ಕಾಶ್ಮೀರದ ಟ್ರಾಲ್ ನಲ್ಲಿ 2 ಉಗ್ರರನ್ನು ಹತ್ಯೆಗೈದ ಸೇನೆ

ಜಮ್ಮು ಮತ್ತು ಕಾಶ್ಮೀರ, ಆಗಸ್ಟ್ 9: ಪುಲ್ವಾಮದ ಟ್ರಾಲ್ ನಲ್ಲಿ ಮೂವರು ಉಗ್ರರು ಅಡಗಿಕೊಂಡಿದ್ದು, ಭಯೋತ್ಪಾದಕರನ್ನು ಸದೆ ಬಡಿಯಲು ಭಾರತೀಯ ಸೇನೆ ಕಾರ್ಯಾಚರಣೆ ಆರಂಭಿಸಿದೆ. ಇವರಿಗೆ ಜಮ್ಮು ಮತ್ತು ಕಾಶ್ಮೀರ ಸೈನಿಕರು ಸಾಥ್ ನೀಡಿದ್ದಾರೆ.

ಟ್ರಾಲ್ ನಲ್ಲಿ 2-3 ಉಗ್ರರು ಅಡಗಿಕೊಂಡಿರಬಹುದು ಎಂದು ಸೇನಾಪಡೆ ಅಧಿಕಾರಿಗಳು ಅಂದಾಜಿಸಿದ್ದಾರೆ. ಗುಪ್ತಚರ ಇಲಾಖೆ ನೀಡಿದ ಖಚಿತ ಮಾಹಿತಿಯ ಮೇರೆಗೆ ಕಾರ್ಯಾಚರಣೆ ಆರಂಭಿಸಲಾಗಿದೆ.

ಉಗ್ರರಿರುವ ಪ್ರದೇಶವನ್ನು ಸೇನಾಪಡೆಗಳು ಸುತ್ತುವರಿದಿದ್ದು ಉಗ್ರರ ಜತೆ ಸೈನಿಕರು ಕಾದಾಟ ನಡೆಸುತ್ತಿದ್ದಾರೆ. ಇಲ್ಲಿರುವ ಉಗ್ರರು ಲಷ್ಕರ್ ಇ ತಯ್ಯಬಾಗೆ ಸೇರಿದವರು ಎನ್ನಲಾಗಿದೆ.

English summary

An encounter has broken out between security forces and terrorists at Tral in Pulwama, Jammu and Kashmir. At least 2 or 3 terrorists are believed to be holed up at the encounter site.