• search

ಐಎಸ್‌ಐಎಸ್‌ ಸೇರುವ ಯುವಕರಿಗೆ ಹಣ, ಕೆಲಸದ ಆಮಿಷ

By ವಿಕಾಸ್ ನಂಜಪ್ಪ
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ತಿರುವನಂತಪುರಂ, ಸೆಪ್ಟೆಂಬರ್ 23 : ಐಎಸ್ಐಎಸ್ ಉಗ್ರರು ತಮ್ಮ ವಿಚಾರಧಾರೆಗಳತ್ತ ಆಕರ್ಷಿತರಾದವರನ್ನು ಮಾತ್ರ ಸಂಘಟನೆಗೆ ಸೇರಿಸಿಕೊಳ್ಳುತ್ತಿರಲಿಲ್ಲ. ಸಂಘಟನೆಗೆ ಸೇರುವಂತೆ ಯುವಕರಿಗೆ ಹಣ ಮತ್ತು ಉದ್ಯೋಗದ ಆಮಿಷವನ್ನು ವೊಡ್ಡುತ್ತಿದ್ದರು ಎಂಬುದು ಕೇರಳ ಪೊಲೀಸರ ತನಿಖೆಯಿಂದ ಬಹಿರಂಗವಾಗಿದೆ.

    ರಿಯಾಬ್ ಉಲ್ ರೆಹೆಮಾನ್ ವಿರುದ್ಧ ಎಫ್‌ಐಆರ್ ದಾಖಲು ಮಾಡಿಕೊಂಡು ತನಿಖೆ ನಡೆಸುತ್ತಿರುವ ಕೇರಳದ ಪೊಲೀಸರಿಗೆ ಇಸ್ಲಾಮಿಕ್ ಸ್ಟೇಟ್ ಆಫ್ ಇರಾಕ್ ಅಂಡ್ ಸಿರಿಯಾ (ಐಎಸ್‌ಐಎಸ್) ಉಗ್ರರು ಸಂಘಟನೆ ಸೇರುವಂತೆ ಯುವಕರಿಗೆ ಆಮಿಷವೊಡ್ಡುತ್ತಿರುವ ಮಾಹಿತಿ ತಿಳಿದುಬಂದಿದೆ. [ISISಗೆ ಬೆಂಬಲ ಇಬ್ಬರ ಗಡಿಪಾರು]

    isis

    ಕೇರಳ ಪೊಲೀಸರು ಹಲವಾರು ಜನರನ್ನು ವಿಚಾರಣೆ ನಡೆಸಿದ ಬಳಿಕ ಈ ಬಗ್ಗೆ ಮಾಹಿತಿ ಲಭ್ಯವಾಗಿದೆ. ಐಎಸ್‌ಐಎಸ್ ಪರವಾಗಿ ಕೆಲಸ ಮಾಡುತ್ತಾರೆ ಎಂದು ಯುಎಇನಿಂದ ಗಡಿಪಾರಾದವರನ್ನು ವಿಚಾರಣೆ ನಡೆಸಿ ಪೊಲೀಸರು ಮಾಹಿತಿ ಸಂಗ್ರಹಣೆ ಮಾಡಿದ್ದಾರೆ. [ಉಗ್ರ ಸಂಘಟನೆ ಸೇರಿದ ಮತ್ತೊಬ್ಬ ಕೇರಳ ಯುವಕ]

    ಐಎಸ್‌ಐಎಸ್ ಮಲ್ಲಪುರಂನ ಇಬ್ಬರು ಹಿಂದೂ ಯುವಕರು ಸೇರಿದಂತೆ ಹಲವು ಯುವಕರನ್ನು ಸಂಪರ್ಕಿಸಿದ ಬಗ್ಗೆ ಕೇರಳ ಪೊಲೀಸರು ಮಾಹಿತಿ ಸಂಗ್ರಹಿಸಿದ್ದಾರೆ. ಉತ್ತಮ ಉದ್ಯೋಗ ಮತ್ತು ಹೆಚ್ಚಿನ ಹಣ ನೀಡುವುದಾಗಿ ಯುವಕರಿಗೆ ಆಮಿಷವೊಡ್ಡಿರುವುದು ಹಾಗೂ ಸಿರಿಯಾಕ್ಕೆ ಹೋಗಲು ಹಣದ ಸಹಾಯ ಮಾಡುವುದಾಗಿ ಉಗ್ರರು ಭರವಸೆ ನೀಡಿರುವುದು ತನಿಖೆಯಿಂದ ಬಹಿರಂಗಗೊಂಡಿದೆ.

    ಐಎಸ್‌ಐಎಸ್ ವಿಚಾರಧಾರೆಗಳಿಂದ ಆಕರ್ಷಿತರಾಗಿ ಸಂಘಟನೆ ಸೇರುತ್ತೇವೆ ಎಂದು ಯುವಕರು ಮುಂದೆ ಬಂದರೆ ಉಗ್ರರ ಕೆಲಸ ಸುಲಭವಾಗುತ್ತದೆ. ಸದ್ಯ, ಸಿರಿಯಾದಲ್ಲಿದ್ದಾನೆ ಎಂದು ಆರೋಪಿಸಲಾಗಿರುವ ರಿಯಾಬ್ ಉಲ್ ರೆಹೆಮಾನ್ ಹಲವಾರು ಯುವಕರಿಗೆ ಕರೆ ಮಾಡಿ ಸಂಘಟನೆ ಸೇರುವಂತೆ ಪ್ರೇರೆಪಿಸುತ್ತಿದ್ದಾನೆ ಎಂದು ಯುಎಇನಿಂದ ಗಡಿಪಾರಾದವರು ಪೊಲೀಸರಿಗೆ ತಿಳಿಸಿದ್ದಾರೆ.

    ಐಎಸ್‌ಐಎಸ್ ಸೇರುವಂತೆ ಐವರು ಭಾರತೀಯ ಯುವಕರಿಗೆ ರಿಯಾಬ್ ಆಹ್ವಾನ ನೀಡಿದ್ದಾನೆ ಎಂದು ತಿಳಿದುಬಂದಿದ್ದು, ಪೊಲೀಸರು ಇವರ ಹುಡುಕಾಟ ನಡೆಸುತ್ತಿದ್ದಾರೆ. ಮಲ್ಲಪುರಂನ ಇಬ್ಬರು ಯುವಕರು ಮತ್ತು ಯುಎಇನಿಂದ ಗಡಿಪಾರಾದ ಇಬ್ಬರು ಐದು ಜನರಲ್ಲಿ ಸೇರಿದ್ದಾರೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    ISIS recruitment are not only based on ideology. The investigations that are being conducted by the Kerala police have revealed that the recruiters have been luring youth with money and also lucrative jobs before trapping them into the fold of the ISIS.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more