BMC Elections 2026: ಮಹಾರಾಷ್ಟ್ರ ಪಾಲಿಕೆ ಚುನಾವಣೆಯಲ್ಲಿ ಚುರುಕಿನ ಮತದಾನ, ಮುಂಬೈ ಗದ್ದುಗೆ ಯಾರಿಗೆ?

ಮುಂಬೈ: ಮಹಾರಾಷ್ಟ್ರದಲ್ಲಿ ಸ್ಥಳೀಯ ಸಂಸ್ಥೆಗಳ ಚುನಾವಣೆ 2026 ಇಂದು ಜನವರಿ 15ರಂದು ಬೆಳಗ್ಗೆಯಿಂದ ಆರಂಭವಾಗಿದೆ. ಪ್ರಮುಖ ರಾಜಕೀಯ ಪಕ್ಷಗಳು ಮುಖಾಮುಖಿ ಆಗಿವೆ. ಮಹಾರಾಷ್ಟ್ರದಾದ್ಯಂತ 29 ಮಹಾನಗರ ಪಾಲಿಕೆಗಳಲ್ಲಿ ಮತದಾನ ನಡೆಯುತ್ತಿದೆ. ಮಧ್ಯಾಹ್ನ 1.30ಕ್ಕೆ ಮುಂಬೈ 30%, ಪುಣೆ 27% ಮತ್ತು ನಾಗಪುರ 26.5% ರಷ್ಟು ಮತದಾನ ಆಗಿದೆ.

ಮಹಾರಾಷ್ಟ್ರ ಬೃಹನ್ ಮುಂಬೈ ಮಹಾನಗರ ಪಾಲಿಕೆ (ಹಿಎಂಸಿ) ಸೇರಿದಂತೆ ಒಟ್ಟು 29 ಮಹಾನಗರ ಪಾಲಿಕೆಗಳ ವ್ಯಾಪ್ತಿಯಲ್ಲಿ ಒಟ್ಟು 3.48 ಕೋಟಿ ಮತದಾರರು ಇಂದು ಮತದಾನ ಮಾಡುತ್ತಿದ್ದಾರೆ. ಅವರೆಲ್ಲರು 15,931 ಅಭ್ಯರ್ಥಿಗಳ ಭವಿಷ್ಯವನ್ನು ಇಂದು ನಿರ್ಧರಿಸಲಿದ್ದಾರೆ. ದೇಶದ ದೊಡ್ಡ ಪಾಲಿಕೆ ಸಂಸ್ಥೆಗಳಲ್ಲಿ ಬಿಎಂಸಿ ಒಂದು. ನಾಲ್ಕು ವರ್ಷಗಳ ಬಳಿಕ ನಡೆಯುತ್ತಿರುವ ಚುನಾವಣೆ ಇದಾಗಿದೆ. ಇದರ ಮೇಲೆ ಭಾರತೀಯರ ಗಮನ ಸಳೆಯುತ್ತಿದೆ. ಬಿಎಂಸಿಯು ಇದು ವಾರ್ಷಿಕ 74,400 ಕೋಟಿ ರೂ.ಗೂ ಅಧಿಕ ಬಜೆಟ್ ಗಾತ್ರ ಹೊಂದಿದೆ. ಒಟ್ಟು 227 ಸ್ಥಾನಗಳಿಗೆ 1,700 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ.

20 ವರ್ಷಗಳ ನಂತರ ಮುಂಬೈ ಸ್ಥಳೀಯ ಚುನಾವಣೆಯಲ್ಲಿ ತಮ್ಮ ಪರಂಪರೆಯನ್ನು ಮರಳಿ ಪಡೆಯಲು ಉದ್ಧವ್ ಠಾಕ್ರೆ ಸಹೋದರರು ಮತ್ತು ಬಿಜೆಪಿ-ಶಿವಸೇನಾ ಮೈತ್ರಿಕೂಟದ ನಡುವೆ ತೀವ್ರ ಪೈಪೋಟಿ ನಡೆದಿದೆ. ಪ್ರಮುಖ ರಾಷ್ಟ್ರೀಯ ಹಾಗೂ ಸ್ಥಳೀಯ ಪಕ್ಷಗಳಿಗೆ ಈ ಚುಣಾವಣೆಯ ಗೆಲುವು ಪ್ರಮುಖವಾಗಿದೆ.

ಜನವರಿ 16ರಂದು ಮತ ಎಣಿಕೆ

ಇಂದು ಬೆಳಗ್ಗೆ ಚುನಾವಣೆ 7.30ಕ್ಕೆ ಆರಂಭವಾಯಿತು. ಸಂಜೆ 5.30ರವರೆಗೆ ಮತದಾರರಿಗೆ ಮತದಾನ ಮಾಡಲು ಅವಕಾಶ ಇದೆ. ಮತ ಎಣಿಕೆಯು ಜನವರಿ 16ರಂದು ಶುಕ್ರವಾರ ನಡೆಯಲಿದ್ದು, ಫಲಿತಾಂಶ ಪ್ರಕಟವಾಗಲಿದೆ.

ಪ್ರಮುಖ ಪಕ್ಷಗಳ ಪ್ರಮುಖ ನಾಯಕರು, ಬಾಲಿವುಡ್ ಸೆಲೆಬ್ರೆಟಿಗಳಾದ ಅಮಿರ್ ಖಾನ್, ಶ್ರದ್ಧಾ ಕಪೂರ್, ಚಿತ್ರಕಥೆಗಾರ ಸಲೀಂ ಖಾನ್, ಸೇರಿದಂತೆ ಗಣ್ಯರು ಮತದಾನ ಮಾಡಿದರು. ಎಲ್ಲರು ಕಡ್ಡಾಯವಾಗಿ ಮತದಾನ ಮಾಡುವಂತೆ ಜಾಗೃತಿ ಮೂಡಿಸಿದರು. ಮಹಾರಾಷ್ಟ್ರ ನಾಗರಿಕ ಸಂಸ್ಥೆಗಳ ಚುನಾವಣೆಯಲ್ಲಿ ಮತದಾನ ಬೆಳಗ್ಗೆ 11:30 ರವರೆಗೆ ಶೇಕಡಾ 20 ಕ್ಕಿಂತ ಕಡಿಮೆ ಮತದಾರರು ಮತ ಚಲಾಯಿಸಿದ್ದಾರೆ. ಇದು ನಿರೀಕ್ಷೆಗಿಂತ ಕಡಿಮೆ ಎಂದು ಹೇಳಲಾಗಿದೆ.

2022ರ ಶಿವಸೇನೆ ವಿಭಜನೆಯಾದ ನಂತರ ನಡೆಯುತ್ತಿರುವ ಮೊದಲ ಬಿಎಂಸಿ ಚುನಾವಣೆ ಇದಾಗಿದೆ. ಒಟ್ಟು ಸುಮಾರು ನಾಲ್ಕು ವರ್ಷಗಳ ಬಳಿಕ ನಡೆಯುತ್ತಿದೆ. ಈ ಚುನಾವಣೆಗೂ ಮುನ್ನ ಮಹಾರಾಷ್ಟ್ರದಲ್ಲಿ ಸಾಕಷ್ಟು ರಾಜಕೀಯ ಬದಲಾವಣೆ ಆಗಿವೆ. ಈ ಹಿನ್ನೆಲೆ ಬಿಎಂಸಿ ಚುನಾವಣೆ ಫಲಿತಾಂಶ ಮಹತ್ವ ಪಡೆದುಕೊಳ್ಳಲಿದೆ.

English summary

Voting begins for 29 Maharashtra municipal corporations; BMC’s ₹74,400 crore budget control remains the top prize.