ವಿಮೆ ಪಾಲಿಸಿಯೊಂದಿಗೂ ಆಧಾರ್ ಜೋಡಣೆ ಕಡ್ಡಾಯ
ನವದೆಹಲಿ, ನವೆಂಬರ್ 09: ಇನ್ನುಮೇಲೆ ಸಾರ್ವತ್ರಿಕ ಗುರುತಿನ ಸಂಖ್ಯೆಯಾದ ಆಧಾರ್ ಅನ್ನು ವಿಮಾ ಪಾಲಿಸಿಯೊಂದಿಗೂ ಜೋಡಿಸುವುದು ಕಡ್ಡಾಯ. ಹೌದು, ಈ ನಿಯಮವನ್ನು ದಿ ಇನ್ಶುರನ್ಸ್ ರೆಗ್ಯುಲೆಟರಿ ಅಂಡ್ ಡೆವಲಪ್ಮೆಂಟ್ ಅಥಾರಿಟಿ ಆಫ್ ಇಂಡಿಯಾ(ಐಆರ್ ಡಿಎಐ)ಜಾರಿಗೆ ತಂದಿದೆ.
ಹಣಕಾಸು ಅವ್ಯವಹಾರ ತಪ್ಪಿಸುವ ಸಲುವಾಗಿ ಈ ನಿಯಮ ಜಾರಿಗೆ ತರಲಾಗಿದ್ದು, ವಿಮಾ ಪಾಲಿಸಿಗೆ ಆಧಾರ್ ಜೋಡಿಸುವುದಕ್ಕೆ ಕೊನೆಯ ದಿನಾಂಕ ಯಾವುದು ಎಂಬ ಬಗ್ಗೆ ಐಆರ್ ಡಿಎಐ, ಇನ್ನೂ ಮಾಹಿತಿ ನೀಡಿಲ್ಲ.
ಇನ್ಶುರೆನ್ಸ್ ಮತ್ತಿತರ ಹಣಕಾಸು ವ್ಯವಹಾರಗಳಿಗೆ ಪ್ಯಾನ್ ನಂಬರ್ ಅಥವಾ ಆಧಾರ್ ಅನ್ನು ಈ ಮೊದಲೇ ಕಡ್ಡಾಯಗೊಳಿಸಲಾಗಿತ್ತು. ಈಗಾಗಲೇ ಇರುವ ಪಾಲಿಸಿಗಳನ್ನೂ ಆಧಾರ್ ಜೊತೆ ಜೋಡಿಸುವಂತೆ ಐಆರ್ ಡಿಎಐ ತಿಳಿಸಿದೆ.
ದೇಶದಲ್ಲಿ ಈಗಾಗಲೇ ಇರುವ 24 ಜೀವ ವಿಮಾ ಕಂಪೆನಿಗಳು ಮತ್ತು 33 ಜನರಲ್ ಇನ್ಷುರೆನ್ಸ್ ಕಂಪೆನಿಗಳು ಈ ನಿಯಮವನ್ನು ಪಾಲಿಸಲಿವೆ.
Click it and Unblock the Notifications
Sign in with Google