ರಿಸೋಸ್ಯಾಟ್-2A ಉಡಾವಣೆ, ಕಕ್ಷೆಗೆ ಸೇರಿದ ಉಪಗ್ರಹ
ಶ್ರೀಹರಿಕೋಟಾ, ಡಿಸೆಂಬರ್ 7: ಭಾರತೀಯ ಭಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ ಸೆಟಲೈಟ್ ರೀಸೊಸ್ಯಾಟ್ -2A ಯಶಸ್ವಿ ಉಡಾವಣೆಯನ್ನು ಮಾಡಿ ಮತ್ತೊಂದು ಮಹತ್ವದ ಮೈಲುಗಲ್ಲನ್ನು ಮೆರೆದಿದೆ. ಅಲ್ಲದೆ ಅದು ತನ್ನ ಕಕ್ಷೆಯಲ್ಲಿ ಸರಿಯಾಗಿ ಸೇರಿದೆ ಎಂದು ಇಸ್ರೋ ತಿಳಿಸಿದೆ.
ಇದು ದೂರಸಂವೇದಿ ಉಪಗ್ರಹವಾಗಿದ್ದು, ಇದನ್ನು ಎ ಪೋಲಾರ್ ಉಪಗ್ರಹ ಲಾಂಚ್ ವಾಹನ- ಪಿಎಸ್ಎಲ್ ವಿ 36 ರಲ್ಲಿ ತಂದು ಉಡಾವಣೆ ಮಾಡಲಾಗಿದೆ. ರೀಸೋಸ್ಯಾಟ್- 2A ನ ಒಟ್ಟು 1.2 ಟನ್ ತೂಕ ಹೊಂದಿದ್ದು ಶ್ರೀ ಹರಿಕೋಟಾದ ಸತೀಶ್ ಧವನ್ ಭಾಹ್ಯಕಾಶ ಕೇಂದ್ರದಿಂದ ಈ ಉಪಗ್ರಹವನ್ನು ಬೆಳಗ್ಗೆ 10.30ಕ್ಕೆ ಹಾರಿಸಲಾಗಿದೆ ಎಂದು ಇಸ್ರೋ ತಿಳಿಸಿದೆ.[ಚಿತ್ರಗಳು : ಇಸ್ರೋ ಸಾಧನೆ, 20 ಉಪಗ್ರಹ ಉಡಾವಣೆ]
ಒಟ್ಟು ಹದಿನೆಂಟು ನಿಮಿಷಗಳಲ್ಲಿ ಶ್ರೀ ಹರಿಕೋಟಾದಿಂದ ಉಡಾವಣೆಯಾದ ಉಪಗ್ರಹವು ಸೌರ ವ್ಯೂಹದ 818 ಕಿಲೋ ಮೀಟರ್ ಕ್ರಮಿಸಿ ತನ್ನ ಕಕ್ಷೆಯನ್ನು ಸೇರಿದೆ.
18 ವರ್ಷಗಳಲ್ಲಿ (1994-2016) ಪಿಎಸ್ಎಲ್ ವಿ ಉಡಾವಣೆಗಳು ಯಶಸ್ವಿಯಾಗಿದ್ದು, ವಿದೇಶದಲ್ಲಿ 79 ಸೇರಿದಂತೆ ಒಟ್ಟು 121 ಉಪಗ್ರಹಗಳು ಯಶಸ್ವಿ ಉಡಾವಣೆಯನ್ನು ಕಂಡಿವೆ.
ರಿಸೋಸ್ಯಾಟ್ 1,2 ಅನ್ನು ಕ್ರಮವಾಗಿ 2003 ಮತ್ತು 2012ರಲ್ಲಿ ಉಡಾವಣೆಮಾಡಲಾಗಿತ್ತು.