ್ ನಿರ್ಣಯದ ವಿರುದ್ಧ ಆಡಳಿತ ಪಕ್ಷ ಎನ್ಡಿಎ ಪರವಾಗಿ ರಾಕೇಶ್ ಸಿಂಗ್ ಭಾಷಣ ಮಾಡುತ್ತಿದ್ದಾರೆ.

12:55 PM, 20 Jul

ಆಂಧ್ರಪ್ರದೇಶಕ್ಕೆ ಮಾತ್ರ ವಿಶೇಷ ಸ್ಥಾನಮಾನ ಸಾಧ್ಯವಿಲ್ಲ, ಮಧ್ಯಪ್ರದೇಶ, ರಾಜಸ್ಥಾನ ಸೇರಿದಂತೆ ವಿವಿಧ ರಾಜ್ಯಗಳಿಂದಲೂ ವಿಶೇಷ ಸ್ಥಾನಮಾನಕ್ಕಾಗಿ ಬೇಡಿಕೆಯಿದೆ. ಆದರೆ, 14ನೇ ಹಣಕಾಸು ಆಯೋಗದಿಂದ ಇದಕ್ಕೆ ಮಾನ್ಯತೆ ಸಿಕ್ಕಿಲ್ಲ ಎಂದ ಸಂಸದ ರಾಕೇಶ್ ಸಿಂಗ್