ಮಲ್ಯ ಎಲ್ಲೇ ಇರಲಿ, ಡಿ.18ರಂದು ಕೋರ್ಟಿಗೆ ಬರಲಿ
ನವದೆಹಲಿ, ನವೆಂಬರ್ 08:ವಿದೇಶಿ ವಿನಿಯಮ ನಿಯಂತ್ರಣ ಕಾಯ್ದೆ ಉಲ್ಲಂಘನೆ ಆರೋಪ ಹೊತ್ತಿರುವ ವಿಜಯ್ ಮಲ್ಯ ಅವರು ಎಲ್ಲೇ ಇರಲಿ ಡಿಸೆಂಬರ್ 18ರಂದು ವಿಚಾರಣೆಗೆ ಕೋರ್ಟಿಗೆ ಹಾಜರಾಗಬೇಕು ಎಂದು ದೆಹಲಿಯ ಪಟಿಯಾಲಾ ಕೋರ್ಟ್ ಬುಧವಾರದಂದು ಆದೇಶ ನೀಡಿದೆ.
ಈ ನಡುವೆ ಮದ್ಯದ ದೊರೆ ವಿಜಯ್ ಮಲ್ಯ ಅವರನ್ನು ಉದ್ದೇಶಪೂರ್ವ ಸುಸ್ತಿದಾರ ಎಂದು ಘೋಷಿಸುವಂತೆ ಜಾರಿ ನಿರ್ದೇಶನಾಲಯ ಕೋರ್ಟಿಗೆ ಮನವಿ ಸಲ್ಲಿಸಿದೆ.
61 ವರ್ಷ ವಯಸ್ಸಿನ ಮಲ್ಯ ಅವರು ಭಾರತದಲ್ಲಿನ ಸುಮಾರು 17 ಬ್ಯಾಂಕುಗಳಲ್ಲಿ ಸುಮಾರು 9 ಸಾವಿರ ಕೋಟಿ ರು.ನಷ್ಟು ಸಾಲ ಪಡೆದು ಲಂಡನ್ ನಲ್ಲಿ ತಲೆ ಮರೆಸಿಕೊಂಡಿದ್ದಾರೆ. ಲಂಡನ್ನಿನಿಂದ ಭಾರತಕ್ಕೆ ಕರೆ ತರುವ ಪ್ರಯತ್ನ ಜಾರಿಯಲ್ಲಿದೆ.
Click it and Unblock the Notifications
Sign in with Google