Bihar Election: ಚುನಾವಣೆ ಮುನ್ನ 4 ವಿಶೇಷ ರೈಲಲ್ಲಿ ಬಿಹಾರಕ್ಕೆ ಬಂದಿಳಿದ 6000 ಜನ: ರೈಲ್ವೆ ಇಲಾಖೆ ಹೇಳಿದ್ದೇನು?

ನವದೆಹಲಿ, ನವೆಂಬರ್ 10: ಬಿಹಾರ ವಿಧಾನಸಭಾ ಚುನಾವಣೆಯ ಮೊದಲ ಹಂತದ ಚುನಾವಣೆ ಪೂರ್ಣಗೊಂಡಿದೆ. ಇದೀಗ ಎರಡನೇ ಹಂತದ ಚುನಾವಣೆ (ನವೆಂಬರ್ 11) ಕ್ಷಣಗಣನೆ ಶುರುವಾಗಿದೆ. ಈ ಮಧ್ಯೆ ಸಾವಿರಾರು ಜನರನ್ನು ಹರಿಯಾಣದಿಂದ ವಿಶೇಷ ರೈಲುಗಳ ಮೂಲಕ ಬಿಹಾರಕ್ಕೆ ಕರೆತರಲಾಗಿದೆ ಎಂದು ರಾಜ್ಯಸಭಾ ಸದಸ್ಯ ಕಪಿಲ್ ಸಿಬಲ್ ಅರೋಪಿಸಿದ್ದರೆ. ಈ ಬಗ್ಗೆ ರೈಲ್ವೆ ಸಚಿವಾಲಯದಿಂದ ಉತ್ತರಕ್ಕೆ ಆಗ್ರಹಿಸಿದ್ದಾರೆ. ರೈಲ್ವೆ ಸಚಿವಾಲಯ ಏನೆಂದು ಪ್ರತಿಕ್ರಿಯಿಸಿದೆ.

ನೆನ್ನೆ ಭಾನುವಾರ ನವೆಂಬರ್ 3 ರಂದು ಹರಿಯಾಣದಿಂದ ಬಿಹಾರಕ್ಕೆ "ನಾಲ್ಕು ವಿಶೇಷ ರೈಲುಗಳನ್ನು" ಕಾರ್ಯಾಚರಣೆ ಮಾಡಲಾಗಿದೆ. ಅದರಲ್ಲಿ 6,000 ಜನರ ಬಿಹಾರಕ್ಕೆ ಬಂದಿಳಿದಿದ್ದಾರೆ ಎಂದು ಸಂಸದ ಕಪಿಲ್ ಸಿಬಲ್ ಆರೋಪಿಸಿದ್ದಾರೆ. ವಿಧಾನಸಭಾ ಚುನಾವಣೆಯ ಹೊತ್ತಿನಲ್ಲಿ ಈ ವಿಶೇಷ ರೈಲುಗಳನ್ನು ಓಡಿಸುವ ಉದ್ದೇಶ ಏನಿತ್ತು? ಮತ್ತು ಅವರಿಗೆ ಹಣ ನೀಡಿದ್ದ್ಯಾರು ಎಂದು ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಅವರನ್ನು ಸಂಸದರು ಪ್ರಶ್ನಿಸಿದ್ದಾರೆ.

ಸಂಸದರ ಆರೋಪಕ್ಕೆ ರೈಲ್ವೆ ಸಚಿವಾಲಯ ಪ್ರತಿಕ್ರಿಯಿಸಿದೆ. ಹಬ್ಬದ ಋತುವಿನ ಹಿನ್ನೆಲೆಯಲ್ಲಿ ರೈಲ್ವೆ ಇಲಾಖೆಯು 12,000 ವಿಶೇಷ ರೈಲುಗಳನ್ನು ಓಡಿಸುತ್ತಿದೆ. ಅದರಲ್ಲಿ 10,700 ವಿಶೇಷ ರೈಲುಗಳನ್ನು ನಿಗದಿಪಡಿಸಲಾಗಿದೆ. ಸುಮಾರು 2000 ರೈಲುಗಳ ನಿಗದಿಪಡಿಸಿಲ್ಲ (Unschuduled). ರೈಲ್ವೆ ವಿಭಾಗೀಯ, ವಲಯ ಮತ್ತು ರೈಲ್ವೆ ಮಂಡಳಿ ಮಟ್ಟದಲ್ಲಿ ಮೂರು ಹಂತಗಳಲ್ಲಿ ಕಾರ್ಯಾಚರಣೆಗೆ ಪ್ಲಾನ್ ಮಾಡಿಕೊಂಡಿದ್ದವು. ಯಾವುದೇ ನಿಲ್ದಾಣದಲ್ಲಿ ಪ್ರಯಾಣಿಕರ ಹಠಾತ್ ದಟ್ಟಣೆ ಉಂಟಾದರೆ, ತಕ್ಞಣವೇ ನಿಗದಿತ ವಿಶೇಷ ರೈಲು ಸೇವೆ ಬಿಡುಗಡೆ ಮಾಡಿದ್ದೇವೆ ಎಂದು ತಿಳಿಸಿದೆ.

ತಮ್ ಆರೋಪಕ್ಕೆ ಸಂಬಂಧಿಸಿದಂತೆ ಸಂಸದ ಕಪಿಲ್ ಸಿಬಲ್ ಮತ್ತು ಆರ್‌ಜೆಡಿಯ ರಾಜ್ಯಸಭಾ ಸಂಸದ ಸಿಂಗ್ ಜಂಟಿ ಸುದ್ದಿಗೋಷ್ಠಿ ನಡೆಸಿದರು. ರೈಲ್ವೆ ಅಧಿಕಾರಿಗಳಿಗೆ ಕೆಲವು ರೈಲುಗಳನ್ನು ವ್ಯವಸ್ಥೆ ಮಾಡಲು ಮತ್ತು ಅಲ್ಲಿ ಹರಿಯಾಣ ಬಿಜೆಪಿ ಮುಖ್ಯಸ್ಥ ಮೋಹನ್ ಲಾಲ್ ಬಡೋಲಿ ಮತ್ತು ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಅರ್ಚನಾ ಗುಪ್ತಾ ಅವರನ್ನು ಸಂಪರ್ಕಿಸಲಾಗಿತ್ತು ಎಂದು ದೂರಿದ್ದಾರೆ. ಈ ರೈಲುಗಳಿಗೆ ಬಿಜೆಪಿಯೇ ಹಣ ಪಾವತಿಸಿದೆ ಎಂದು ಸಿಂಗ್ ಆರೋಪಿಸಿದ್ದಾರೆ.

This festival season Railways is running 12,000 special trains. 10,700 special trains are scheduled. And about 2000 trains are unscheduled. We are operating war rooms at three levels, divisional, zonal, and Railway board level. Whenever there is a sudden rush of passengers at… https://t.co/98VYO63k9C

— Ministry of Railways (@RailMinIndia) November 9, 2025

ಇಂತಹ ಸಂದರ್ಭಗಳಲ್ಲಿ ಕೇಂದ್ರ ಚುನಾವಣಾ ಆಯೋಗವು ಏನನ್ನೂ ಮಾಡುವುದಿಲ್ಲ. ಚುನಾವಣೆ ಆಯೋಗ ನಡೆಸುವ ಚುನಾವಣೆ ವಿಧಾನವು ಅನುಮಾನಾಸ್ಪದವಾಗಿದೆ ಎಂದು ಕಿಡಿ ಕಾರಿದರು. ನವೆಂಬರ್ 3 ರಂದು ಕರ್ನಾಲ್‌ನಿಂದ ಹೊರಟ ವಿಶೇಷ ರೈಲು ಬರೌನಿಗೆ ಬಂದಿದ್ದು, ಅದರಿಂದ 1,500 ಜನ ಇಳಿದರು. ನಂತರ ಬೆಳಗ್ಗೆ 11 ಗಂಟೆಗೆ ಕರ್ನೊಲ್‌ನಿಂದ ರೈಲು ಸಂಚಾರ ಆರಂಭಿಸಿ ಬಾಗಲಪುರ ತಲುಪಿತು. ಅದರಲ್ಲಿ 1,500 ಜನರಿದ್ದರು. ಇದೇ ರೀತಿ ಒಟ್ಟು ನಾಲ್ಕು ರೈಲುಗಳಿಂದ 6000 ಜನರು ಪ್ರಯಾಣಿಸಿದ್ದಾರೆ ಎಂದರು. ಜೊತೆಗೆ ಈ ಬಗ್ಗೆ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಅವರು ಪ್ರತಿಕ್ರಿಯಿಸುವಂಥೆ ಅವರು ಕೋರಿದ್ದಾರೆ.

ಬಿಹಾರ ಚುನಾವಣೆಗಳು ನವೆಂಬರ್ 6 ರಂದು ಮೊದಲ ಹಂತ ಮುಕ್ತಾಯವಾಗಿದೆ. ಎರಡನೇ ಹಂತ ಮತದಾನ ನಾಳೆ ನವೆಂಬರ್11 ರಂದು ನಡೆಯಲಿದೆ. ಈ ಚುನಾವಣೆ ಫಲಿತಾಂಶ ನವೆಂಬರ್ 14 ರಂದು ಪ್ರಕಟವಾಗಲಿದೆ. ಪ್ರತಿ ಬೆಳವಣಿಗೆ ಮೇಲೂ ಎಲ್ಲ ನಾಯಕರ ಕಣ್ಣಿದೆ. ಹೀಗಾಗಿ ರೈಲು ಸೇವೆ, ಪ್ರಯಾಣಿಕ ಓಡಾಟವನ್ನು ಪ್ರಶ್ನಿಸಲಾಗಿದೆ.

English summary

MP Kapil Sibal and A D Singh alleged that four special trains carrying 6,000 people were run from Haryana to Bihar ahead of elections, claiming BJP funded them. The Railways denied political links,