'ಡಿಜೆ ಸಂಗೀತ, ಬ್ಯಾಂಡ್ ನುಡಿಸಿದರೆ ನಿಖಾ ಮಾಡಬೇಡಿ': ಧರ್ಮಗುರುಗಳಿಗೆ ಮುಸ್ಲಿಂ ಸಂಘಟನೆ ಸೂಚನೆ
ಘಾಜಿಯಾಬಾದ್ ಡಿಸೆಂಬರ್ 15: ಮದುವೆ ಸಮಾರಂಭದಲ್ಲಿ ಡಿಜೆ ಸಂಗೀತ ಅಥವಾ ಬ್ಯಾಂಡ್ ನುಡಿಸಿದರೆ 'ನಿಖಾ' (ಮುಸ್ಲಿಂ ವಿವಾಹ ಸಮಾರಂಭ) ಮಾಡಬೇಡಿ ಎಂದು ಉತ್ತರ ಪ್ರದೇಶದ ಮುಸ್ಲಿಂ ಮಹಾ ಸಭಾ ಧರ್ಮಗುರುಗಳಿಗೆ ಘಾಜಿಯಾಬಾದ್ ಮುಸ್ಲಿಂ ಸಂಘಟನೆ ಸೂಚನೆ ನೀಡಿದೆ.
ಪಿಟಿಐ ಪ್ರಕಾರ, ವಿವಾಹ ಸಮಾರಂಭಗಳನ್ನು ಸರಳವಾಗಿ ನಡೆಸಲು ಸಮುದಾಯಗಳನ್ನು ಮನವೊಲಿಸಲು ಧರ್ಮಗುರುಗಳ ಸಹಕಾರವನ್ನು ಕೋರಿ ಸಂಸ್ಥೆ ಹೇಳಿಕೆ ನೀಡಿದೆ. ಮದುವೆ ಕಾರ್ಯಕ್ರಮಗಳಿಗೆ ಹೆಚ್ಚು ಹಣ ಖರ್ಚು ಮಾಡುವುದನ್ನು ಸಂಸ್ಥೆ ವಿರೋಧಿಸುವುದನ್ನು ಮುಂದುವರಿಸಲಿದೆ ಎಂದು ಈ ಹೇಳಿಕೆ ನೀಡಿದೆ.
ಭವಿಷ್ಯದಲ್ಲಿ ಡಿಜೆ ಸಂಸ್ಕೃತಿಯನ್ನು ಪ್ರೋತ್ಸಾಹಿಸುವುದಿಲ್ಲ ಎಂಬ ಲಿಖಿತ ಭರವಸೆಯನ್ನು ಕುಟುಂಬಗಳಿಂದ ತೆಗೆದುಕೊಳ್ಳಬೇಕು ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.
ಜಾರ್ಖಂಡ್ನ ಧನ್ಬಾದ್ ಜಿಲ್ಲೆಯ ಮುಸ್ಲಿಂ ಧರ್ಮಗುರುಗಳ ಗುಂಪು ನೃತ್ಯ, ಜೋರಾಗಿ ಸಂಗೀತ ನುಡಿಸುವುದು ಮತ್ತು ಮದುವೆಯ ಸಮಯದಲ್ಲಿ ಪಟಾಕಿ ಸಿಡಿಸುವಂತಹ ಮುಸ್ಲೀಮೇತರ ಆಚರಣೆಗಳನ್ನು ನಿಷೇಧಿಸಿದೆ. ಜೊತೆಗೆ ಆದೇಶವನ್ನು ಉಲ್ಲಂಘಿಸುವವರಿಗೆ ದಂಡ ವಿಧಿಸಲಾಗುವುದು ಎಂದು ಹೇಳಿದೆ.
ಸಿಬಿಲಿಬಾಡಿ ಜಾಮಾ ಮಸೀದಿಯ ಹೆಡ್ ಇಮಾಮ್ ಮೌಲಾನಾ ಮಸೂದ್ ಅಖ್ತರ್, "ಇಸ್ಲಾಂನಲ್ಲಿ ಇಂತಹ ಆಚರಣೆಗಳಿಗೆ ಅನುಮತಿ ಇಲ್ಲ, ಇದು ಜನರಿಗೆ ಅನಾನುಕೂಲತೆಯನ್ನು ಉಂಟುಮಾಡುತ್ತದೆ" ಎಂದು ಹೇಳಿದರು.
Click it and Unblock the Notifications
Sign in with Google